ಹೊಸ ಎಂಜಿನ್ ಆಯ್ಕೆಯೊಂದಿಗೆ ಬಿಡುಗಡೆಯಾದ ಸುಜುಕಿ ಇನ್‌ಟ್ರುಡರ್ 150

ಬಜಾಜ್ ಅವೆಂಜರ್ ಬೈಕ್‍ಗೆ ಪೈಪೋಟಿ ನೀಡಲೆಂದೇ ಬಿಡುಗಡೆಗೊಂಡ ಇನ್‌ಟ್ರುಡರ್ 150 ಇದೀಗ ಫ್ಯುಯಲ್ ಇಂಜೆಕ್ಟೆಡ್ ಎಂಜಿನ್‌ನೊಂದಿಗೆ ಬಿಡುಗಡೆಯಾಗಿದ್ದು, ಇದರೊಂದಿಗೆ ಎಬಿಎಸ್ ಬ್ರೇಕಿಂಗ್ ಸಿಸ್ಟಂ ಅನ್ನು ಸಹ ಪಡೆದಿರುವುದು ವಿಶೇಷವಾಗಿದೆ.

ಎಂಜಿನ್ ಸಾಮರ್ಥ್ಯ

154.9 ಸಿಸಿ ಫ್ಯುಯಲ್ ಇಂಜೆಕ್ಟೆಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿರಲಿರುವ ಇನ್‌ಟ್ರುಡರ್ 150 ಬೈಕ್ ಆವೃತ್ತಿಯು 14-ಬಿಎಚ್‌ಪಿ ಮತ್ತು 14-ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿಯೊಂದಿಗೆ 5-ಸ್ಪೀಡ್ ಗೇರ್‌ಬಾಕ್ಸ್ ಹೊಂದಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ.

ಇನ್‌ಟ್ರುಡರ್ 150 ಬೈಕ್‌ಗಳು ಎರಡು ಬದಿಗಳಲ್ಲಿ ಡಿಸ್ಕ್ ಬ್ರೇಕ್ ಅನ್ನು ಪಡೆದಿದ್ದು, ಸಿಂಗಲ್ ಚಾನೆಲ್ ಎಬಿಎಸ್ ಬ್ರೇಕಿಂಗ್ ಸಿಸ್ಟಂ ಅನ್ನು ಪಡೆದಿದೆ. ಸುಧಾರಿತ ತಂತ್ರಜ್ಞಾನಗಳನ್ನು ಹೊಂದಿರುವ ಇನ್‌ಟ್ರುಡರ್ 150 ಆವೃತ್ತಿಯು ಎಲ್‌ಇಡಿ ಪ್ರೋಜೆಕ್ಟರ್ ಹೆಡ್‌ಲ್ಯಾಂಪ್, ಟ್ವಿನ್ ಫೋರ್ಡ್ ಕ್ರೋಮ್ ಎಕ್ಸಾಸ್ಟ್, 17-ಇಂಚಿನ ಬ್ಲ್ಯಾಕ್ ಅಲ್ಹಾಯ್ ಚಕ್ರಗಳನ್ನು ಹೊಂದಿರಲಿದೆ.

ಇನ್‌ಟ್ರುಡರ್ 150 ಬೈಕಿನ ಮುಂಭಾಗವು ಜಿಕ್ಸ್‌ರ್ 150ಗೆ ಹೋಲಿಸಿದರೆ ಹೆಚ್ಚು ಬದಲಾವಣೆಗಳನ್ನು ಹೊಂದಿದೆ. ಮತ್ತು ಶಾಂತವಾಗಿ ಸವಾರಿ ಮಾಡುವ ಶೈಲಿಯನ್ನು ಅಳವಡಿಸಲಾಗಿದ್ದು, ಹೊಸ ಇನ್‌ಟ್ರುಡರ್ 150 ಸಂಪೂರ್ಣ ಡಿಜಿಟಲ್ ಸಲಕರಣೆ ಕನ್ಸೊಲ್ ಪಡೆದುಕೊಂಡಿದೆ.

ಇನ್‌ಟ್ರುಡರ್ 150ಯಲ್ಲಿ ಎಂಜಿನ್ ಬೆಲ್ಲಿ ಪ್ಯಾನ್‍ ಕೂಡಾ ಇದ್ದು, ಇದರ ಸ್ಕಲ್ಪ್ಟೆಡ್ ರೀರ್ ಕಾವ್ಲ್ ಹಯಾಬುಸಾ ವಿನ್ಯಾಸವನ್ನು ಹೋಲಿಕೆ ಇದೆ. ಡ್ಯುಯಲ್ ಪೋರ್ಟ್ ಮಫ್ಲರ್ ನೊಂದಿಗೆ ಕ್ರೋಮ್ ಟ್ರೀಟ್ಮೆಂಟ್ ಬೈಕಿಗೆ ಪ್ರೀಮಿಯಂ ಟಚ್ ನೀಡಿದೆ.

ಈ ಬೈಕ್ ದೇಹದ ಪ್ಯಾನೆಲ್‌ಗಳು ಡ್ಯುಯಲ್-ಟೋನ್ ಬಣ್ಣದ ಸ್ಕೀಮ್ ಹೊಂದಿದ್ದು, ಡಬಲ್ ಬ್ಯಾರೆಲ್ ಎಕ್ಸಾಸ್ಟ್ ಹೊಂದಿದೆ. ಜೊತೆಗೆ ಸಂಸ್ಥೆಯು ಈಗಾಗಲೇ ಸುಜುಕಿ ಸಂಸ್ಥೆಯು 15,000ಕ್ಕಿಂತ ಹೆಚ್ಚು ಯೂನಿಟ್ ಇನ್‌ಟ್ರುಡರ್ 150 ಬೈಕ್‌ಗಳು ಮಾರಾಟವಾಗಿದೆಯಂತೆ.