ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ 'ಚಾಕೊಲೇಟ್ ಗೋಲ್ಡ್' ಆವೃತ್ತಿ ಬಿಡುಗಡೆ

ನೂತನ ಪ್ರೀಮಿಯಂ ಚಾಕೊಲೇಟ್ ಗೋಲ್ಡ್ ಬಣ್ಣದ ಹೊರತಾಗಿ ಮ್ಯಾಚ್ ಟೈಟಾನಿಯಂ ಗ್ರೇ ಎಡಿಷನ್ ಮತ್ತು ಆಕರ್ಷಕ ಗೋಲ್ಡ್ ಎಡಿಷನ್ ಮಾದರಿಯಲ್ಲೂ ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ ಆವೃತ್ತಿಯು ಲಭ್ಯವಾಗಲಿದೆ.

ಅಂದ ಹಾಗೆ ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ ಬೈಕ್ ಸ್ಟ್ಯಾಂಡರ್ಡ್ ಸೆಲೆಬ್ರಿಟಿ ಸ್ಕಾರ್ಲೆಟ್, ಓಸ್ಕರ್ ಬ್ಲ್ಯಾಕ್ ಮತ್ತು ಶೋ ಸ್ಟಾಪ್ಪರ್ ಬ್ಲೂ ಬಣ್ಣಗಳ ಆಯ್ಕೆಗಳಲ್ಲೂ ಲಭ್ಯವಿರುತ್ತದೆ.

ಭಾರತ ಮಾರುಕಟ್ಟೆಯಲ್ಲಿ ಗ್ರಾಹಕನ ಖರೀದಿ ಬಯಕೆಗಳಲ್ಲಿ ಬಣ್ಣವು ನಿರ್ಣಾಯಕ ಪಾತ್ರ ವಹಿಸುತ್ತದೆ. ಇದು ಗೋಲ್ಡ್ ಮತ್ತು ಮ್ಯಾಟ್ ಚಾಕೊಲೇಟ್ ಬ್ರೌನ್ ಬಣ್ಣದ ಸಂಯೋಜನೆಯಾಗಿದೆ.

ನೂತನ ಚಾಕೊಲೇಟ್ ಗೋಲ್ಡ್ ಎಡಿಷನ್ ನ ಟ್ಯಾಂಕ್ ಮತ್ತು ಬಾಡಿ ಪ್ಯಾನೆಲ್ ಗಳಲ್ಲಿ ಚಾಕೊಲೇಟ್ ಕಂದು ಬಣ್ಣವನ್ನು ಬಳಿಯಲಾಗಿದೆ. ಇದರ ಜೊತೆಗೆ ಚಿನ್ನದ ಗ್ರಾಫಿಕ್ಸ್ ಗಳನ್ನು ಬಳಿಯಲಾಗಿದೆ.

ಚಿನ್ನದ ಬಣ್ಣದ ಅಲಾಯ್ ವೀಲ್ ನೂತನ ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ ವಿಶೇಷ ಆವೃತ್ತಿಗೆ ಪ್ರೀಮಿಯಂ ಲುಕ್ ನೀಡಲಿದೆ.

ಹಾಗಿದ್ದರೂ ಅಂದತೆಯ ಹೊರತಾಗಿ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆಗಳು ಕಂಡುಬಂದಿಲ್ಲ. ಇದು 110 ಸಿಸಿ ಇಕೊಥ್ರಸ್ಟ್ ಎಂಜಿನ್ ನಿಂದ ನಿಯಂತ್ರಿಸ್ಪಡಲಿದೆ.

ಇದರಲ್ಲಿರುವ 109.7 ಸಿಸಿ ಎಂಜಿನ್ 8.7 ಎನ್ ಎಂ ತಿರುಗುಬಲದಲ್ಲಿ 8.3 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ 4 ಸ್ಪೀಡ್ ಗೇರ್ ಬಾಕ್ಸ್ ಪಡೆಯಲಿದೆ.

ಇನ್ನುಳಿದಂತೆ ಡಿಜಿಟಲ್ ಫ್ಯೂಯಲ್ ಗೇಜ್, ಲಾಂಗ್ ವೀಲ್ ಬೇಸ್, ಹಿಂಬದಿಯಲ್ಲಿ ಅಗಲವಾದ ಚಕ್ರಗಳು, ಅನಲಾಗ್ ಸ್ಪೀಡೋಮೀಟರ್ ಇತ್ಯಾದಿ ವೈಶಿಷ್ಟ್ಯಗಳು ಇರಲಿದೆ.