ಕರೋನಾ ವೈರಸ್ ಎಫೆಕ್ಟ್: ಮನೆ ಬಾಗಿಲಲ್ಲೇ ಸರ್ವೀಸ್ ಆಗಲಿವೆ ದ್ವಿಚಕ್ರ ವಾಹನಗಳು

ಕ್ರೆಡ್‌ಆರ್ ಹೆಸರಿನ ದ್ವಿಚಕ್ರ ವಾಹನ ಕಂಪನಿಯು ಬೈಕ್ ಸರ್ವೀಸ್ ಕ್ಷೇತ್ರಕ್ಕೆ ಕಾಲಿಟ್ಟಿದೆ. ಕ್ರೆಡ್‌ಆರ್ ಕಂಪನಿಯು ಕ್ರೆಡ್‌ಆರ್ ಕೇರ್ ಎಂಬ ಡೋರ್ ಡೆಲಿವರಿ ಸೇವೆಯನ್ನು ಆರಂಭಿಸಿದೆ. ಕಂಪನಿಯು ಈ ಸೌಲಭ್ಯವನ್ನು ಬೆಂಗಳೂರು, ದೆಹಲಿ ಎನ್‌ಸಿಆರ್, ಜೈಪುರ ಹಾಗೂ ಪುಣೆ ನಗರಗಳಲ್ಲಿ ಆರಂಭಿಸಿದೆ.

ಕ್ರೆಡ್‌ಆರ್ ಕೇರ್‌ನಿಂದಾಗಿ ಗ್ರಾಹಕರು ತಮ್ಮ ಮನೆ ಅಥವಾ ಕಚೇರಿಯಿಂದ ದ್ವಿಚಕ್ರ ವಾಹನ ಸರ್ವೀಸ್ ಪ್ಯಾಕೇಜ್ ಅನ್ನು ಬುಕ್ಕಿಂಗ್ ಮಾಡಬಹುದು ಎಂದು ಕಂಪನಿ ಹೇಳಿದೆ. ಇದು ಬೈಕ್‌ನ ಮಾದರಿಯನ್ನು ಅವಲಂಬಿಸಿರುತ್ತದೆ. ಗ್ರಾಹಕರು ತಮಗೆ ಬೇಕಾದ ದಿನ ಹಾಗೂ ಸಮಯದಂದು ಈ ಡೋರ್ ಡೆಲಿವರಿ ಸೇವೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು.

MOSTREAD: ಕರೋನಾ ವೈರಸ್ ಎಫೆಕ್ಟ್: ಭಾರೀ ಪ್ರಮಾಣದಲ್ಲಿ ಕುಸಿದ ಇಂಧನ ಮಾರಾಟ

ಈ ಸೇವೆ ನೀಡಲು ಕಂಪನಿಯು ಸ್ಯಾನಿಟೈಜೆಷನ್ ಹಾಗೂ ಸಾಮಾಜಿಕ ಅಂತರದ ನಿಯಮಗಳನ್ನು ಪಾಲಿಸುವ ಉದ್ಯೋಗಿಗಳನ್ನು ನೇಮಿಸಿಕೊಂಡಿದೆ. ಇದರ ಜೊತೆಗೆ ಬಿಡಿಭಾಗ, ಪರಿಕರ ಹಾಗೂ ಬೆಲೆ ಇತ್ಯಾದಿಗಳ ಬಗ್ಗೆ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಲಿದೆ.

ದೇಶಾದ್ಯಂತ ಕರೋನಾ ಸೋಂಕಿನಿಂದಾಗಿ, ವಾಹನಗಳಿಗೆ ಸ್ಯಾನಿಟೈಜೆಷನ್ ಮಾಡುವ ಬೇಡಿಕೆ ಹೆಚ್ಚುತ್ತಿದೆ. ಜೊತೆಗೆ ವಾಹನಗಳು ಒಂದೇ ಸ್ಥಳದಲ್ಲಿ ಹೆಚ್ಚು ಸಮಯ ಇರುವುದರಿಂದ ಸರ್ವೀಸ್ ಅಗತ್ಯವಾಗಿದೆ. ಈ ಕಾರಣಕ್ಕೆ ಅನೇಕ ಕಂಪನಿಗಳು ವಾಹನಗಳ ಸರ್ವೀಸ್ ಕ್ಷೇತ್ರಕ್ಕೆ ಕಾಲಿಡುತ್ತಿವೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ದೇಶದ ಜನರು ಅನ್‌ಲಾಕ್ 1.0 ಅವಧಿಯಲ್ಲಿ ಸಾರ್ವಜನಿಕ ಸಾರಿಗೆಗಳ ಬದಲಿಗೆ ತಮ್ಮದೇ ಆದ ಬೈಕ್ ಹಾಗೂ ಕಾರುಗಳಿಗೆ ಆದ್ಯತೆ ನೀಡುತ್ತಿದ್ದಾರೆ. ಜೊತೆಗೆ ಬಾಡಿಗೆ ವಾಹನಗಳಿಗೂ ಸಹ ಹೆಚ್ಚಾಗುತ್ತಿದೆ. ಮುಂದಿನ ದಿನಗಳಲ್ಲಿ ಇದು ಮತ್ತಷ್ಟು ಹೆಚ್ಚಾಗಲಿದೆ.

ಬಹುತೇಕ ಎಲ್ಲಾ ದ್ವಿಚಕ್ರ ವಾಹನ ಕಂಪನಿಗಳು ತಮ್ಮ ಶೋರೂಂಗಳನ್ನು ತೆರೆದಿದ್ದು, ಸರ್ವೀಸ್ ಸೆಂಟರ್‌ಗಳನ್ನು ಸಹ ಪುನರಾರಂಭಿಸಿವೆ. ಗ್ರಾಹಕರು ತಮ್ಮ ವಾಹನಗಳನ್ನು ಸರ್ವಿಸ್ಮಾಡಿಸಲು ಮುಂದಾಗುತ್ತಿದ್ದಾರೆ. ಇದರಿಂದ ಹಲವು ದಿನಗಳಿಂದ ಮನೆಯಲ್ಲಿಯೇ ಇದ್ದ ವಾಹನಗಳನ್ನು ಉತ್ತಮ ಸ್ಥಿತಿಯಲ್ಲಿಡಬಹುದು.