Just In
- 9 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 10 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 10 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 12 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- News 11 ಕೋಟಿ ಮಹಿಳೆಯರಿಗೆ ಅಡುಗೆ ಅನಿಲ: ಡಾ. ಕೆ. ಸುಧಾಕರ್
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮೊದಲ ಬಾರಿಗೆ ಎಲೆಕ್ಟ್ರಿಕ್ ಸೈಕಲ್ಗಳನ್ನು ರಫ್ತು ಮಾಡಿದ ಹೀರೋ ಸೈಕಲ್ಸ್
ಹೀರೋ ಸೈಕಲ್ಸ್ ತನ್ನ ಮೇಡ್-ಇನ್-ಇಂಡಿಯಾ ಎಲೆಕ್ಟ್ರಿಕ್ ಸೈಕಲ್ಗಳ ಮೊದಲ ಬ್ಯಾಚ್ ಅನ್ನು ಜರ್ಮನಿಗೆ ಕಳುಹಿಸಿದೆ. ಮೊದಲ ಬ್ಯಾಚ್'ನಲ್ಲಿ 200 ಯುನಿಟ್ ಎಲೆಕ್ಟ್ರಿಕ್ ಸೈಕಲ್ಗಳನ್ನು ಕಳುಹಿಸಲಾಗಿದೆ.
ಕಂಪನಿಯು ಮೊದಲ ಬಾರಿಗೆ ಎಲೆಕ್ಟ್ರಿಕ್ ಸೈಕಲ್ಗಳನ್ನು ವಿದೇಶಕ್ಕೆ ರಫ್ತು ಮಾಡಿದೆ. ಭವಿಷ್ಯದಲ್ಲಿ ಯುರೋಪ್ ಮಾರುಕಟ್ಟೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸೈಕಲ್ಗಳನ್ನು ರವಾನಿಸುವ ಮೂಲಕ ಯುರೋಪಿಯನ್ ಯೂನಿಯನ್ (ಇಯು) ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಲು ಕಂಪನಿ ಉದ್ದೇಶಿಸಿದೆ.
2025ರ ವೇಳೆಗೆ ಯುರೋಪಿಯನ್ ಮಾರುಕಟ್ಟೆಯಿಂದ 300 ಮಿಲಿಯನ್ ಯುರೋ ಅಂದರೆ ಸುಮಾರು ರೂ.2,600 ಕೋಟಿ ಗಳಿಸುವುದಾಗಿ ಹೀರೋ ಸೈಕಲ್ಸ್ ನಂಬಿದೆ. ಹೀರೋ ತನ್ನ ಅಂತರರಾಷ್ಟ್ರೀಯ ಬ್ರಾಂಡ್ ಹೆಚ್ಎನ್ಎಫ್ ಅಡಿಯಲ್ಲಿ ಯುರೋಪಿನಲ್ಲಿ ಸೈಕಲ್ಗಳನ್ನು ಮಾರಾಟ ಮಾಡುತ್ತದೆ.
ಹೀರೋ ಸೈಕಲ್ಸ್ ಈ ಸಾಗಣೆಯು ಹೆಚ್ಎಂಸಿಯನ್ನು ಯುರೋಪಿನ ಅತಿದೊಡ್ಡ ಸಂಪೂರ್ಣ ಸಂಯೋಜಿತ ಇ-ಸೈಕಲ್ ಕಂಪನಿಯಾಗಿ ಸ್ಥಾಪಿಸುವ ಮೊದಲ ಹೆಜ್ಜೆಯಾಗಿದೆ ಎಂದು ಹೇಳಿದೆ.
2030ರ ವೇಳೆಗೆ ಯುರೋಪಿನಲ್ಲಿ ಇ-ಸೈಕಲ್ ಮಾರಾಟವು ಸುಮಾರು 15 ಮಿಲಿಯನ್ ಯೂನಿಟ್ಗಳನ್ನು ತಲುಪಲಿದೆ ಎಂದು ಕಂಪನಿ ನಿರೀಕ್ಷಿಸುತ್ತಿದೆ. ಈ ರೀತಿ ರಫ್ತು ಹಾಗೂ ಇ-ಸೈಕಲ್ಗಳ ಮಾರಾಟವನ್ನು ಹೆಚ್ಚಿಸುವ ಮೂಲಕ ಈ ವಿಭಾಗದಲ್ಲಿ ಮಾರುಕಟ್ಟೆ ಪ್ರಾಬಲ್ಯ ಸಾಧಿಸಬಹುದು.
ಹೀರೋ ಸೈಕಲ್ಸ್ ಇಂಟರ್ನ್ಯಾಷನಲ್ನ ಸಿಇಒ ಜೆಫ್ ವೈಸ್ ಮಾತನಾಡಿ, ಉತ್ತಮ ಗುಣಮಟ್ಟದ ಇ-ಸೈಕಲ್ಗಳನ್ನು ಉತ್ಪಾದಿಸಲು ಹೀರೋ ಉತ್ಪಾದನಾ ಸಾಮರ್ಥ್ಯವನ್ನು ಹೆಚ್ಎನ್ಎಫ್ನ ಎಂಜಿನಿಯರಿಂಗ್ ಹಾಗೂ ವಿನ್ಯಾಸ ಪರಿಣತಿಯೊಂದಿಗೆ ಸಂಯೋಜಿಸಲು ನಾವು ಎದುರು ನೋಡುತ್ತಿದ್ದೇವೆ ಎಂದು ಹೇಳಿದರು.
ಲುಧಿಯಾನದಲ್ಲಿರುವ 100 ಎಕರೆ ಸೈಕಲ್ ವ್ಯಾಲಿ ಇದಕ್ಕೆ ಗಮನಾರ್ಹ ಕೊಡುಗೆ ನೀಡಲಿದೆ. ಕರೋನಾ ಸಾಂಕ್ರಾಮಿಕದಿಂದಾಗಿ ಸರಬರಾಜು ಸರಪಳಿಯು ಅಸ್ತವ್ಯಸ್ತಗೊಂಡಿದೆ ಎಂದು ಹೀರೋ ಸೈಕಲ್ಸ್ ಕಂಪನಿ ಹೇಳಿದೆ.
ಕರೋನಾ ವೈರಸ್ ಪೂರೈಕೆಯ ಮೇಲೆ ಪರಿಣಾಮ ಬೀರಿದೆ. ಆದರೆ ಕಂಪನಿಯು ಪೂರೈಕೆ ಸರಪಳಿಯನ್ನು ನವೀಕರಿಸಿದ್ದು, ಬೇಡಿಕೆಯನ್ನು ವೇಗವಾಗಿ ಪೂರೈಸುತ್ತಿದೆ. ಕರೋನಾ ಅವಧಿಯಲ್ಲಿ ಸೈಕಲ್ಗಳು ಹಾಗೂ ಇ-ಸೈಕಲ್ಗಳಿಗೆ ಬೇಡಿಕೆ ಹೆಚ್ಚಾಗಿದೆ ಎಂದು ಕಂಪನಿ ಹೇಳಿದೆ.
ಹೀರೋ ಇ-ಸೈಕಲ್ಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ಹೀರೋ ಸೈಕಲ್ಸ್ ಕಂಪನಿಯು ಲಾಜಿಸ್ಟಿಕ್ಸ್ ನಿರ್ವಹಣೆ ಮತ್ತು ಡಿಜಿಟಲ್ ರೂಪಾಂತರದಲ್ಲಿ ಪರಿಣತಿ ಪಡೆದಿರುವ ಡಿಜಿಟಲ್ ಪೂರೈಕೆ ಸರಪಳಿ ಕಂಪನಿಯಾದ ಹೀರೋ ಸಪ್ಲೈ ಚೈನ್ (ಹೆಚ್ಎಸ್ಸಿ)ಯನ್ನು ಸ್ಥಾಪಿಸಿದೆ.
ಹೀರೋ ಸೈಕಲ್ಸ್ ವರ್ಷಕ್ಕೆ 60 ಲಕ್ಷ ಯುನಿಟ್ ಸೈಕಲ್ಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಕಂಪನಿಯು ಪಂಜಾಬಿನ ಲುಧಿಯಾನ, ಉತ್ತರ ಪ್ರದೇಶದ ಗಾಜಿಯಾಬಾದ್ ಹಾಗೂ ಬಿಹಾರದ ಬಿಹ್ತಾಗಳಲ್ಲಿರುವ ಉತ್ಪಾದನಾ ಘಟಕಗಳಲ್ಲಿ ಸೈಕಲ್ಗಳನ್ನು ಉತ್ಪಾದಿಸುತ್ತದೆ.
ಹೀರೋ ಸೈಕಲ್ಸ್ ಕಂಪನಿಯು ಇಂಗ್ಲೆಂಡಿನಲ್ಲಿ ವಿನ್ಯಾಸ ಕೇಂದ್ರವನ್ನು ಸಹ ಹೊಂದಿದೆ. ಇದರ ಜೊತೆಗೆ ಶ್ರೀಲಂಕಾದಲ್ಲಿ ಅತ್ಯಾಧುನಿಕ ಉತ್ಪಾದನಾ ಸೌಲಭ್ಯವನ್ನು ಸಹ ಹೊಂದಿದೆ.