ಈ ವಿಚಾರ ನಿಜ ಆಗಿದ್ರೆ ಖಂಡಿತ ರಾಯಲ್ ಎನ್‌ಫೀಲ್ಡ್ ಪ್ರಿಯರಿಗೆ ಹಬ್ಬವೇ ಸರಿ...

ಹೌದು, ನಾವಿಂದು ನಿಮಗೆ ರಾಯಲ್ ಏನ್‌ಫೀಲ್ಡ್ ಬೈಕ್ ವಿಚಾರವಾಗಿ ಒಂದು ಶುಭ ಸಮಾಚಾರ ಹೇಳಲು ಹೊರಟಿದ್ದೇವೆ. ರಾಯಲ್ ಏನ್‌ಫೀಲ್ಡ್ ಬೈಕ್ ಮಿಲಿಟರಿ ಆವೃತಿ ಕೇಳಿರುತ್ತೀರಿ, ಎಲ್ಲಾ ರೀತಿಯ ಬಣ್ಣದ ರಾಯಲ್ ಕ್ಲಾಸಿಕ್ ಬೈಕ್ ಬಗ್ಗೆ ನಿಮಗೆ ಗೊತ್ತು. ಆದರೆ ನಿಮಗೆ ಗೊತ್ತೇ ? ಈ ಬೈಕ್ ಹೊಸ ಬಣ್ಣದಲ್ಲಿ ನಿಮ್ಮ ಮುಂದೆ ಸದ್ಯದರಲ್ಲೇ ಬರಲಿದೆ.

ಬೆಂಗಳೂರಿನ ಅಧಿಕೃತ ಮಾರಾಟಗಾರರ ಮಳಿಗೆಯ ಹೊರಗೆ ಹೊಸ ಮಿಲಿಟರಿ ಹಸಿರು ಬಣ್ಣದ ಹೊಸ ರಾಯಲ್ ಏನ್‌ಫೀಲ್ಡ್ ಕ್ಲಾಸಿಕ್ 500 ಮೋಟಾರ್ ಸೈಕಲ್ ಕಾಣಿಸಿಕೊಂಡಿದೆ.

ಯಾವ ಕಾರಣಕ್ಕಾಗಿ ಈ ಬೈಕನ್ನು ಈ ರೀತಿ ನಿಲ್ಲಿಸಲಾಗಿದೆ ಎಂಬ ಪ್ರೆಶ್ನೆ ಎಲ್ಲರಲ್ಲಿ ಉದ್ಬವವಾಗಿದ್ದು, ಈ ಬಗ್ಗೆ ಇನ್ನಷ್ಟೇ ವಿಚಾರಗಳು ತಿಳಿಯಬೇಕಾಗಿದೆ.

ಪರೀಕ್ಷೆ ನೆಡೆಸುವ ಸಲುವಾಗಿ ಈ ರಾಯಲ್ ಕ್ಲಾಸಿಕ್ 500 ಬೈಕನ್ನು ಆಮದು ಮಾಡಿಕೊಳ್ಳಲಾಗಿದೆ ಎನ್ನಲಾಗಿದ್ದು, ಮುಂದಿನ ದಿನಗಳಲ್ಲಿ ಈ ಬಗ್ಗೆ ಹೆಚ್ಚಿನ ಮಾಹಿತಿ ದೊರೆಯಬೇಕಾಗಿದೆ.

ಈ ವಿಚಾರದ ಕುರಿತು ಬಹಳಷ್ಟು ಪ್ರಶ್ನೆಗಳನ್ನು ಹುಟ್ಟು ಹಾಕಿರುವ ರಾಯಲ್ ಏನ್‌ಫೀಲ್ಡ್ ಕ್ಲಾಸಿಕ್ ಬೈಕ್ ಮಾರಾಟಕ್ಕೆ ತರಿಸಲಾಗಿದೆ ಎನ್ನುವುದಾದರೆ ಖಂಡಿತ ರಾಯಲ್ ಏನ್‌ಫೀಲ್ಡ್ ಪ್ರಿಯರಿಗೆ ಹಬ್ಬವೇ ಸರಿ.

ಈ ನಿರ್ದಿಷ್ಟ ಬಣ್ಣದ ಬೈಕ್ ಬಗ್ಗೆ ಕಂಪನಿಯ ಅಧಿಕೃತ ವೆಬ್‌ಸೈಟ್ ಯಾವುದೇ ಮಾಹಿತಿ ಲಭ್ಯವಿಲ್ಲದ ಕಾರಣ ಹಲವಾರು ಪ್ರಶ್ನೆಗಳು ಹುಟ್ಟಿಕೊಳ್ಳುತಿದ್ದು, ಇದಕ್ಕೆ ಕಂಪನಿಯೇ ಉತ್ತರಿಸಬೇಕಾಗಿದೆ.

ಕೇವಲ 3 ಕಿ.ಮೀ ಕ್ರಮಿಸಿರುವ ಈ ಹೊಸ ಮಿಲಿಟರಿ ಬಣ್ಣದ ಬೈಕನ್ನು ಗ್ರಾಹಕರು ಮಾರ್ಪಡು ಮಾಡಿರುವರೇ ? ಎನ್ನುವ ಪ್ರೆಶ್ನೆಗೆ, ಬೈಕ್ ಇನ್ನೂ ಸಹ ನೋಂದಣಿ ಆಗದೇ ಇರುವುದು ಕಲ್ಪನೆಗೆ ತಡೆ ಒಡ್ಡುತ್ತದೆ.

ಅಧಿಕೃತ ರಾಯಲ್ ಏನ್‌ಫೀಲ್ಡ್ ಕಂಪನಿಯ ಪಟ್ಟಿಯಲ್ಲಿ ಕ್ಲಾಸಿಕ್ ಬಾಟಲ್ ಗ್ರೀನ್ ಬಣ್ಣ ಹೊಂದಿದ್ದು, ಆದರೆ ಭಾರತದಲ್ಲಿ ಈ ಬಣ್ಣ ಲಭ್ಯವಿಲ್ಲ ಎಂದು ಕಂಪನಿಯು ಸ್ಪಷ್ಟವಾಗಿ ಹೇಳುತ್ತದೆ.

ಹಸಿರು(ಮಿಲಿಟರಿ ಹಸಿರು) ಬಣ್ಣದ ಬೈಕ್ ಹೊಂದಲು ಭಾರತದ ಕಾನೂನಿನಲ್ಲಿ ಅವಕಾಶವಿಲ್ಲದ ಕಾರಣ ಈ ಬೈಕ್ ಆಮದು ಮಾಡಿಕೊಂಡಿರುವ ಸಾಧ್ಯತೆ ಕೂಡ ಕಡಿಮೆ ಇದೆ ಎನ್ನಬಹುದು.

ಹಾಗಾದ್ರೆ ಈ ವಿಚಾರ ಏನು ಆಗಿರಬಹುದು? ನಿಗೂಢ ಬಣ್ಣದ ಹೊಸ ಮಿಲಿಟರಿ ಗ್ರೀನ್ ರಾಯಲ್ ಏನ್‌ಫೀಲ್ಡ್ ಕ್ಲಾಸಿಕ್ 500 ರಹಸ್ಯವೇನು? ಇದರ ಬಗ್ಗೆ ನಿಮಗೇನಾದರೂ ತಿಳಿದಿದ್ದರೆ ಖಂಡಿತ ನಮ್ಮ ಅಧಿಕೃತ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಬಹುದು.