ಬರಲಿರುವ ಅಪಾಚೆ ಆರ್‌ಟಿಆರ್ 200 ಎಫ್ಐ ಎಥೆನಾಲ್ ಬೈಕಿನ ವಿಶೇಷತೆಗಳೇನು.?

ಅಪಾಚೆ ಆರ್‌ಟಿಆರ್ 200 ಎಫ್ಐ ಎಥೆನಾಲ್ ಬೈಕ್‌ಗಳು ಮಾಲಿನ್ಯ ತಡೆಯುವ ವಿಶೇಷ ಗುಣಗಳನ್ನು ಹೊಂದಿರುವ ಬಗ್ಗೆ ಟಿವಿಎಸ್ ಹೇಳಿಕೊಂಡಿದ್ದು, ಎಥೆನಾಲ್ ಬೈಕ್ ಮಾದರಿಯು ವಿಷಕಾರಿಯಲ್ಲದ, ಬಯೊಡಿಗ್ರೇಡಬಲ್ ಮತ್ತು ಪೆಟ್ರೋಲ್‌ಗಿಂತ ಹೆಚ್ಚು ಪರಿಸರ ಸ್ನೇಹಿಯಾಗಿಯಂತೆ.

ಮೊದಲೇ ಹೇಳಿದಂತೆ ಅಪಾಚೆ ಆರ್‌ಟಿಆರ್ ಎಥೆನಾಲ್ ಹಸಿರು ಗ್ರಾಫಿಕ್ಸ್ ಹೊರತುಪಡಿಸಿ ಸಾಮಾನ್ಯ ಬೈಕ್ ಮಾದರಿಗಳನ್ನೇ ಹೋಲುತ್ತಿದ್ದು, ಅಪಾಚೆ ಆರ್‌ಟಿಆರ್ 200 ಎಲ್ಇಡಿ DRLs, ಸ್ಪ್ಲಿಟ್-ಸೀಟುಗಳು, ಎಡ್ಜ್ ಬಾಡಿ ಪ್ಯಾನಲ್‌ಗಳು, ಅನೋಡೈಸ್ಡ್-ಗೋಲ್ಡ್ ಟೆಲಿಸ್ಕೋಪಿಕ್ ಫೋರ್ಕ್ಸ್ ಮತ್ತು ಎಲ್ಇಡಿ ಟೈಲ್ ಲ್ಯಾಂಪ್ ಹೊಂದಿರಲಿವೆ.

ಎಂಜಿನ್ ಸಾಮರ್ಥ್ಯ

197.75 ಸಿಸಿ ಏರ್-ಕೂಲ್ಡ್ ಫ್ಯುಯಲ್-ಇಂಜೆಕ್ಟೆಡ್ ಎಂಜಿನ್ ಹೊಂದಿದ್ದು, 20.7 ಬಿಹೆಚ್ ಪಿ ಮತ್ತು 18.1 ಎನ್ಎಂ ಟಾರ್ಕ್‌ನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆದಿದೆ.

ಹಾಗೆಯೇ ಎಂಜಿನ್‌ನ್ನು 5-ಸ್ಪೀಡ್ ಗೇರ್ ಬಾಕ್ಸಿಗೆ ಜೋಡಿಸಲಾಗಿದ್ದು, ಇದರ ಜೊತೆಗೆ ಅಪಾಚೆ ಎಥನಾಲ್ ಆವೃತ್ತಿಯು 'ಟ್ವಿನ್-ಸ್ಪ್ರೇ-ಟ್ವಿನ್-ಪೋರ್ಟ್' ವಿದ್ಯುತ್ ಫ್ಯುಯಲ್-ಇಂಜೆಕ್ಷನ್ ತಂತ್ರಜ್ಞಾನವನ್ನು ಸಹ ಹೊಂದಿದೆ.

ಹೆಚ್ಚಿನ ಪೆಟ್ರೋಲ್ ಎಂಜಿನ್‌ಗಳು ಎಥೆನಾಲ್‌ನಲ್ಲಿ ಚಲಾಯಿಸಬಹುದಾದರೂ ಅದರ ವಿಶ್ವಾಸಾರ್ಹತೆಗಾಗಿ ಎಂಜಿನ್‌ನಲ್ಲಿ ಕೆಲವು ಮಟ್ಟದ ಮಾರ್ಪಾಡುಗಳನ್ನು ಮಾಡಬೇಕಾಗಿದೆ. ಹೀಗಾಗಿ ಅಪಾಚೆ ಆರ್ ಟಿ ಆರ್ ಎಥೆನಾಲ್ ರೂಪಾಂತರವು ಇ 85-ಎಥೆನಾಲ್ ಪ್ರೇರಣೆಯೊಂದಿಗೆ ಎಂಜಿನ್ ಚಾಲನೆ ಪಡೆದಲಿದೆ.

ಇನ್ನು ರೆಗ್ಯುಲರ್ ಆವೃತ್ತಿಯ ಹಾಗೆಯೇ ಈ ಬೈಕ್ ಕೂಡ 90/90 ಮತ್ತು 130/70 ಆರ್17ರ ಟ್ಯೂಬ್ ಲೆಸ್ ಟೈರ್ ಗಳನ್ನು ಹೊಂದಿದ್ದು, 270ಎಂಎಂ ಮತ್ತು 240ಎಂಎಂ ಎರಡು ಕಡೆಯ ಪೆಟಲ್ ಡಿಸ್ಕ್ ಬ್ರೇಕ್ ಗಳನ್ನು ಹೊಂದಿದೆ.

ಎಥೆನಾಲ್ ಇಂಧನ, ವಿಷಕಾರಿಯಲ್ಲದ ಮತ್ತು ಜೈವಿಕ ವಿಘಟನೀಯವಾಗಿದ್ದು, ಪರಿಸರಕ್ಕೆ ಬಹಳ ಕಡಿಮೆ ಹಾನಿ ಉಂಟುಮಾಡುತ್ತದೆ. ಆದಾಗ್ಯೂ, ಎಥೆನಾಲ್-ಆಧಾರಿತ ಇಂಜಿನ್‌ಗಳು ನಿಯಮಿತವಾದ ಪೆಟ್ರೋಲ್‌ಗಿಂತ ಹೆಚ್ಚು ಇಂಧನವನ್ನು ಪಡೆದುಕೊಳ್ಳುತ್ತವೆ.

ಅಂತಿಮವಾಗಿ ಮೈಲೇಜ್ ಅಂಕಿಗಳ ಮೇಲೆ ಪರಿಣಾಮ ಬೀರುತ್ತಲ್ಲದೇ ಎಥೆನಾಲ್ ಅನ್ನು ಭಾರತದಲ್ಲಿ ವ್ಯಾಪಕವಾಗಿ ಬಳಸಿದಲ್ಲಿ ಸಾಮಾನ್ಯ ಇಂಧನಗಳ ಆಮದು ವೆಚ್ಚವನ್ನು ದೊಡ್ಡ ಪ್ರಮಾಣದಲ್ಲಿ ಕಡಿತಗೊಳಿಸಬಹುದು.

ಇದೇ ಉದ್ದೇಶದಿಂದ ಟಿವಿಎಸ್ ಅಪಾಚೆ ಆರ್‌ಟಿಆರ್ 200 ಎಫ್ಐ ಎಥೆನಾಲ್ ಅಭಿವೃದ್ಧಿ ಮಾಡಲಾಗಿದ್ದು, ಹೊಸ ಬೈಕ್‌ ಬಿಡುಗಡೆ ಬಗ್ಗೆ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ..