ರೂ. 29 ಲಕ್ಷ ಮೌಲ್ಯದ ಬಿಎಂಡಬ್ಲ್ಯು ಕೆ 1600 ಬಿ ಬೈಕ್ ಭಾರತದಲ್ಲಿ ಬಿಡುಗಡೆ

ಕಳೆದ 2 ದಿನಗಳಿಂದ ನವದೆಹಲಿಯಲ್ಲಿ ನಡೆದಿರುವ ಐಬಿಡಬ್ಲ್ಯು 2017 ಕಾರ್ಯಕ್ರಮದಲ್ಲಿ ತನ್ನ ಹೊಸ ಉತ್ಪನ್ನ ಬಗ್ಗೆ ಮಹತ್ವದ ಚರ್ಚೆ ನಡೆಸಿರುವ ಬಿಎಂಡಬ್ಲ್ಯು ಸಂಸ್ಥೆಯು ಕೆ 1600 ಬಿ ಜೊತೆಗೆ ಆರ್ ನೈನ್ ಟಿ ರೇಸರ್ ಬೈಕ್ ಆವೃತ್ತಿಗಳನ್ನು ಬಿಡುಗಡೆ ಮಾಡಿರುವ ಹಲವು ವಿಶೇಷತೆಗಳಿಗೆ ಕಾರಣವಾಗಿದೆ.

ಬಿಎಂಡಬ್ಲ್ಯು ಸಂಸ್ಥೆಯು ಕೆ 1600 ಬಿ ಮಾದರಿಯನ್ನು ಈಗಾಗಲೇ ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದ್ದು, ಟೂರಿಂಗ್ ಜರ್ನಿ ಮಾಡುವ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಇದೀಗ ಭಾರತೀಯ ಮಾರುಕಟ್ಟೆಗೂ ಪರಿಚಯಿಸಿದೆ.

Recommended Video

Triumph Thruxton R Review: Specifications

ಇನ್ನು ಕೆ 1600 ಬಿ ವಿಶೇಷತೆಗಳ ಬಗ್ಗೆ ಮಾತನಾಡುವುದಾರರೇ ಅತ್ಯಾಧುನಿಕ ಮಾದರಿಯ ಎಲ್ಲ ಸೌಲಭ್ಯ ಹೊಂದಿದ್ದು, ಟೂರಿಂಗ್ ಮಾಡುವ ಗ್ರಾಹಕರನ್ನು ಗಮದಲ್ಲಿಟ್ಟುಕೊಂಡು ಸೀಟುಗಳ ಹಾಗೂ ಎಕ್ಸಾಸ್ಟ್ ವಿನ್ಯಾಸವನ್ನು ರಚನೆ ಮಾಡಿದೆ.

ಎಂಜಿನ್ ಸಾಮರ್ಥ್ಯ

1,649 ಸಿಸಿ ಇನ್ ಲೈನ್ ಸಿಕ್ಸ್ ಸಿಲಿಂಡರ್ ಎಂಜಿನ್ ಹೊಂದಿರುವ ಕೆ 1600 ಬಿ ಬೈಕ್ ಆವೃತ್ತಿಯು 160-ಬಿಎಚ್‌ಪಿ ಮತ್ತು 175-ಎನ್ಎಂ ಟಾರ್ಕ್ ಉತ್ಪಾದನೆ ಮಾಡಬಲ್ಲದು. ಅಲ್ಲದೇ 6-ಸ್ಪೀಡ್ ಗೇರ್‌ಬಾಕ್ಸ್ ನೊಂದಿಗೆ ಎಲೆಕ್ಟ್ರಿಕ್ ಎಂಜಿನ್ ಪ್ರೇರಿತ ಕ್ರೂಸ್ ರೈಡ್ ಸೌಲಭ್ಯವನ್ನು ಹೊಂದಿದೆ.

ಜೊತೆಗೆ 5.7 ಇಂಚಿನ ಟಿಎಫ್‌ಟಿ ಇನ್‌ಸ್ಟ್ರುಮೆಂಟಲ್ ಕನ್‌ಸೊಲ್ ವಿಥ್ ಸ್ಯಾಟಲೈಟ್ ರೆಡಿಯೋ, ಬ್ಯೂಟುತ್ ಕನೆಟ್ವಿಟಿ, ಎಬಿಎಸ್ ಪ್ರೊ ಸಿಸ್ಟಂ, ಡೈನಾಮಿಕ್ ಬ್ರೈಕ್ ಲೈಟ್, ಎರಡು ಬದಿಯಲ್ಲು ಡಿಸ್ಕ್ ಬ್ರೈಕ್ ಸೌಲಭ್ಯ, ಜೈಲನ್ ಹೆಡ್‌ಲ್ಯಾಂಪ್, ಸೀಟ್ ಹಿಟಿಂಗ್ ಕಂಟ್ರೋಲರ್ ವ್ಯವಸ್ಥೆಯನ್ನು ನೀಡಲಾಗಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಟೂರಿಂಗ್ ಬೈಕ್ ವಿಭಾಗವನ್ನು ಬಲಪಡಿಸುವ ನಿಟ್ಟಿನಲ್ಲಿ ಹೊಸ ಯೋಜನೆ ಕೈಗೊಂಡಿರುವ ಬಿಎಂಡಬ್ಲ್ಯು ಸಂಸ್ಥೆಯು ಹೊಸ ಹೊಸ ಬೈಕ್ ಉತ್ಪನ್ನಗಳನ್ನು ಪರಿಚಯಿಸುವ ತವಕದಲ್ಲಿದ್ದು, ಸದ್ಯ ಬಿಡುಗಡೆಯಾಗಿರುವ ಕೆ 1600 ಬಿ ಮುಂದಿನ ವಾರ ಖರೀದಿ ಲಭ್ಯವಿರುತ್ತವೆ.

ತಪ್ಪದೇ ಓದಿ-ಟ್ರಾಫಿಕ್ ಸಿಗ್ನಲ್ ನಲ್ಲಿ ಅಭಿಮಾನಿ ಜೊತೆ ಸೆಲ್ಫೀ- ಇಕ್ಕಟ್ಟಿಗೆ ಸಿಲುಕಿದ ನಟ ವರುಣ್ ಧವನ್