ಹೊಸ ವೈಶಿಷ್ಟ್ಯತೆಗಳೊಂದಿಗೆ ಬಿಡುಗಡೆಗೆ ಸಿದ್ದವಾದ ಹೊಸ ಬಜಾಜ್ ಡೋಮಿನಾರ್ 400

ಡೋಮಿನಾರ್ 400 ಬೈಕ್ ಮಾದರಿಯು ಬಜಾಜ್ ಸಂಸ್ಥೆಯ ಫ್ಯಾಗ್‍ಶಿಪ್ ಮಾದರಿಯಾಗಿದ್ದರೂ, ಬೈಕ್ ಮಾರಾಟದಲ್ಲಿ ನಿರೀಕ್ಷಿತ ಫಲಿತಾಂಶ ಕಂಡುಬರುತ್ತಿಲ್ಲ. ಆದ್ದರಿಂದ ಬಜಾಜ್ ಆಟೋ ಸಂಸ್ಥೆಯು ಡೋಮಿನಾರ್ 400 ಬೈಕಿನ ಮಾರಾಟದಲ್ಲಿ ಹೊಸ ತಂತ್ರ ರೂಪಿಸಿರುವುದು ಕುತೂಹಲಕ್ಕೆ ಕಾರಣವಾಗಿದೆ.

ಹೌದು, ಬಜಾಜ್ ಆಟೋ ಸಂಸ್ಥೆಯು ಡೋಮಿನಾರ್ 400 ಬೈಕಿನ ಸ್ಕ್ರಾಂಬ್ಲರ್ ವೆರಿಯೆಂಟ್ ಅನ್ನು ಮಾರುಕಟ್ಟೆಗೆ ಪರಿಚಯಿಸುವ ಇರಾದೆಯಲ್ಲಿದ್ದು, ಇದೇ ವರ್ಷ ನವೆಂಬರ್ ಅಂತ್ಯಕ್ಕೆ ಬಿಡುಗಡೆ ಖಚಿತ ಎನ್ನಲಾಗಿದೆ.

ಬಜಾಜ್ ಡಾಮಿನಾರ್ 400 ಸ್ಕ್ರ್ಯಾಂಬ್ಲರ್ ಬೈಕ್ ಉತ್ತಮ ಆಫ್-ರೋಡಿಂಗ್ ಮತ್ತು ಟೂರಿಂಗ್ ಕೌಶಲ್ಯಗಳನ್ನು ಪಡೆದುಕೊಳ್ಳಬಹುದಾದ ನಿರೀಕ್ಷೆ ಇದ್ದು, ಹೊಸ ವೆರಿಯೆಂಟ್ ಬೈಕಿನಲ್ಲಿ ಉದ್ದನೆಯ ವಿಂಡ್‍ಸ್ಕ್ರೀನ್, ರೈಸ್ಡ್ ಸಸ್ಪೆಷನ್, ಕ್ರ್ಯಾಷ್ ಗಾರ್ಡ್, ಔಕ್ಸಿಲರಿ ಲೈಟ್ಸ್, ಲಗೇಜ್ ರಾಕ್ಸ್ ಮತ್ತು ಸ್ಯಾಡಲ್ ಬ್ಯಾಗ್‍ ಎಂಬ ಉಪಕರಣಗಳನ್ನು ಪಡೆದುಕೊಳ್ಳಲಿದೆ.

ಎಂಜಿನ್ ಸಾಮರ್ಥ್ಯ

ಮಾರುಕಟ್ಟೆಗೆ ಲಗ್ಗೆಯಿಡಲಿರುವ ಹೊಸ ಬಜಾಜ್ 400 ಸ್ಕ್ರ್ಯಾಂಬ್ಲರ್ ಬೈಕ್ ಮಾದರಿಯು 373ಸಿಸಿ ಲಿಕ್ವಿಡ್ ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಸಹಾಯದಿಂದ 34.5 ಬಿಹೆಚ್‍ಪಿ ಮತ್ತು 35ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆದಿದ್ದು, ಏಂಜಿನ್ ಅನ್ನು 6 ಸ್ಪೀಡ್ ಗೇರ್‍‍ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.

ಬಜಾಜ್ ಸಂಸ್ಥೆಯು 2019ರ ಡೋಮಿನಾರ್ 400 ಬೈಕ್ ಅನ್ನು ಹಲವಾರು ಉಪಕರಣಗಳು ಮತು ವೈಶಿಷ್ಟ್ಯತೆಗಳನ್ನು ಅಳವಡಿಸಲಿದೆ ಎನ್ನಲಾಗಿದ್ದು, ಈಗಾಗಲೋ ಈ ಬೈಕ್‍ನ ಎಂಜಿನ್ ಕಾರ್ಯಕ್ಷಮೆತೆಯ ಕುರಿತಾಗಿ ಹಲವು ಸುತ್ತಿನ ಸ್ಪಾಟ್ ಟೆಸ್ಟಿಂಗ್ ಕೂಡಾ ನಡೆಸಲಾಗಿದೆ.

ಸ್ಪಾಟ್ ಟೆಸ್ಟಿಂಗ್ ವೇಳೆ ಕಾಣಿಸಿಕೊಂಡ 2019ರ ಹೊಸ ಡೋಮಿನಾರ್ 400 ಬೈಕ್ ಈ ಬಾರಿ ಡ್ಯುಯಲ್ ಚಾನೆಲ್ ಎಬಿಎಸ್, ಅಪ್‍ಸೈಡ್ ಡೌನ್ ಫೋರ್ಕ್ಸ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಪಡೆದುಕೊಂಡಿರಲಿದ್ದು, ಹೊಸ ಬಣ್ಣವನ್ನು ಸಹ ಪಡೆದುಕೊಳ್ಳಲಿದೆ.

ಜೊತೆಗೆ 2019ರ ಹೊಸ ಬಜಾಜ್ ಡೋಮಿನಾರ್ 400 ಬೈಕ್‌ಗಳಲ್ಲಿ ಮರುವಿನ್ಯಾಸಗೊಳಿಸಲಾದ ಫ್ರಂಟ್ ಮಡ್‍‍ಗಾರ್ಡ್, ಅಗಲವಾದ ರೇಡಿಯೇಟರ್ ಮತ್ತು ದೊಡ್ಡ ಗಾತ್ರದ ಎಂಜಿನ್ ಬೆಲ್ಲಿ ಪ್ಯಾನ್ ಅನ್ನು ಒದಗಿಸಲಾಗುತ್ತಿದೆ.

MOST READ: ಭಾರತದಲ್ಲಿ ಬಿಡುಗಡೆಯಾಗುತ್ತಿರುವ 150ಸಿಸಿ ಯಮಹಾ ಎಂಟಿ-15 ಬೈಕ್ ಹೇಗಿರಲಿದೆ ನೋಡಿ..!

ಡ್ರೈವ್‍ಸ್ಪಾರ್ಕ್ ಅಭಿಪ್ರಾಯ

ಬಜಾಜ್ ಡೋಮಿನಾರ್ 400 ಒಂದು ಸ್ಪೋರ್ಟ್ಸ್ ಕ್ರೂಸರ್ ಆಗಿದ್ದು, ಮಾರುಕಟ್ಟೆಯಲ್ಲಿ ರಾಯಲ್ ಎನ್‍ಫೀಲ್ಡ್ ಬೈಕ್‍‍ಗಳಿಗೆ ಪೈಪೋಟಿ ನೀಡುತ್ತಿದೆ. ಹೀಗಿದ್ದರೂ ಮಾರುಕಟ್ಟೆಯಲ್ಲಿ ನಿಗದತ ಮಟ್ಟದ ಜನಪ್ರಿಯತೆಯನ್ನು ಪಡೆದುಕೊಳ್ಳಲು ಆಗದ ಕಾರಣ ಬಜಾಜ್ ಆಟೋ ಸಂಸ್ಥೆಯು ಡೋಮಿನಾರ್ 400 ಬೈಕಿನ ಹೊಸ ವೆರಿಯೆಂಟ್ ಪರಿಚಯಿಸಲು ಮೂಲಕ ಆರ್‌ಇ ಹಿಮಾಲಯನ್ ಬೈಕ್‍ಗಳಿಗೆ ಪೈಪೋಟಿ ನೀಡುವ ತವತದಲ್ಲಿದೆ.