ಬಾಡಿಗೆಗಾಗಿ ಹೊಸ ತಲೆಮಾರಿನ ಬೈಸಿಕಲ್‌ಗಳನ್ನು ಬಿಡುಗಡೆಗೊಳಿಸಿದ ಸ್ಮಾರ್ಟ್ ಬೈಕ್

ಕಂಪನಿಯ ಬಾಡಿಗೆ ವಾಹನಗಳು ಚೆನ್ನೈನ ಪ್ರಮುಖ ಮೆಟ್ರೋ ನಿಲ್ದಾಣಗಳಲ್ಲಿ ಲಭ್ಯವಿರಲಿವೆ. ಕಚೇರಿಗೆ ತೆರಳುವವರ ಹಾಗೂ ಇತರರ ಅಗತ್ಯವನ್ನು ಪರಿಗಣಿಸಿ ಈ ಹಿಂದೆ ಈ ಸೇವೆಯನ್ನು ಆರಂಭಿಸಲಾಗಿತ್ತು. ಈ ಸೇವೆಯನ್ನು ವಿಸ್ತರಿಸುವ ಸಲುವಾಗಿ ಸ್ಮಾರ್ಟ್ ಬೈಕ್ ಈಗ ಚೆನ್ನೈನಲ್ಲಿ ಹೊಸ ಸರಣಿಯ ವಾಹನಗಳನ್ನು ಬಿಡುಗಡೆಗೊಳಿಸಿದೆ.

ಈ ವಾಹನಗಳು ಕಳೆದ 28 ದಿನಗಳಿಂದ ಸೇವೆಯನ್ನು ನೀಡುತ್ತಿವೆ. ಈ ವಾಹನಗಳಿಗೆ ಮರೀನಾ ಬೀಚ್‌ನ ಕಾಮರಾಜ್ ರಸ್ತೆಯಲ್ಲಿ ತಮಿಳುನಾಡು ಮುಖ್ಯಮಂತ್ರಿ ಕೆ.ಪಳನಿಸಾಮಿ ಹಾಗೂ ಉಪಮುಖ್ಯಮಂತ್ರಿ ಪನ್ನೀರ್ ಸೆಲ್ವಂ ಅವರು ಚಾಲನೆ ನೀಡಿದ್ದರು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಸಂದರ್ಭದಲ್ಲಿ ತಮಿಳುನಾಡು ಸರ್ಕಾರದ ಹಲವು ಸಚಿವರು ಹಾಗೂ ಚೆನ್ನೈನ ಪ್ರಮುಖ ಅಧಿಕಾರಿಗಳು ಉಪಸ್ಥಿತರಿದ್ದರು. ಸದ್ಯಕ್ಕೆ ಈ ವಾಹನಗಳನ್ನು ಚೆನ್ನೈನ 10 ಪ್ರಮುಖ ಸ್ಥಳಗಳಲ್ಲಿ ಮಾತ್ರ ಸೇವೆಗೆ ನಿಯೋಜಿಸಲಾಗಿದೆ.

90ಕ್ಕೂ ಹೆಚ್ಚು ಹೊಸ ವಾಹನಗಳು ಶೀಘ್ರದಲ್ಲೇ ನಗರದ ಇತರ ಭಾಗಗಳಲ್ಲಿ ಸೇವೆಗೆ ಲಭ್ಯವಾಗಲಿವೆ. ಇದಕ್ಕಾಗಿ 1000ಕ್ಕೂ ಹೆಚ್ಚು ವಾಹನಗಳನ್ನು ಸಿದ್ಧಪಡಿಸಲಾಗಿದೆ ಎಂದು ಹೇಳಲಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈಗ ಬಳಕೆಯಲ್ಲಿರುವ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್'ಗಳನ್ನು ಗಂಟೆಗೆ 25 ಕಿ.ಮೀ ವೇಗದಲ್ಲಿ ಚಾಲನೆ ಮಾಡಬಹುದು. ಈ ವಾಹನವು ಪೂರ್ತಿಯಾಗಿ ಚಾರ್ಜ್ ಆದ ನಂತರ 50 ಕಿ.ಮೀಗಳವರೆಗೆ ಚಲಿಸುತ್ತದೆ.

ಈ ವಾಹನಗಳಿಗೆ ಅತ್ಯಂತ ಕಡಿಮೆ ಬಾಡಿಗೆ ದರವನ್ನು ನಿಗದಿಪಡಿಸಲಾಗಿದೆ. ಹೊಸ ತಲೆಮಾರಿನ ವಾಹನವಾಗಿ ಪರಿಚಯಿಸಲಾದ ಬೈಸಿಕಲ್‌ಗಳು ಚೈನ್'ಗಳಿಲ್ಲದೆ ಚಲಿಸಬಲ್ಲ ಬೈಸಿಕಲ್‌ಗಳಾಗಿವೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಇವುಗಳು ಮೆಗ್ನೀಸಿಯಮ್ ಅಲಾಯ್ ವ್ಹೀಲ್, ಟ್ಯೂಬ್ ಲೆಸ್ ಟಯರ್‌ಗಳಂತಹ ವಿವಿಧ ಫೀಚರ್'ಗಳನ್ನು ಹೊಂದಿವೆ. ಸ್ಮಾರ್ಟ್ ಬೈಕ್ ಕಂಪನಿಯ ಈ ಸೇವೆಯನ್ನು ಕೇವಲ ಸ್ಮಾರ್ಟ್ ಬೈಕ್ ಎಂಬ ಮೊಬೈಲ್ ಅಪ್ಲಿಕೇಷನ್ ಮೂಲಕ ನೀಡಲಾಗುತ್ತದೆ.

ಈ ಅಪ್ಲಿಕೇಷನ್ ಮೂಲಕವೇ ವಾಹನಗಳನ್ನು ಬಾಡಿಗೆಗೆ ಪಡೆಯುವುದು, ಬಳಕೆಯ ನಂತರ ಅವುಗಳನ್ನು ಹಸ್ತಾಂತರಿಸುವುದು, ಬಿಲ್ ಪಾವತಿಸುವುದನ್ನು ಮಾಡಬಹುದಾಗಿದೆ. ಈ ಮೂಲಕ ಪೇಪರ್ ಲೆಸ್ ವಹಿವಾಟಿಗೆ ಆದ್ಯತೆ ನೀಡಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಸ್ಮಾರ್ಟ್ ಬೈಕ್ ಈ ಸೇವೆಯನ್ನು ಚೆನ್ನೈ ಮಾತ್ರವಲ್ಲದೆ ಭಾರತದ ಇತರ ನಗರಗಳಲ್ಲಿಯೂ ನೀಡುತ್ತದೆ. ಸ್ಮಾರ್ಟ್ ಬೈಕ್ ಕಂಪನಿಯ ಬಾಡಿಗೆ ವಾಹನಗಳುದೆಹಲಿ, ಹೈದರಾಬಾದ್ ಹಾಗೂ ಚಂಡೀಗಢಗಳಲ್ಲಿಯೂ ಸೇವೆಯನ್ನು ನೀಡುತ್ತಿವೆ.

ಶೀಘ್ರದಲ್ಲೇ ಇನ್ನಷ್ಟು ನಗರಗಳಲ್ಲಿ ಸೇವೆಯನ್ನು ನೀಡಲು ಕಂಪನಿಯು ಬಯಸಿದೆ. ಚೆನ್ನೈನಲ್ಲಿ ಸೇವೆ ನೀಡುತ್ತಿರುವ ಹೊಸ ತಲೆಮಾರಿನ ಸೈಕಲ್‌ ಹಾಗೂ ಎಲೆಕ್ಟ್ರಿಕ್ಬೈಸಿಕಲ್‌ಗಳಿಂದ ಐಟಿ ಉದ್ಯೋಗಿಗಳಿಗೆ ಹಾಗೂ ಇತರ ಉದ್ಯೋಗಿಗಳಿಗೆ ಹೆಚ್ಚಿನ ಪ್ರಯೋಜನವಾಗಬಹುದೆಂದು ನಿರೀಕ್ಷಿಸಲಾಗಿದೆ.