ಜಾವಾ ಮೋಟಾರ್‌ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ!

ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್' ಭಾರತದಲ್ಲಿನ 36 ಡೀಲರ್‌ಶಿಪ್‌ಗಳಲ್ಲಿ ಮಾರ್ಚ್‌ನಲ್ಲಿ 6,250 ಜಾವಾ ಬೈಕ್‌ಗಳಿಗೆ ಸೇವೆ ನೀಡುವ ಮೂಲಕ ಮೊದಲ ಹಂತದ ಸೇವಾ ಶಿಬಿರಗಳನ್ನು ಮುಕ್ತಾಯಗೊಳಿಸಿದೆ. ಇದೀಗ ತಮ್ಮ ಎರಡನೇ ಹಂತದ ಮೆಗಾ ಸೇವಾ ಶಿಬಿರಗಳನ್ನು ಏಪ್ರಿಲ್ 19 ರಿಂದ ಪ್ರಾರಂಭಿಸಿದ್ದು, ಜೂನ್ ಅಂತ್ಯದವರೆಗೆ ಮುಂದುವರಿಯಲಿದೆ ಎಂದು ತಿಳಿಸಿದೆ.

ಈ ಕುರಿತು ಜಾವಾ ಯೆಜ್ಡಿ ಮೋಟಾರ್‌ಸೈಕಲ್‌ನ ಸಿಇಒ ಆಶಿಶ್ ಸಿಂಗ್ ಜೋಶಿ ಪ್ರತಿಕ್ರಿಯಿಸಿ, "ಇದು ಭಾರತದ ಯಾವುದೇ ಆಟೋಮೋಟಿವ್ ಬ್ರಾಂಡ್‌ ಮಾಡದ ಮೊದಲ ವಿಭಿನ್ನ ಉಪಕ್ರಮವಾಗಿದೆ. ಗ್ರಾಹಕರ ತೃಪ್ತಿ ಮತ್ತು ಉನ್ನತ ಮಾಲೀಕತ್ವದ ಅನುಭವದ ಕಡೆಗೆ ಬ್ರ್ಯಾಂಡ್‌ನ ಸಮರ್ಪಣೆಯನ್ನು ಒತ್ತಿಹೇಳುತ್ತದೆ. ಶ್ರೇಣಿ -2 ಅನ್ನು ಪ್ರವೇಶಿಸುವ ಮೂಲಕ ಮತ್ತು ಶ್ರೇಣಿ- 3 ಮಾರುಕಟ್ಟೆಗಳಲ್ಲಿ, ನಮ್ಮ ಹೆಚ್ಚಿನ ಮೌಲ್ಯಯುತ ಗ್ರಾಹಕರಿಗೆ ನಾವು ಬ್ರಾಂಡ್ ನೇತೃತ್ವದ ಸೇವೆಯನ್ನು ಹೈಪರ್ ಲೋಕಲೈಸ್ ಮಾಡಬಹುದು. ಜೂನ್ ಅಂತ್ಯದ ವೇಳೆಗೆ ನಾವು 10,000ಕ್ಕೂ ಹೆಚ್ಚಿನ ಮೋಟಾರ್‌ಸೈಕಲ್‌ಗಳಿಗೆ ಸೇವೆ ಸಲ್ಲಿಸುವ ಗುರಿಯನ್ನು ಹೊಂದಿದ್ದೇವೆ ಎಂದರು.

ಕಂಪನಿಯ ಮೆಗಾ ಸೇವಾ ಶಿಬಿರದ ಎರಡನೇ ಹಂತದಲ್ಲಿ, ಮಹಾನಗರಗಳು ಮಾತ್ರವಲ್ಲದೇ ದೇಶಾದ್ಯಂತ 32 ಶ್ರೇಣಿ-II ಮತ್ತು ಶ್ರೇಣಿ-IIIರ ನಗರಗಳಲ್ಲಿಯೂ (tier-II and tier-III cities) ಸೇವೆ ನೀಡಲಿದೆ. ಮೊದಲ ಹಂತದಂತೆಯೇ, ಮುಂದಿನ ಹಂತದ ಮೆಗಾ ಸೇವಾ ಶಿಬಿರಗಳು 2019-2020ರ ಜಾವಾ ಮೋಟಾರ್‌ಸೈಕಲ್‌ ಮಾಲೀಕರಿಗೆ ಸಮಗ್ರ ವಾಹನ ಆರೋಗ್ಯ ತಪಾಸಣೆ ಮತ್ತು ಮೋಟಾರ್‌ಸೈಕಲ್‌ನ ವಾರಂಟಿ ಸ್ಥಿತಿಗೆ ಸೀಮಿತವಾಗಿರದೆ, ಆಯ್ದ ಭಾಗಗಳನ್ನು ಉಚಿತವಾಗಿ ಬದಲಾಯಿಸಲಾಗುತ್ತದೆ.

ಮಂಗಳೂರು, ಮೈಸೂರು, ಹುಬ್ಬಳ್ಳಿ, ಅನಂತಪುರ, ತಿರುಪತಿ, ತಿರುಚ್ಚಿ, ಪಾಂಡಿಚೇರಿ, ಜಲಂಧರ್, ನಾಗ್ಪುರ, ಗಾಜಿಯಾಬಾದ್, ವಾರಣಾಸಿ, ಡೆಹ್ರಾಡೂನ್, ಫರಿದಾಬಾದ್, ಇಂದೋರ್, ಸೇಲಂ, ಕಾನ್ಪುರ, ಬರೇಲಿ, ಜಮ್ಮು, ಹಲ್ದ್ವಾನಿ, ಕೊಲ್ಲಂ, ಸಿಲಿಗುರಿ, ಜೋಧ್‌ಪುರ, ರಾಯ್‌ಪುರ, ನಾಗರ್‌ಕೋಯಿಲ್, ಭುವನೇಶ್ವರ್, ಪಾಟ್ನಾ, ನಾಸಿಕ್, ಜಬಲ್‌ಪುರ್, ಗೋವಾ, ಕೊಲ್ಲಾಪುರ, ತಿನ್ಸುಕಿಯಾ, ರಾಂಚಿಯಲ್ಲಿ ಎರಡನೇ ಹಂತದ ಸೇವಾ ಶಿಬಿರಗಳನ್ನು ಆಯೋಜಿಸಲಾಗಿದೆ.

Motul, Amaron ಮತ್ತು Ceat Tyres ನಂತಹ ಪ್ರಮುಖ ಮೂಲ ಸಲಕರಣೆಗಳ ಪೂರೈಕೆದಾರರ ಸಹಯೋಗದೊಂದಿಗೆ, Jawa ತನ್ನ ಗ್ರಾಹಕರಿಗೆ ಉನ್ನತ ದರ್ಜೆಯ ಸೇವೆಯ ಗುಣಮಟ್ಟವನ್ನು ನೀಡುವ ಗುರಿಯನ್ನು ಹೊಂದಿದೆ. ಹೆಚ್ಚುವರಿಯಾಗಿ, ಶಿಬಿರದಲ್ಲಿ ಪ್ರತಿ ಮೋಟಾರ್‌ಸೈಕಲ್‌ನ ಆರೋಗ್ಯ ಮೌಲ್ಯಮಾಪನದ ಫಲಿತಾಂಶಗಳಿಗೆ ಅನುಗುಣವಾಗಿ ಬ್ರ್ಯಾಂಡ್ ಉಚಿತ ವಿಸ್ತೃತ ವಾರಂಟಿಗಳನ್ನು ಒದಗಿಸುತ್ತದೆ. ಮಾಲೀಕತ್ವದ ಅನುಭವವನ್ನು ಇನ್ನಷ್ಟು ಹೆಚ್ಚಿಸುವ ಕಾರ್ಯತಂತ್ರದ ಕ್ರಮದಲ್ಲಿ, ತಮ್ಮ ಮೋಟಾರ್‌ಸೈಕಲ್‌ಗಳನ್ನು ನವೀಕರಿಸಲು ಬಯಸುವ ಮಾಲೀಕರಿಗೆ ಮೀಸಲಾದ ವಲಯವನ್ನು ವ್ಯವಸ್ಥೆಗೊಳಿಸಲಾಗುತ್ತಿದ್ದು, ವಿನಿಮಯ ಮೌಲ್ಯವನ್ನು ನಿರ್ಣಯಿಸಬಹುದು ಎಂದು ಕಂಪನಿ ಹೇಳಿದೆ.

2019-2020 ರ ಜಾವಾ ಮೋಟಾರ್‌ಸೈಕಲ್‌ಗಳ ಮಾಲೀಕರು ಹತ್ತಿರದ ಮೇಲೆ ತಿಳಿಸಲಾದ ನಗರಗಳ ಬ್ರ್ಯಾಂಡ್ ಡೀಲರ್‌ಶಿಪ್‌ಗಳಲ್ಲಿ ತಮ್ಮ ಸ್ಲಾಟ್‌ಗಳನ್ನು ಕಾಯ್ದಿರಿಸಬಹುದು. ನಿಮ್ಮ ಮೋಟಾರ್‌ಸೈಕಲ್ ಉನ್ನತ ದರ್ಜೆಯ ಆರೈಕೆಯನ್ನು ಪಡೆಯುತ್ತದೆ ಎಂದು ಖಚಿತಪಡಿಸಿಕೊಳ್ಳುವ ಅವಕಾಶವನ್ನು ಕಳೆದುಕೊಳ್ಳಬೇಡಿ ಮತ್ತು ಗ್ರಾಹಕರ ತೃಪ್ತಿಗೆ ಬದ್ಧತೆಯನ್ನು ನೇರವಾಗಿ ಅನುಭವಿಸಿ ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಅಂದುಕೊಂಡಂತೆ ಎಲ್ಲವೂ ನಡೆದರೇ ಬ್ರ್ಯಾಂಡ್ ಮುಂದಿನ ತಿಂಗಳುಗಳಲ್ಲಿ ಇನ್ನೂ ಹೆಚ್ಚಿನ ನಗರಗಳಲ್ಲಿ ಮೆಗಾ ಸೇವಾ ಶಿಬಿರಗಳನ್ನು ಪ್ರಕಟಿಸಲಿದೆ. ಈ ಉಪಕ್ರಮವು ಗ್ರಾಹಕರ ತೃಪ್ತಿಗೆ ಆದ್ಯತೆ ನೀಡಲು ಮತ್ತು ಸಾಟಿಯಿಲ್ಲದ ಮಾಲೀಕತ್ವದ ಅನುಭವವನ್ನು ನೀಡಲು ಬ್ರ್ಯಾಂಡ್‌ನ ಬದ್ಧತೆಯನ್ನು ಒತ್ತಿಹೇಳುತ್ತದೆ ಎಂದು ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್ ಹೇಳಿಕೊಂಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.