Just In
- 1 hr ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 3 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 4 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 5 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Sports ಲಾರೆಸ್ ವರ್ಲ್ಡ್ ಸ್ಪೋರ್ಟ್ಸ್ ಅವಾರ್ಡ್ಸ್ನಲ್ಲಿ ವಿರಾಟ್ ಕೊಹ್ಲಿಯ 50ನೇ ಏಕದಿನ ಶತಕ!
- News Namma Metro Blue Line: ಇತರ ಮಾರ್ಗಕ್ಕಿಂತಲೂ 'ನೀಲಿ' ಮಾರ್ಗದಲ್ಲಿ ವೇಗವಾಗಿ ಓಡಲಿವೆ ಮೆಟ್ರೋ, ಅಪ್ಡೇಟ್
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Movies ನಿರಂತರ ಪ್ಲಾಫ್ ಸಿನಿಮಾಳನ್ನ ನೀಡಿದ ಈ ವಿಶ್ವಸುಂದರಿ ಯಾರು ಗೊತ್ತಾ...?
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಣ್ಣದ ಟ್ಯೂಬ್ಲೆಸ್ ಟಯರ್ ಬಿಡುಗಡೆಗೊಳಿಸಿದ ಸಿಯೆಟ್
ಯಾವುದೇ ವಾಹನಗಳಾಗಲೀ ಅವುಗಳಿಗೆ ಚಲಿಸಲು ಮುಖ್ಯವಾಗಿ ಬೇಕಾಗಿರುವುದು ಟಯರ್ಗಳು. ಮೊದಲು ಟಯರ್ಗಳು ಟ್ಯೂಬ್ನೊಂದಿಗೆ ಬರುತ್ತಿದ್ದವು. ನಂತರದ ದಿನಗಳಲ್ಲಿ ಟ್ಯೂಬ್ಲೆಸ್ ಟಯರ್ಗಳು ಮಾರುಕಟ್ಟೆಗೆ ಲಗ್ಗೆಯಿಟ್ಟವು.
ಟ್ಯೂಬ್ಲೆಸ್ ಟಯರ್ಗಳು ಕಾರ್, ಬೈಕ್ ಸೇರಿದಂತೆ ಎಲ್ಲಾ ವಾಹನಗಳಲ್ಲಿಯೂ ನೆಲೆಯೂರಿವೆ. ಇದುವರೆಗೂ ಒಂದೇ ಬಣ್ಣವನ್ನು ಹೊಂದಿರುತ್ತಿದ್ದ ಟಯರ್ಗಳು ಈಗ ಹಲವಾರು ಬಣ್ಣದೊಂದಿಗೆ ಬಿಡುಗಡೆಯಾಗಿವೆ. ಜನಪ್ರಿಯ ಟಯರ್ ಉತ್ಪಾದಕ ಕಂಪನಿಯಾದ ಸಿಯೆಟ್ ಈ ಟಯರ್ಗಳನ್ನು ಬಿಡುಗಡೆಗೊಳಿಸಿದೆ.
ಸಿಯೆಟ್ ಕಂಪನಿಯ ಟಯರ್ಗಳು ಭಾರತದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾಗುತ್ತವೆ. ಭಾರತದಲ್ಲಿ ಜನಪ್ರಿಯವಾಗಿರುವ ಹೋಳಿ ಹಬ್ಬದ ಹಿನ್ನೆಲೆಯಲ್ಲಿ ಸಿಯೆಟ್ ಕಂಪನಿಯು ಹಲವು ಬಣ್ಣಗಳಲ್ಲಿ ಟ್ಯೂಬ್ಲೆಸ್ ಟಯರ್ಗಳನ್ನು ಬಿಡುಗಡೆಗೊಳಿಸಿದೆ.
ಸಿಯೆಟ್ ಈ ಟಯರ್ಗಳನ್ನು ಸೀಮಿತ ಸಂಖ್ಯೆಯಲ್ಲಿ ಬಿಡುಗಡೆಗೊಳಿಸಿದ್ದು, ಕೆಲವು ದಿನಗಳವರೆಗೆ ಮಾತ್ರ ಇವುಗಳನ್ನು ಮಾರಾಟ ಮಾಡಲಿದೆ. ಆದರೆ ಎಂದಿನಿಂದ ಈ ಟಯರ್ಗಳನ್ನು ಮಾರಾಟ ಮಾಡಲಾಗುವುದು ಎಂದು ಕಂಪನಿಯು ತಿಳಿಸಿಲ್ಲ.
ಇದರ ಜೊತೆಗೆ ಈ ಬಣ್ಣದ ಟ್ಯೂಬ್ಲೆಸ್ ಟಯರ್ಗಳ ಬೆಲೆ ಎಷ್ಟಿರಲಿದೆ ಎಂಬ ಮಾಹಿತಿಯನ್ನೂ ಸಹ ಕಂಪನಿಯು ಬಹಿರಂಗಪಡಿಸಿಲ್ಲ. ಆದರೆ ಈ ಬಣ್ಣದ ಟ್ಯೂಬ್ಲೆಸ್ ಟಯರ್ಗಳು ಆಟೋ ಮೊಬೈಲ್ ಪ್ರಿಯರ ಆಸಕ್ತಿಯನ್ನು ತಮ್ಮತ್ತ ಸೆಳೆದಿವೆ.
ಟಯರ್ಗಳು ಎಂದ ತಕ್ಷಣ ನಮ್ಮ ಕಣ್ಣ ಮುಂದೆ ಬರುವುದು ಕಪ್ಪು ಬಣ್ಣದ ಟಯರ್ಗಳು. ಆದರೆ ಸಿಯೆಟ್ ಕಂಪನಿಯು ಇದರ ಭಾವನೆಯನ್ನು ಬದಲಿಸಿದೆ. ಸಿಯೆಟ್ ಕಂಪನಿಯ ಬಣ್ಣದ ಟಯರ್ಗಳ ಸುದ್ದಿಯು ದೇಶಾದ್ಯಂತ ಕಾಡ್ಗಿಚ್ಚಿನಂತೆ ಹಬ್ಬಿದೆ.
ಈ ಟಯರ್ಗಳನ್ನು ಬ್ಲೂ, ಆರೇಂಜ್ ಹಾಗೂ ಬ್ಲೂ ಆರೇಂಜ್ ಎಂಬ ಮೂರು ವಿಧದ ಬಣ್ಣಗಳಲ್ಲಿ ಮಾರಾಟ ಮಾಡಲಾಗುವುದು. ಈ ಬಣ್ಣವನ್ನು ಟಯರಿನ ಪಾರ್ಶ್ವ ಭಾಗದಲ್ಲಿ ಕಾಣಬಹುದು. ಸಿಯೆಟ್ ಕಂಪನಿಯು ಈ ಬಣ್ಣವನ್ನು ಜೂಮ್ ರಾಡ್ ಟಯರ್ಗಳಲ್ಲಿ ಮಾತ್ರ ನೀಡಲಿದೆ.
ಈ ಎಲ್ಲಾ ಟಯರ್ಗಳನ್ನು ಸ್ಪೋರ್ಟ್ಸ್ ಬೈಕ್ಗಳಾದ ಯಮಹಾ ಎಫ್ಇಸಿ, ಯಮಹಾ ಫೇಜರ್, ಸುಜುಕಿ ಜಿಕ್ಸರ್ ಹಾಗೂ ಸುಜುಕಿ ಇಂಟ್ರೂಡರ್ಗಳಲ್ಲಿ ಬಳಸಲಾಗುತ್ತದೆ. ಸೀಮಿತ ಸಂಖ್ಯೆಯಲ್ಲಿ ಬಿಡುಗಡೆಗೊಳಿಸಲಾಗಿರುವ ಸಿಯೆಟ್ ಜೂಮ್ ರ್ಯಾಟ್ ಟಯರ್ಗಳು ಶೀಘ್ರದಲ್ಲಿಯೇ ನಿರ್ದಿಷ್ಟ ಸಿಯೆಟ್ ಟಯರ್ ಅಂಗಡಿಗಳಲ್ಲಿ ಮಾರಾಟವಾಗಲಿವೆ ಎಂದು ಸಿಯೆಟ್ ಕಂಪನಿ ತಿಳಿಸಿದೆ.
ಈ ಟಯರ್ಗಳು, ಇತರ ಸಿಯೆಟ್ ಟಯರ್ಗಳಿಗಿಂತ ಭಿನ್ನವಾಗಿದ್ದು, ಹೆಚ್ಚಿನ ಬಾಳಿಕೆ ಬರುತ್ತವೆ. ಈ ಕಾರಣಕ್ಕೆ ಹೊಸ ಬಣ್ಣದ ಟಯರ್ಗಳು ಗ್ರಾಹಕರನ್ನು ಆಕರ್ಷಿಸುವುದರ ಜೊತೆಗೆ ಹೆಚ್ಚು ಬಾಳಿಕೆಯು ಬರುತ್ತವೆ.
ಸಿಯೆಟ್ ಕಂಪನಿಯು ಉತ್ತಮ ಗುಣಮಟ್ಟದ ರಬ್ಬರ್ಗಳೊಂದಿಗೆ ಬಣ್ಣದ ಟಯರ್ಗಳನ್ನು ಅಭಿವೃದ್ಧಿಪಡಿಸಿದೆ. ಸಾಂಪ್ರದಾಯಿಕ ಮಾದರಿಯ ಟಯರ್ಗಳಲ್ಲಿ ಸಿಯೆಟ್ ಒಂದೇ ರೀತಿಯ ರಬ್ಬರ್ ಅನ್ನು ಬಳಸುತ್ತದೆ. ಈ ಟಯರ್ಗಳು ಹೆಚ್ಚು ಗ್ರಿಪ್, ಸ್ಮೂಥ್ ಆಗಿದ್ದು ಸುಲಭವಾಗಿ ಟ್ಯೂನ್ ಮಾಡಬಹುದಾಗಿದೆ.