ಬಿಡುಗಡೆಗೆ ಮುನ್ನವೇ ಸುಜುಕಿ ಜಿಕ್ಸರ್ ಎಸ್ಎಫ್ ಬೈಕ್ ಬ್ರೌಷರ್ ಸೋರಿಕೆ

ಮುಂದಿನ ವಾರ ಬಿಡುಗಡೆಗಾಗಿ ಸಿದ್ಧಗೊಳ್ಳುತ್ತಿರುವ ಬೆನ್ನಲ್ಲೇ ಸುಜುಕಿ ಜಿಕ್ಸರ್ ಎಸ್ಎಫ್ ಬೈಕ್ ಬ್ರೌಷರ್ ಸೋರಿಕೆಯಾಗಿದ್ದು, ಎಬಿಎಸ್(ಆ್ಯಂಟಿ ಲಾಕ್ ಬ್ರೇಕ್ ಸಿಸ್ಟಂ) ನೊಂದಿಗೆ ಅಭಿವೃದ್ಧಿ ಹೊಂದಿರುವ ಹೊಸ ಹಲವು ಹೊಸತನದೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡಲಿವೆ.

ಜಿಕ್ಸರ್ ಎಸ್ಎಫ್ ಫ್ಯೂಲ್ ಇಂಜೆಕ್ಟಡ್ ಆವೃತ್ತಿಯಲ್ಲಿ ಮಾತ್ರವೇ ಎಬಿಎಸ್ ಸೌಲಭ್ಯವನ್ನು ಕಲ್ಪಿಸಿರುವ ಸುಜುಕಿ ಸಂಸ್ಥೆಯು, ಜಿಕ್ಸರ್ ಎಫ್ಐ ಎನ್ನುವ ಮತ್ತೊಂದು ಬೈಕ್ ಆವೃತ್ತಿಯನ್ನು ಕೂಡಾ ವಿಶೇಷವಾಗಿ ಅಭಿವೃದ್ಧಿ ಮಾಡಿದೆ.

ಎಂಜಿನ್ ಸಾಮರ್ಥ್ಯ

154 ಸಿಸಿ ಫ್ಯೂಲ್ ಇಂಜೆಕ್ಟಡ್ ಎಂಜಿನ್ ಹೊಂದಿರುವ ಜಿಕ್ಸರ್ ಆವೃತ್ತಿಗಳು 14.5-ಬಿಎಚ್‌ಪಿ ಮತ್ತು 14-ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿಯನ್ನು ಹೊಂದಿದ್ದು, 5-ಸ್ಪೀಡ್ ಗೇರ್‌ಬಾಕ್ಸ್ ಪಡೆದುಕೊಂಡಿದೆ.

ಜೊತೆಗೆ ತ್ರಿ ಕಲರ್ ಪೇಂಟ್ ಸ್ಕಿಮ್, ವಿನೂತನ ಲೊಗೊ ಮಾದರಿ ಮತ್ತು ಅತ್ಯುತ್ತಮ ಗ್ರಾಫಿಕ್ಸ್ ಪಡೆದುಕೊಂಡಿರುವ ಜಿಕ್ಸರ್ ಎಸ್ಎಫ್, ಪ್ರಸ್ತುತ ಮಾರುಕಟ್ಟೆಯಲ್ಲಿನ ಅನುಗುಣವಾಗಿ ಬದಲಾವಣೆ ಪಡೆದುಕೊಂಡಿದೆ.

ಪ್ರಸ್ತುತ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಜಿಕ್ಸರ್ ಆವೃತ್ತಿಯು ರೂ.93,032ಕ್ಕೆ ಲಭ್ಯವಿದ್ದು, ಎಬಿಎಸ್ ಸೇರಿದಂತೆ ವಿವಿಧ ಬದಲಾವಣೆ ಪಡೆದುಕೊಂಡಿರುವ ಜಿಕ್ಸರ್ ಎಸ್ಎಫ್ ಬೆಲೆಗಳು 15 ರಿಂದ 20 ಹೆಚ್ಚಾಗಬಹುದು ಎನ್ನಲಾಗಿದೆ.

Recommended Video

New Suzuki Access 125 Launch, Specs, Features - DriveSpark

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಕೇಂದ್ರ ಸರ್ಕಾರ ಹೊಸ ನಿಯಮಾನುಸಾರ 2018 ಏಪ್ರಿಲ್‌ನಿಂದ 125ಸಿಸಿ ಮೇಲ್ಪಟ್ಟ ಬೈಕ್‌ಗಳಿಗೆ ಎಬಿಎಸ್ ಅಳವಡಿಕೆ ಕಡ್ಡಾಯವಾಗಲಿದ್ದು, ಈ ಹಿನ್ನಲೆ ಸುಜುಕಿ ಸಂಸ್ಥೆಯು ಬಿಡುಗಡೆ ಮಾಡುತ್ತಿರುವ ಜಿಕ್ಸರ್ ಎಲ್ಲಾ ಆವೃತ್ತಿಗಳನ್ನು ಎಬಿಎಸ್‌ನೊಂದಿಗೆ ಬಿಡುಗಡೆ ಮಾಡುವುದು ಒಳಿತು.