ಮಹಿಳೆಯರ ಅಚ್ಚುಮೆಚ್ಚಿನ ಹೋಂಡಾ ಆಕ್ಟಿವಾ-ಐ ಬಿಡುಗಡೆ

2013ರಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾಗಿದ್ದ ಹೋಂಡಾ ಆಕ್ಟಿವಾ-ಐ ಸ್ಕೂಟರ್‌ಗಳು ಕಾಲಕ್ಕೆ ತಕ್ಕಂತೆ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಹಲವಾರು ತಾಂತ್ರಿಕ ಬದಲಾಣೆ ಪಡೆದುಕೊಳ್ಳುತ್ತಲೇ ತನ್ನ ಜನಪ್ರಿಯತೆಯನ್ನು ಕಾಯ್ದುಕೊಂಡಿದ್ದು, ಇದೀಗ ಮತ್ತಷ್ಟು ಹೊಸ ವಿನ್ಯಾಸ ಮತ್ತು ಗುಣಮಟ್ಟದ ತಾಂತ್ರಿಕ ಅಂಶಗಳನ್ನು ಪಡೆದುಕೊಂಡು ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ.

ಸಾಮಾನ್ಯ ಆಕ್ಟಿವಾ ಸ್ಕೂಟರ್‌ಗಳಂತೆಯೇ ವಿನ್ಯಾಸ ಹೊಂದಿರುವ ಆಕ್ಟಿವಾ-ಐ ಸ್ಕೂಟರ್‌ಗಳು ಮಹಿಳಾ ಗ್ರಾಹಕರಿಗೆ ನೆಚ್ಚಿನ ಸ್ಕೂಟರ್ ಮಾದರಿಯಾಗಿದ್ದು, ಕಡಿಮೆ ತೂಕ ಹಾಗೂ ಹೆಚ್ಚಿನ ಮೈಲೇಜ್ ವೈಶಿಷ್ಟ್ಯತೆಯು ಸ್ಕೂಟರ್ ಖರೀದಿಯ ಪ್ರಮುಖ ಅಂಶವಾಗಿದೆ.

ಕಳೆದ ವರ್ಷದ ಆಕ್ಟಿವಾ-ಐ ಸ್ಕೂಟರ್‌ಗಳಿಂತಲೂ ಹೊಸ ಸ್ಕೂಟರ್‌ಗಳಲ್ಲಿ ಹೆಚ್ಚಿನ ಮಟ್ಟದ ಫೀಚರ್ಸ್‌ಗಳನ್ನು ಸೇರಿಸಲಾಗಿದ್ದು, ಡ್ಯುಯಲ್ ಟೋನ್ ಕಲರ್ಸ್, ಬಾಡಿ ಗ್ರಾಫಿಕ್ಸ್, ಮೆಟಾಲಿಕ್ ಮಫ್ಲರ್ ಪ್ರೋಟೆಕ್ಟರ್, ಫೌರ್ ಇನ್ ಒನ್ ಕಿ ಲಾಕ್ ಮತ್ತು ಫ್ರಂಟ್ ಹುಕ್ ಸೌಲಭ್ಯ ಪಡೆದಿವೆ.

ಇದರೊಂದಿಗೆ ಮೊಬೈಲ್ ಚಾರ್ಜಿಂಗ್ ಪಾಯಿಂಟ್ ಸಹ ಇದರಲ್ಲಿದ್ದು, 18-ಲೀಟರ್ ಸಾಮರ್ಥ್ಯದ ಸೀಟ್ ಅಂಡರ್ ಸ್ಟೋರೆಜ್ ಸ್ಪೆಸ್, ಆಕರ್ಷಕ್ ರಿಯರ್ ವ್ಯೂ ಮಿರರ್‌ಗಳು, ಡೈನಾಮಿಕ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್ ಜೊತೆಗೆ ಹಲವು ಸುಧಾರಿತ ಮಾದರಿಯ ಸೌಲಭ್ಯ ಇದರಲ್ಲಿವೆ.

ಎಂಜಿನ್ ಸಾಮರ್ಥ್ಯ

109.19 ಸಿಸಿ ಫೌರ್ ಸ್ಟ್ರೋಕ್ ಏರ್ ಕೂಲ್ಡ್ ಎಂಜಿನ್ ಹೊಂದಿರುವ ಆಕ್ಟಿವಾ-ಐ ಸ್ಕೂಟರ್‌ಗಳು 8-ಬಿಎಚ್‌ಪಿ ಮತ್ತು 8.94ಎನ್ಎಂ ಟಾರ್ಕ್ ಉತ್ಪಾದನೆಯೊಂದಿಗೆ 10-ಇಂಚಿನ ಟ್ಯೂಬ್ ಲೆಸ್ ಟೈರ್, ಸ್ಕೂಟರ್‌ನ ಎರಡು ಬದಿ ಚಕ್ರಗಳಲ್ಲೂ ಸಿಬಿಎಸ್ 130ಎಂಎಂ ಡ್ರಮ್ ಬ್ರೇಕ್ ಮತ್ತು ಹೈಡ್ರೊಲಿಕ್ ಸಸ್ಷೆಷನ್ ಹೊಂದಿರಲಿವೆ.

ಲಭ್ಯವಿರುವ ಬಣ್ಣಗಳು

ಪ್ರಮುಖ 5 ಬಣ್ಣಗಳ ಆಯ್ಕೆ ಹೊಂದಿರುವ ಆಕ್ಟಿವಾ-ಐ ಸ್ಕೂಟರ್‌ಗಳನ್ನು ಕ್ಯಾಂಡಿ ಜಾಜಿ ಬ್ಲ್ಯೂ, ಇಂಪೀರಿಯಲ್ ರೆಡ್ ಮೆಟಾಲಿಕ್, ಲಷ್ ಮಜೆಂಟಾ ಮೆಟಾಲಿಕ್, ಮ್ಯಾಟ್ ಆಕ್ಸಿಸ್ ಗ್ರೇ ಮೆಟಾಲಿಕ್ ಮತ್ತು ಆರ್ಚಿಡ್ ಪರ್ಪಲ್ ಮೆಟಾಲಿಕ್ ಬಣ್ಣದಲ್ಲಿ ಖರೀದಿ ಮಾಡಬಹುದಾಗಿದೆ.

ಈ ಮೂಲಕ ಸ್ಕೂಟರ್ ಪ್ರಿಯರ ಆಕರ್ಷಣೆ ಕಾರಣವಾಗಿರುವ ಆಕ್ಟಿವಾ-ಐ ಸ್ಕೂಟರ್ ಹಲವು ಹೊಸ ತನಗಳೊಂದಿಗೆ ಮಾರುಕಟ್ಟೆ ಪ್ರವೇಶಿಸಿದ್ದು, ಮಹಿಳಾ ಗ್ರಾಹಕರಿಗೆ ಇದೊಂದು ಅತ್ಯತ್ತಮ ಮಾದರಿಯಾಗಿದೆ ಎನ್ನಬಹುದು.

ಇದೇ ಕಾರಣಕ್ಕೆ ತನ್ನ ಪ್ರತಿ ಸ್ಕೂಟರ್ ಮಾದರಿಗಳಾದ ಟಿವಿಎಸ್ ಸ್ಕೂಟಿ ಜೆಸ್ಟ್, ಹೀರೋ ಪ್ಲಶರ್, ಸುಜುಕಿ ಲೆಟ್ಸ್ ಮತ್ತು ಯಮಹಾ ರೇ ಜೆಡ್ ಸ್ಕೂಟರ್‌ಗಳಿಗೆ ತ್ರೀವ ಪೈಪೋಟಿ ನೀಡುತ್ತಿರುವ ಆಕ್ಟಿವಾ-ಐ ಸ್ಕೂಟರ್‌ಗಳು ಇದೀಗ ಹೊಸ ವಿನ್ಯಾಸ ಮತ್ತು ಸೌಲಭ್ಯಗಳೊಂದಿಗೆ ಖರೀದಿ ಲಭ್ಯವಾಗಿರುವುದು ಮತ್ತಷ್ಟು ಗ್ರಾಹಕರನ್ನು ಸೆಳೆಯುವ ತವಕದಲ್ಲಿದೆ.