ಪೆರಾಕ್ ಫ್ರೈಡೇ ಟೆಸ್ಟ್ ಡ್ರೈವ್ ಆರಂಭಿಸಿದ ಜಾವಾ ಪೆರಾಕ್

ಬಾಬರ್ ಶೈಲಿಯ ಪೆರಾಕ್ ಬೈಕ್ ದೇಶಿಯ ಗ್ರಾಹಕರಲ್ಲಿ ಹೆಚ್ಚು ಜನಪ್ರಿಯತೆಯನ್ನು ಪಡೆದಿದೆ. ಈ ಬೈಕಿನ ಬೆಲೆ ರೂ.1.92 ಲಕ್ಷಗಳಾಗಿದೆ. ಪೆರಾಕ್ ಬೈಕಿನ ಬುಕ್ಕಿಂಗ್‍ಗಳನ್ನು ಆರಂಭಿಸಲಾಗಿದೆ. ನಿರೀಕ್ಷೆಗಿಂತ ಹೆಚ್ಚು ಜನರು ಬುಕ್ಕಿಂಗ್ ಮಾಡಿದ ಕಾರಣಕ್ಕೆ ಜಾವಾ ವೆಬ್‍‍ಸೈಟ್ ಸ್ಥಗಿತಗೊಂಡಿದೆ.

ಪೆರಾಕ್ ಬೈಕುಗಳ ವಿತರಣೆಯನ್ನು ಏಪ್ರಿಲ್ 12ರಿಂದ ಆರಂಭಿಸಲಾಗುವುದು. ಗ್ರಾಹಕರಿಗಾಗಿ ಜಾವಾ ಡೀಲರ್‍‍ಗಳು ಬಳಿ ಈ ಬೈಕಿನ ಟೆಸ್ಟ್ ಡ್ರೈವ್ ಅನ್ನು ಆಯೋಜಿಸಿದ್ದಾರೆ. ಜಾವಾ ಕಂಪನಿಯು ಈ ಬೈಕ್ ಅನ್ನು ಬುಕ್ ಮಾಡಿರುವ ಗ್ರಾಹಕರಿಗಾಗಿ ವಿಶೇಷ ಟೆಸ್ಟ್ ಡ್ರೈವ್ ಅಭಿಯಾನವನ್ನು ಆರಂಭಿಸಿದೆ.

ಜಾವಾ ಕಂಪನಿಯು ಪೆರಾಕ್ ಫ್ರೈಡೇ ಎಂಬ ಹೆಸರಿನಲ್ಲಿ ವಿಶೇಷ ಟೆಸ್ಟ್ ಡ್ರೈವ್ ಅಭಿಯಾನವನ್ನು ಆರಂಭಿಸಿದೆ. ಈ ಟೆಸ್ಟ್ ಡ್ರೈವ್ ಅನ್ನು ಚೆನ್ನೈ, ಬೆಂಗಳೂರು, ಕೊಲ್ಕತ್ತಾ, ಕೊಚ್ಚಿ, ಅಹಮದಾಬಾದ್, ದೆಹಲಿ, ಮುಂಬೈ, ಪುಣೆ ಹಾಗೂ ಚಂಡೀಗಢದಲ್ಲಿ ಆಯೋಜಿಸಲಾಗಿದೆ.

ಈ ಅಭಿಯಾನದಂತೆ ಕಳೆದ ಶುಕ್ರವಾರ ಗ್ರಾಹಕರಿಗಾಗಿ ಈ ವಿಶೇಷ ಟೆಸ್ಟ್ ಡ್ರೈವ್ ಹಮ್ಮಿಕೊಳ್ಳಲಾಗಿತ್ತು. ಗ್ರಾಹಕರು ಪೆರಾಕ್ ಬೈಕ್‍‍ಗಳನ್ನು ಮೊದಲೇ ತೀರ್ಮಾನಿಸಿದ್ದ ರಸ್ತೆಗಳಲ್ಲಿ ಚಾಲನೆ ಮಾಡಿದರು. ಈ ಡ್ರೈವ್‍‍ನಲ್ಲಿ ಜಾವಾ 300 ಹಾಗೂ ಜಾವಾ 42 ಬೈಕ್‍‍ಗಳ ಮಾಲೀಕರೂ ಸಹ ಭಾಗಿಯಾಗಿದ್ದರು.

ಮೊದಲು ಪೆರಾಕ್ ಬೈಕ್‍ಗಳು ಅದಾದ ನಂತರ ಜಾವಾ 300 ಹಾಗೂ ಜಾವಾ 42 ಬೈಕ್‍‍ಗಳು ಈ ಡ್ರೈವ್‍‍ನಲ್ಲಿ ಭಾಗಿಯಾಗಿದ್ದವು. ಈ ವಿಶೇಷ ಟೆಸ್ಟ್ ಡ್ರೈವ್ ಪೆರಾಕ್ ಬೈಕ್‍‍ಗಳನ್ನು ಖರೀದಿಸ ಬಯಸುವ ಗ್ರಾಹಕರಿಗೆ ಹೊಸ ಅನುಭವವನ್ನು ನೀಡಲಿದೆ.

ಹೆಚ್ಚಿನ ಸಂಖ್ಯೆಯಲ್ಲಿ ಜಾವಾ ಬೈಕುಗಳು ಈ ಡ್ರೈವ್‍‍ನಲ್ಲಿ ಭಾಗಿಯಾಗಿದ್ದು, ಜನರ ಗಮನವನ್ನು ತಮ್ಮತ್ತ ಸೆಳೆದವು. ಇದರಿಂದಾಗಿ ಜಾವಾ ಬೈಕ್‍‍ಗಳು ಹೆಚ್ಚು ಜನಪ್ರಿಯತೆಯನ್ನು ಪಡೆದವು. ಈ ಡ್ರೈವ್‍‍ನಲ್ಲಿ ಆಯಾ ನಗರಗಳಲ್ಲಿ ಜಾವಾ ಬೈಕ್‍‍ಗಳನ್ನು ಹೊಂದಿದ್ದವರು ಭಾಗವಹಿಸಿದ್ದರು.

ಜಾವಾ ಕಂಪನಿಯು ಈ ಡ್ರೈವ್ ಅನ್ನು ಮುಂದುವರೆಸಲು ಬಯಸಿದೆ. ಹೆಚ್ಚಿನ ಮಾಹಿತಿಗಳಿಗಾಗಿ ಜಾವಾ ಕಂಪನಿಯ ಸಾಮಾಜಿಕ ಜಾಲತಾಣಗಳಿಗೆ ಭೇಟಿ ನೀಡಿ. ಅದು ಸಾಧ್ಯವಾಗದೇ ಇದ್ದಲ್ಲಿ, ಹತ್ತಿರಲ್ಲಿರುವ ಡೀಲರ್‍‍ಗಳ ಬಳಿ ಹೆಚ್ಚಿನ ಮಾಹಿತಿಯನ್ನು ಪಡೆಯಬಹುದು.