ಟಿವಿಎಸ್ ಜೆಸ್ಟ್ 110 'ಹಿಮಾಲಯನ್ ಹೈಸ್' ವಿಶೇಷ ಆವೃತ್ತಿ ಬಿಡುಗಡೆ

ವಿಶೇಷ ಬಣ್ಣ, ಜೋಡಿ ಬಣ್ಣದ ಸೀಟುಗಳು, ಇಂಟಿರಿಯರ್ ಪ್ಯಾನೆಲ್ ಮತ್ತು ವಿಶೇಷ ಆವೃತ್ತಿಯ ಲಾಂಛನವನ್ನು ಬಿಡುಗಡೆ ಮಾಡಿದೆ.

ಸಮುದ್ರ ಮಟ್ಟದಿಂದ 18,380 ಅಡಿ ಎತ್ತರದಲ್ಲಿರುವ ವಿಶ್ವದ ಅತಿ ಎತ್ತರದ ಮೋಟಾರು ವಾಹನ ಸಂಚಾರದ ಖರ್ದಂಗ್ ಲಾ ಪಾಸ್ ದಾಟುವ ಮೂಲಕ ಟಿವಿಎಸ್ ಜೆಸ್ಟ್ ದಾಖಲೆ ಬರೆದಿದೆ.

ನೂತನ ಟಿವಿಎಸ್ ಜೆಸ್ಟ್ 100 ಹಿಮಾಲಯನ್ ಹೈಸ್, ಅತಿ ವಿಶೇಷವಾದ ಕಂದು ಬಣ್ಣ, ವಿವಿಧ ಪ್ಯಾನೆಲ್, ವಿಶೇಷ ಬಣ್ಣದ ಕವರ್ ಸ್ವಿಚ್ ಫಲಕಗಳನ್ನು ಕಾಣಬಹುದಾಗಿದೆ.

21ರ ಹರೆಯದ ಅನಾಂ ಹಾಶೀಂ ಟಿವಿಎಸ್ ಜೆಸ್ಟ್ ನಲ್ಲಿ ಖರ್ದಂಗ್ ಲಾ ಪಾಸ್ ಕ್ರಮಿಸುವ ಮೂಲಕ ಭಾರತೀಯ ದಾಖಲೆ ಪುಟದಲ್ಲಿ ಸ್ಥಾನಗಿಟ್ಟಿಸಿಕೊಂಡಿದ್ದಾರೆ. ಒಟ್ಟು 20 ದಿನಗಳ ಪರ್ಯಂತ ಯಾತ್ರೆ ಹಮ್ಮಿಕೊಂಡಿದ್ದರು.

ಈ ಬಗ್ಗೆ ಹೇಳಿಕೆ ಕೊಟ್ಟಿರುವ ಅನಾಂ ಹಾಶೀಂ, 'ಚಾಲನೆ ನನ್ನ ಅಭಿಲಾಷೆಯಾಗಿದ್ದು, ಯಾವತ್ತೂ ನೂತನ ಸವಾಲುಗಳನ್ನು ಸ್ವೀಕರಿಸಲು ತಯಾರಾಗಿದ್ದೇನೆ' ಎಂದಿದ್ದಾರೆ.

109.7 ಸಿಸಿ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಟಿವಿಎಸ್ ಸ್ಕೂಟಿ ಜೆಸ್ಟ್, 8.7 ಎನ್ ಎಂ ತಿರುಗುಬಲದಲ್ಲಿ 8 ಅಶ್ವಶಕ್ತಿ ಉತ್ಪಾದಿಸಲಿದೆ.

ಅಂತೆಯೇ ಪ್ರತಿ ಲೀಟರ್ ಗೆ 62 ಕೀ.ಮೀ.ಗಳಷ್ಟು ಮೈಲೇಜ್ ನೀಡುವಷ್ಟು ಸಮರ್ಥವೆನಿಸಿದೆ.