ಕಾರು, ಬೈಕುಗಳಿಗಿಂತ ದುಬಾರಿ ಬೆಲೆಯ ಸೈಕಲ್‌ ಬಿಡುಗಡೆಗೊಳಿಸಿದ ಲ್ಯಾಂಬೊರ್ಗಿನಿ

ಈ ಹೊಸ ಸೈಕಲ್ ಲ್ಯಾಂಬೊರ್ಗಿನಿ ಅವೆಂಟಡಾರ್ ಎಸ್‌ವಿಜೆ ಸ್ಪೋರ್ಟ್ಸ್ ಕಾರ್ ಮಾದರಿಯನ್ನು ಆಧರಿಸಿದೆ ಎಂದು ಹೇಳಲಾಗಿದೆ. ಈ ಕಾರಣಕ್ಕೆ ಈ ಸೈಕಲ್ ಹಲವಾರು ಫೀಚರ್ ಗಳನ್ನು ಹೊಂದಿದೆ ಎಂದು ಸಹ ಹೇಳಲಾಗಿದೆ. ಈ ಸೈಕಲ್ ಸಾಂಪ್ರದಾಯಿಕ ಮಾದರಿಯ ಸೈಕಲ್‌ಗಳಿಗಿಂತ ತಾಂತ್ರಿಕವಾಗಿ ಹೆಚ್ಕು ಸುಧಾರಿತವಾಗಿದೆ.

ಈ ಕಾರಣಕ್ಕೆ ಕಂಪನಿಯು ಈ ಸೈಕಲ್‌ಗೆ ದುಬಾರಿ ಬೆಲೆಯನ್ನು ನಿಗದಿಪಡಿಸಿದೆ. ಈ ಸೈಕಲ್ಲಿನ ಬೆಲೆ ರೂ.13.2 ಲಕ್ಷಗಳಾಗಿದೆ. ಲ್ಯಾಂಬೊರ್ಗಿನಿ ಹಾಗೂ ಸೆರ್ವಿಲ್ಲೊ ಕಂಪನಿಗಳು ಈ ಸೈಕಲ್ಲಿಗೆ ದುಬಾರಿ ಬೆಲೆಯನ್ನು ನಿಗದಿಪಡಿಸಿವೆ.

MOSTREAD: ಮದುವೆ ಉಂಗುರದ ಶೋಧಕ್ಕಾಗಿ ಚೆಲ್ಲಾಪಿಲ್ಲಿಯಾದ ಕಾರಿನ ಇಂಟಿರಿಯರ್

ಈ ಸೈಕಲ್ ಮಾರುತಿ ಸುಜುಕಿ ಕಂಪನಿಯ ಕಾರುಗಳಿಗಿಂತ, ರಾಯಲ್ ಎನ್ ಫೀಲ್ಡ್ ಕಂಪನಿಯ ಬೈಕುಗಳಿಗಿಂತ ಹೆಚ್ಚಿನ ಬೆಲೆಯನ್ನು ಹೊಂದಿದೆ. ಲ್ಯಾಂಬೊರ್ಗಿನಿ ಕಂಪನಿಯು ಅತ್ಯಂತ ಆಕರ್ಷಕವಾದ, ಸಂಪೂರ್ಣವಾಗಿ ವಿಭಿನ್ನವಾದ ವಾಹನಗಳನ್ನು ಉತ್ಪಾದಿಸುತ್ತದೆ.

ಇದರ ಜೊತೆಗೆ ಲ್ಯಾಂಬೊರ್ಗಿನಿ ಕಂಪನಿಯು ಕೆಲವು ವಾಹನಗಳನ್ನು ಸೀಮಿತ ಸಂಖ್ಯೆಯಲ್ಲಿ ಉತ್ಪಾದಿಸುತ್ತದೆ. ಅಂತಹ ವಾಹನಗಳಲ್ಲಿ ಈಗ ಬಿಡುಗಡೆಯಾಗಿರುವ ಸೈಕಲ್ ಸಹ ಒಂದು.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ಈ ಸೈಕಲ್ ಅನ್ನು ಸಹ ಸೀಮಿತ ಸಂಖ್ಯೆಯಲ್ಲಿ ಮಾರಾಟ ಮಾಡುವುದಾಗಿ ಲ್ಯಾಂಬೊರ್ಗಿನಿ ತಿಳಿಸಿದೆ. ಲ್ಯಾಂಬೊರ್ಗಿನಿ ಕಂಪನಿಯು ಈ ಸೈಕಲಿನ ಕೇವಲ 63 ಯುನಿಟ್ ಗಳನ್ನು ಮಾತ್ರ ಉತ್ಪಾದಿಸಲಿದೆ.

ಸೆರ್ವಿಲ್ಲೊ ಆರ್ 5 ಸೈಕಲ್ ಅನ್ನು ಸ್ಪೋರ್ಟಿಯಾಗಿ ಹಾಗೂ ಪ್ರೀಮಿಯಂ ಆಗಿ ವಿನ್ಯಾಸಗೊಳಿಸಲಾಗಿದೆ. ಈ ಸೈಕಲ್ ಅನ್ನು ಇಟಲಿಯಲ್ಲಿ ತಯಾರಿಸಿದ ಯುನಿಟ್ ಗಳೊಂದಿಗೆ ವಿನ್ಯಾಸಗೊಳಿಸಲಾಗಿದೆ. ಈ ಸೈಕಲ್ ನಲ್ಲಿ ಕ್ಯಾಂಪೆಕ್ನೋಲಾ ಬೋರಾ ಒನ್ ವ್ಹೀಲ್ ಗಳನ್ನು ಅಳವಡಿಸಲಾಗಿದೆ. ಈ ವ್ಹೀಲ್ ಗಳಿಗೆ ವಿಟ್ಟೋರಿಯಾ ಕೊರ್ಸಾ ಪ್ರೊ ಟಯರ್‌ಗಳನ್ನು ಅಳವಡಿಸಲಾಗಿದೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಆರಾಮದಾಯಕ ಸವಾರಿಗಾಗಿ ಫಿಸಿಕ್ ಅಲಿಯಾಂಟ್ ಸೀಟ್ ಅನ್ನು ಅಳವಡಿಸಲಾಗಿದೆ. ಈ ಸೈಕಲ್ ನಲ್ಲಿರುವ ವ್ಹೀಲ್ ನಲ್ಲಿ ಹಲವಾರು ವಿಶೇಷ ಘಟಕಗಳನ್ನು ಬಳಸಲಾಗಿದೆ. ಈ ಸೈಕಲ್ ವಿಶೇಷ ಫೀಚರ್ ಗಳನ್ನು ಹೊಂದಿದೆ.

ಲ್ಯಾಂಬೊರ್ಗಿನಿ ಕಂಪನಿಯು ದುಬಾರಿ ಬೆಲೆಯ ಸೈಕಲ್ ಗಳನ್ನು ಬಿಡುಗಡೆಗೊಳಿಸುತ್ತಿರುವುದು ಇದೇ ಮೊದಲ ಬಾರಿಯಲ್ಲ. ಲ್ಯಾಂಬೊರ್ಗಿನಿ ಕೆಲವು ತಿಂಗಳ ಹಿಂದೆ ರೂ.11.23 ಲಕ್ಷ ಬೆಲೆಯ ಸೆರ್ವಿಲ್ಲೊ ಪಿ 5 ಎಕ್ಸ್ ಸೈಕಲ್ ಅನ್ನು ಬಿಡುಗಡೆಗೊಳಿಸಿತ್ತು.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಲ್ಯಾಂಬೊರ್ಗಿನಿ ಕಂಪನಿಯು ಈ ಸೈಕಲ್ ಅನ್ನು ಸಹ ಸೀಮಿತ ಸಂಖ್ಯೆಯಲ್ಲಿ ಮಾರಾಟ ಮಾಡಿತ್ತು. ಕೇವಲ 25 ಯುನಿಟ್ ಗಳನ್ನು ಬಿಡುಗಡೆಗೊಳಿಸಲಾಗಿತ್ತು. ವರದಿಗಳ ಪ್ರಕಾರ, ಬಿಡುಗಡೆಯಾದ ಎಲ್ಲಾ 25 ಯುನಿಟ್ ಗಳು ಮಾರಾಟವಾಗಿವೆ.