ಮೂರು ಚಕ್ರದ ಸ್ಕೂಟರ್ ಬಿಡುಗಡೆಗೊಳಿಸಿದ ಪ್ಯೂಜೊ ಮೋಟಾರ್‌ಸೈಕಲ್

ಇನ್ನು ಪ್ಯೂಜೊ ಮೋಟಾರ್‌ಸೈಕಲ್ ಬಗ್ಗೆ ಹೇಳುವುದಾದರೆ, ಮಹೀಂದ್ರಾ ಕಂಪನಿಯ ಪ್ಯೂಜೊ ದ್ವಿಚಕ್ರ ವಾಹನ ವಿಭಾಗವನ್ನು 2019ರಲ್ಲಿ ಖರೀದಿಸಿತು. ಈ ಮೂರು ಚಕ್ರಗಳ ಸ್ಕೂಟರ್ ಅನ್ನು ಫ್ರಾನ್ಸ್‌ನಲ್ಲಿ ಮಾತ್ರ ಬಿಡುಗಡೆಗೊಳಿಸಲಾಗಿದೆ. ಈ ಸ್ಕೂಟರ್ ಭಾರತದಲ್ಲಿಯೂ ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಪ್ಯೂಜೊ ಮೆಟ್ರೊಪೊಲಿಸ್ ಸ್ಕೂಟರಿನಲ್ಲಿ 400 ಸಿಸಿಯ ಪವರ್ ಮೋಷನ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 35 ಬಿಹೆಚ್‌ಪಿ ಪವರ್ ಹಾಗೂ 38 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಈ ಸ್ಕೂಟರ್ ಯಾಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್ (ಎಬಿಎಸ್) ಅನ್ನು ಸಹ ಹೊಂದಿದೆ. ಈ ಸ್ಕೂಟರ್‌ ಅಗ್ರೇಸಿವ್ ಡಿಸೈನ್ ಹಾಗೂ ಲುಕ್ ಅನ್ನು ಹೊಂದಿದೆ. ಮುಂಭಾಗದಲ್ಲಿರುವ ಎರಡು ವ್ಹೀಲ್ ಗಳ ಕಾರಣಕ್ಕೆ ಈ ಸ್ಕೂಟರ್ ಹೆಚ್ಚು ನೇರವಾದ ಆಂಗಲ್ ಅನ್ನು ನೀಡುತ್ತದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಸಾಕಷ್ಟು ಅಗಲವಿರುವ ಸ್ಕೂಟರಿನ ಮುಂಭಾಗವು ಎರಡು ಹೆಡ್‌ಲೈಟ್‌ಗಳನ್ನು ಹೊಂದಿದೆ. ಸ್ಕೂಟರ್‌ನಲ್ಲಿರುವ ಎಲ್ಲಾ ಲೈಟಿಂಗ್ ಗಳು ಎಲ್ಇಡಿಯಾಗಿವೆ. ಈ ಸ್ಕೂಟರ್ ತನ್ನ ಪವರ್ ಹಾಗೂ ಪರ್ಫಾಮೆನ್ಸ್ ನಿಂದ ಇತರ ಮ್ಯಾಕ್ಸಿ ಸ್ಕೂಟರ್‌ಗಳನ್ನು ಹಿಂದಿಕ್ಕಬಲ್ಲದು.

ಪ್ಯೂಜೊ ಮೆಟ್ರೊಪೊಲಿಸ್ ಬಿಡುಗಡೆಯಾದ ನಂತರ ಆನಂದ್ ಮಹೀಂದ್ರಾ ಟ್ವಿಟ್ಟರ್ ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಈ ಸ್ಕೂಟರ್ ಭಾರತದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳು ತೀರಾ ಕಡಿಮೆಯಾದರೂ ಬಿಡುಗಡೆಯಾದರೆ, ಕಡಿಮೆ ಎಂಜಿನ್ ನೊಂದಿಗೆ ಬಿಡುಗಡೆಗೊಳಿಸಲಾಗುವುದು.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಭಾರತದಲ್ಲಿ ಮಾರಾಟವಾಗುವ ಮ್ಯಾಕ್ಸಿ ಸ್ಕೂಟರ್‌ಗಳು ಗರಿಷ್ಠ 125 ಸಿಸಿ -150 ಸಿಸಿಯಲ್ಲಿ ಮಾರಾಟವಾಗುತ್ತವೆ. ಏಪ್ರಿಲಿಯಾ ಎಸ್‌ಎಕ್ಸ್‌ಆರ್ 160 ಹಾಗೂ ಹೋಂಡಾ ಫೋರ್ಜಾ 300 ಸ್ಕೂಟರ್ ಗಳು ಹೆಚ್ಚಿನ ಪವರ್ ನೊಂದಿಗೆ ಮಾರಾಟವಾಗಲಿವೆ.

ಪ್ಯೂಜೊ ಮೋಟಾರ್‌ಸೈಕಲ್ ಜಾಗತಿಕ ಮಟ್ಟದ ಕಂಪನಿಯಾಗಿದೆ. ಭಾರತವು ದ್ವಿಚಕ್ರ ವಾಹನಗಳ ಅತಿದೊಡ್ಡ ಮಾರುಕಟ್ಟೆಯಾಗಿದೆ. ಈ ಕಾರಣಕ್ಕೆ ದೊಡ್ಡ ದೊಡ್ಡ ಆಟೋಮೊಬೈಲ್ ಕಂಪನಿಗಳು ತಮ್ಮ ಹೊಸ ವಾಹನಗಳನ್ನು ಭಾರತದಲ್ಲಿ ಬಿಡುಗಡೆಗೊಳಿಸುತ್ತವೆ.