ಹೀರೋ ಸ್ಕೂಟರ್‍‍ಗಳ ಮೇಲೆ ಭರ್ಜರಿ ಆಫರ್

ಸ್ಕೂಟರ್ ಮಾರಾಟವನ್ನು ಹೆಚ್ಚಿಸುವ ಸಲುವಾಗಿ ಹೀರೋ ಮೋಟೊಕಾರ್ಪ್ ಕಂಪನಿಯು ಹೀರೋ ಸ್ಕೂಟರ್ ಗ್ರ್ಯಾಂಡ್ ಕಾರ್ನಿವಲ್ ಆಫರ್ ಅನ್ನು ಘೋಷಿಸಿದೆ. ಈ ಆಫರ್ ಅನ್ನು ಹಬ್ಬದ ಹಿನ್ನೆಲೆಯಲ್ಲಿ ಶುರು ಮಾಡಲಾಗಿದೆ.

ಕಂಪನಿಯ ಎಲ್ಲಾ ಸರಣಿಯ ಸ್ಕೂಟರ್‌ಗಳ ಮೇಲೆ ಆಗಸ್ಟ್ 16 ರಿಂದ ಸೆಪ್ಟೆಂಬರ್ 14ರವರೆಗೆ ಈ ಆಫರ್ ನೀಡಲಾಗುವುದು. ಈ ಯೋಜನೆಯನ್ನು ಹೀರೋ ಕಂಪನಿಯ ಮಾರಾಟ ಪ್ರಮಾಣವು 2019ರ ಜುಲೈ ತಿಂಗಳಿನಲ್ಲಿ ಕಡಿಮೆಯಾದ ಹಿನ್ನೆಲೆಯಲ್ಲಿ ಘೋಷಿಸಲಾಗಿದೆ.

ಕಳೆದ ವರ್ಷ ಇದೇ ತಿಂಗಳಿನಲ್ಲಿ 6,79,862 ಸ್ಕೂಟರ್‍‍ಗಳನ್ನು ಮಾರಾಟ ಮಾಡಲಾಗಿದ್ದರೆ, ಈ ವರ್ಷ 5,35,810 ಸ್ಕೂಟರ್‍‍ಗಳ ಮಾರಾಟವಾಗಿ 21.18%ನಷ್ಟು ಕುಸಿತ ಉಂಟಾಗಿದೆ. ಹೊಸ ಹೀರೋ ಸ್ಕೂಟರ್ ಖರೀದಿದಾರರು ಈಗ ವಿಶೇಷ ಪ್ರಯೋಜನಗಳನ್ನು ಪಡೆಯಬಹುದು.

ರೂ.999 ಡೌನ್ ಮೆಂಟ್ ಪಾವತಿಸಿ, 6.99% ಬಡ್ಡಿದರದಲ್ಲಿ ಸ್ಕೂಟರ್ ಪಡೆಯಬಹುದಾಗಿದೆ. ಇತರ ಸೇವಾ ಕೊಡುಗೆಗಳ ಜೊತೆಗೆ 2 ಎಕ್ಸ್ ಗುಡ್ ಲೈಫ್ ಪ್ರಯೋಜನ ಹಾಗೂ ರೂ.8,500ಗಳ ಪೇಟಿಎಂ ಪ್ರಯೋಜನಗಳನ್ನು ಪಡೆಯಬಹುದು.

ಈ ಹೀರೋ ಸ್ಕೂಟರ್ ಗ್ರ್ಯಾಂಡ್ ಕಾರ್ನಿವಲ್ ಕೊಡುಗೆಯನ್ನು ಕಂಪನಿಯ ಎಲ್ಲಾ ಸರಣಿಯ ಸ್ಕೂಟರ್‌ಗಳ ಮೇಲೆ ನೀಡಲಾಗುವುದು. ಡ್ಯುಯೆಟ್, ಡೆಸ್ಟಿನಿ 125, ಪ್ಲೆಷರ್, ಪ್ಲೆಷರ್ ಪ್ಲಸ್, ಮೆಸ್ಟ್ರೋ ಎಡ್ಜ್, ಮೆಸ್ಟ್ರೋ ಎಡ್ಜ್ 125 ಹಾಗೂ ಮೆಸ್ಟ್ರೋ ಎಡ್ಜ್ 125 ಫೈಗಳ ಮೇಲೆ ಈ ಆಫರ್ ನೀಡಲಾಗುವುದು.

ಆಗಸ್ಟ್ ತಿಂಗಳಿನಲ್ಲಿ ಕಂಪನಿಯು ತನ್ನ ಎಲ್ಲಾ ವಾಹನಗಳ ಬೆಲೆಯನ್ನು ಏರಿಸಿತು. ಎಲ್ಲಾ ಉತ್ಪನ್ನಗಳ ಬೆಲೆಗಳನ್ನು ಇನ್‍‍ಪುಟ್ ವೆಚ್ಚವೆಂದು 1%ನಷ್ಟು ಹೆಚ್ಚಿಸಲಾಗಿದೆ. ಕಂಪನಿಯು ದ್ವಿಚಕ್ರ ವಾಹನ ವಿನಿಮಯ ಯೋಜನೆಯನ್ನು ಸಹ ಪರಿಚಯಿಸಿದೆ.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಈ ಯೋಜನೆಯ ಅಡಿಯಲ್ಲಿ ಹೊಸ ಸ್ಕೂಟರ್ ಖರೀದಿಸ ಬಯಸುವವರು ತಮ್ಮ ಹಳೆಯ ಸ್ಕೂಟರ್‌ಗಳನ್ನು ವಿನಿಮಯ ಮಾಡಿಕೊಂಡು ರಿಯಾಯಿತಿ ಪಡೆಯಬಹುದು. ಹಳೆಯ ಸ್ಕೂಟರ್‌ಗಳ ಬೆಲೆಯನ್ನು ಹೀರೋ ಕಂಪನಿಯ ಅಧಿಕೃತ ಸಿಬ್ಬಂದಿ ನಿರ್ಧರಿಸುತ್ತಾರೆ.

MOST READ: ಪೊಲೀಸ್ ಸ್ಟಿಕ್ಕರ್ ಅಂಟಿಸಿಕೊಂಡು ಸಿಕ್ಕಿಬಿದ್ದ ಐನಾತಿ..!

ಹಳೆಯ ವಾಹನದ ಮೊತ್ತವನ್ನು ಕಡಿತಗೊಳಿಸುವುದರ ಜೊತೆಗೆ, ಖರೀದಿದಾರರು ವಿನಿಮಯ ಬೋನಸ್ ಆಗಿ ರೂ.4,500 ರಿಯಾಯಿತಿಯನ್ನು ಪಡೆಯಬಹುದು. ಹೀರೋ ಮೋಟೊಕಾರ್ಪ್ ತಮ್ಮ ದ್ವಿಚಕ್ರ ವಾಹನಗಳಿಗಾಗಿ ಹೋಮ್ ಡೆಲಿವರಿ ಸೇವೆಯನ್ನು ಸಹ ಪ್ರಾರಂಭಿಸಿದೆ.

MOST READ: ಈ ನಟಿ ಈಗ ಟುಕ್‍‍ಟುಕ್ ಆಟೋರಾಣಿ..!

ಈ ಸೇವೆಯನ್ನು ನೀಡಲು, ಖರೀದಿಸುವ ವಾಹನದ ಆನ್ ರೋಡ್ ಬೆಲೆಗಿಂತ ರೂ.395 ಹೆಚ್ಚುವರಿಯಾಗಿ ಪಡೆಯಲಾಗುತ್ತದೆ. ಈ ಸೇವೆಯನ್ನು ಸದ್ಯಕ್ಕೆ ಮುಂಬೈ, ನೋಯ್ಡಾ ಹಾಗೂ ಬೆಂಗಳೂರು ನಗರಗಳಲ್ಲಿ ಮಾತ್ರ ನೀಡಲಾಗುತ್ತಿದೆ. ಶೀಘ್ರದಲ್ಲೇ ಇತರ ನಗರಗಳಿಗೂ ವಿಸ್ತರಿಸುವ ಸಾಧ್ಯತೆಗಳಿವೆ.