ದ್ಪಿಚಕ್ರ ವಾಹನಗಳ ಮಾರಾಟ ವಿಭಾಗದಲ್ಲಿ ಹೋಂಡಾ ಮತ್ತೆ ನಂ.1

ಕರ್ನಾಟಕ, ಮಹರಾಷ್ಟ್ರ, ಕೇರಳ ಮತ್ತು ಗುಜರಾತ್ ನಂತರ ತಮಿಳುನಾಡಿನಲ್ಲೇ ಅತಿಹೆಚ್ಚು ದ್ಪಿಚಕ್ರ ವಾಹನ ಮಾರಾಟ ಮಾಡಿರುವ ಹೋಂಡಾ, ಶೇ. 37ರಷ್ಟು ಮಾರಾಟ ಏರಿಕೆ ಕಂಡಿದೆ.

ಈ ಮೂಲಕ ಇತರೆ ದ್ಪಿಚಕ್ರ ವಾಹನಗಳಿಗೆ ತೀವ್ರ ಸ್ಪರ್ಧೆ ಒಡ್ಡಿರುವ ಹೋಂಡಾ ಸಂಸ್ಥೆಯು, ಕಳೆದ ಅವಧಿಗಿಂತ ಶೇ.2 ರಷ್ಟು ಮಾರಾಟ ಪ್ರಮಾಣ ಹೆಚ್ಚಳವಾಗಿದೆ.

ಹೋಂಡಾ ದ್ವಿಚಕ್ರ ವಾಹನಗಳ ಮಾರಾಟ ದಾಖಲೆಯ ಬಗ್ಗೆ ಮಾತನಾಡಿರುವ ಹೋಂಡಾ ಭಾರತೀಯ ವಿಭಾಗ ಅಧ್ಯಕ್ಷ ಮಿನುರೋ ಕೊಟೊ, ಪ್ರಮುಖ ಬೈಕ್ ಮಾದರಿಗಳನ್ನು ಹಿಂದಿಕ್ಕಿ ಗ್ರಾಹಕರನ್ನು ಸೆಳೆಯುವಲ್ಲಿ ಕೈಗೊಂಡ ಕ್ರಮಗಳು ಯಶಸ್ವಿಯಾಗಿವೆ ಎಂದಿದ್ದಾರೆ.

ಉತ್ತಮ ಇಂಧನ ಕಾರ್ಯಕ್ಷಮತೆ, ಕಡಿಮೆ ನಿರ್ವಹಣಾ ವೆಚ್ಚ ಹೊಂದಿರುವ ಹೋಂಡಾ ಬೈಕ್‌ಗಳು, ಭಾರತೀಯ ಗ್ರಾಹಕರಿಗೆ ಅಚ್ಚುಮೆಚ್ಚಿನ ಬೈಕ್ ಮಾದರಿ ಕೂಡಾ ಆಗಿದೆ.

ನಗರ ಮತ್ತು ಗ್ರಾಮೀಣ ಭಾಗದ ಗ್ರಾಹಕರ ಬೇಡಿಕೆ ಅನುಗುಣವಾಗಿ ವಿವಿಧ ಮಾದರಿಗಳನ್ನು ಬಿಡುಗಡೆ ಮಾಡಿದ್ದ ಹೋಂಡಾ, ತಮಿಳುನಾಡು ಒಂದರಲ್ಲೇ 450 ಮಾರಾಟ ಮಳಿಗೆಗಳನ್ನು ಹೊಂದಿದೆ.

ದೇಶದ ಪ್ರಮುಖ ಮಹಾನಗರಗಳಲ್ಲಿ ಹೋಂಡಾ ಇತರೆ ಉತ್ಪನ್ನಗಳಿಗೆ ಭಾರೀ ಬೇಡಿಕೆಯಿದ್ದು, ಈ ನಿಟ್ಟಿನಲ್ಲೂ ಹೆಚ್‌ಎಂಎಸ್ಐ ವಿಶೇಷ ಗಮನಹರಿಸಿದೆ.

ಹೀಗಾಗಿ ಗ್ರಾಹಕರಿಗೆ ಸಮಯಕ್ಕೆ ಸರಿಯಾಗಿ ಸೇವೆ ದೊರೆಯುತ್ತಿದ್ದು, ಹೋಂಡಾ ಬೈಕ್‌ಗಳ ಮಾರಾಟ ಹೆಚ್ಚಳಕ್ಕೆ ಇದು ಕೂಡಾ ಪ್ರಮುಖ ಕಾರಣವಾಗಿದೆ ಎಂದ್ರೆ ತಪ್ಪಾಗಲಾರದು.

ಇದರಿಂದಾಗಿಯೇ ಸದ್ಯ ಮಾರಾಟ ವಿಭಾಗದಲ್ಲಿನ ಶೇ.34 ಏರಿಕೆಯನ್ನು ಶೇ.50ಕ್ಕೆ ಹೆಚ್ಚಿಸುವ ನಿಟ್ಟಿನಲ್ಲಿ ಹೊಸ ಯೋಜನೆ ರೂಪಿಸಲು ಮುಂದಾಗಿರುವ ಹೋಂಡಾ, ಮುಂಬರುವ ದಿನಗಳಲ್ಲಿ ತನ್ನ ಉತ್ಪನ್ನಗಳ ಮೇಲೆ ವಿಶೇಷ ರಿಯಾಯ್ತಿಗಳನ್ನು ಕೂಡಾ ಘೋಷಿಸುವ ಸಾಧ್ಯತೆಗಳಿವೆ.