ಶೀಘ್ರದಲ್ಲೇ ಬಂದ್ ಆಗಲಿದೆ ಲ್ಯಾಂಬ್ರೆಟ್ಟಾ, ವಿಜಯ್ ಸೂಪರ್ ಸ್ಕೂಟರ್ ತಯಾರಕ ಕಂಪನಿ

ಈ ಕಂಪನಿಯನ್ನು ಮುಚ್ಚುವ ಪ್ರಸ್ತಾಪಕ್ಕೆ ಕೇಂದ್ರ ಸಚಿವ ಸಂಪುಟವು ಅನುಮೋದನೆಯನ್ನು ನೀಡಿದೆ. ಮೂಲಗಳ ಪ್ರಕಾರ, ಬುಧವಾರ ನಡೆದ ಸಭೆಯಲ್ಲಿ ಲಕ್ನೋ ಮೂಲದ ಸ್ಕೂಟರ್ಸ್ ಇಂಡಿಯಾ ಲಿಮಿಟೆಡ್ ಕಂಪನಿಯನ್ನು ಮುಚ್ಚಲು ಆರ್ಥಿಕ ವ್ಯವಹಾರಗಳ ಕ್ಯಾಬಿನೆಟ್ ಸಮಿತಿಯು ಅನುಮೋದನೆ ನೀಡಿದೆ.

ಸ್ಕೂಟರ್ಸ್ ಇಂಡಿಯಾದ ಜನಪ್ರಿಯ ಸ್ಕೂಟರ್'ಗಳು

ಲ್ಯಾಂಬ್ರೆಟ್ಟಾ, ವಿಜಯ್ ಸೂಪರ್ ನಂತಹ ಜನಪ್ರಿಯ ಸ್ಕೂಟರ್'ಗಳನ್ನು ಮಾರಾಟ ಮಾಡುವ ಸ್ಕೂಟರ್ಸ್ ಇಂಡಿಯಾದ ಬ್ರಾಂಡ್ ಹೆಸರನ್ನು ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುವುದು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ವಿಕ್ರಮ್ ಬ್ರಾಂಡ್ ಅಡಿಯಲ್ಲಿ ಕಂಪನಿಯು ಹಲವಾರು ರೀತಿಯ ತ್ರಿಚಕ್ರ ವಾಹನಗಳನ್ನು ತಯಾರಿಸುತ್ತದೆ. ಕಂಪನಿಯನ್ನು ಮುಚ್ಚುವ ಪ್ರಸ್ತಾಪಕ್ಕೆ ಸರ್ಕಾರವು ಅನುಮೋದನೆಯನ್ನು ನೀಡಿದ ನಂತರ ಭಾರೀ ಕೈಗಾರಿಕಾ ಇಲಾಖೆಯು ಕಂಪನಿಯನ್ನು ಮುಚ್ಚುವ ಪ್ರಕ್ರಿಯೆಯನ್ನು ಆರಂಭಿಸಲಿದೆ.

ಕಂಪನಿಯನ್ನು ಮುಚ್ಚಲು ರೂ.65 ಕೋಟಿ

ಸ್ಕೂಟರ್ಸ್ ಇಂಡಿಯಾ ಕಂಪನಿಯನ್ನು ಮುಚ್ಚಲು ಕೇಂದ್ರ ಸರ್ಕಾರವು ರೂ.65.12 ಕೋಟಿಗಳನ್ನು ನೀಡಲಿದೆ. ಕೇಂದ್ರ ಸರ್ಕಾರವು ಈ ಮೊತ್ತವನ್ನು ಕಂಪನಿಗೆ ಸಾಲ ರೂಪದಲ್ಲಿ ನೀಡಲಿದ್ದು, ಅದರ ಮೇಲೆ ಬಡ್ಡಿ ಕೂಡ ವಿಧಿಸಲಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಕಂಪನಿಯನ್ನು ಮುಚ್ಚುವ ಪ್ರಸ್ತಾವನೆಯಡಿಯಲ್ಲಿ ಹಣವು ಲಭ್ಯವಾದ ನಂತರ ಸ್ವಯಂಪ್ರೇರಿತ ನಿವೃತ್ತಿ ಯೋಜನೆ / ಸ್ವಯಂಪ್ರೇರಿತ ಪ್ರತ್ಯೇಕತೆ ಯೋಜನೆಯಡಿಯಲ್ಲಿ (ವಿಆರ್​ಎಸ್ / ವಿಎಸ್ಎಸ್) ಕಂಪನಿಯ ಕಾಯಂ ಉದ್ಯೋಗಿಗಳಿಗೆ ನೀಡಲಾಗುವುದು. ಕಂಪನಿಯ ಲಕ್ನೋ ಪ್ರಧಾನ ಕಚೇರಿಯಲ್ಲಿ ಸುಮಾರು 100 ಉದ್ಯೋಗಿಗಳಿದ್ದಾರೆ.

ಮಾಹಿತಿಯ ಪ್ರಕಾರ ವಿಆರ್​ಎಸ್ / ವಿಎಸ್ಎಸ್ ಆಯ್ಕೆ ಮಾಡಿಕೊಳ್ಳದ ನೌಕರರನ್ನು ಕೈಗಾರಿಕಾ ವಿವಾದ ಕಾಯ್ದೆ 1947ರ ಅಡಿಯಲ್ಲಿ ಕೆಲಸದಿಂದ ತೆಗೆದುಹಾಕಲಾಗುತ್ತದೆ. ಕಂಪನಿಯ 147.49 ಎಕರೆ ಭೂಮಿಯನ್ನು ಸೂಕ್ತವಾದ ಬೆಲೆಗೆ ಉತ್ತರ ಪ್ರದೇಶ ರಾಜ್ಯ ಕೈಗಾರಿಕಾ ಅಭಿವೃದ್ಧಿ ಪ್ರಾಧಿಕಾರಕ್ಕೆ ಮಾರಾಟ ಮಾಡಲಾಗುವುದು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಎಲ್ಲಾ ಪ್ರಕ್ರಿಯೆಗಳಿಗೆ ಹೆಚ್ಚಿನ ಸಮಯ ತೆಗೆದುಕೊಳ್ಳುವ ಸಾಧ್ಯತೆಗಳಿವೆ. ಕಂಪನಿ ಕಾಯ್ದೆಯಡಿ, ಅದರ ಎಲ್ಲಾ ಷೇರುಗಳನ್ನು ಮುಚ್ಚುವ ಮೊದಲು ಷೇರು ಮಾರುಕಟ್ಟೆಯಿಂದ ಹಿಂಪಡೆಯಲಾಗುತ್ತದೆ.

ಕಂಪನಿಯನ್ನು ಉಳಿಸಿಕೊಳ್ಳಲು ಕೇಂದ್ರ ಸರ್ಕಾರವು ಪಾಲುದಾರರನ್ನು ಹುಡುಕುತ್ತಿತ್ತು. ಆದರೆ ಯಾವುದೇ ಪ್ರಯೋಜನವಾಗಲಿಲ್ಲ. ಈ ಕಾರಣದಿಂದಾಗಿ ಅಂತಿಮವಾಗಿ ಕಂಪನಿಯನ್ನು ಮುಚ್ಚುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಸ್ಕೂಟರ್ಸ್ ಇಂಡಿಯಾ ಲಿಮಿಟೆಡ್ ಕಂಪನಿಯನ್ನು 1972ರಲ್ಲಿ ತ್ರಿಚಕ್ರ ವಾಹನ ತಯಾರಕ ಕಂಪನಿಯನ್ನಾಗಿ ಆರಂಭಿಸಲಾಯಿತು. 1975ರಲ್ಲಿ ಕಂಪನಿಯು ವಾಣಿಜ್ಯ ಸ್ಕೂಟರ್'ಗಳ ತಯಾರಿಕೆಯನ್ನು ಆರಂಭಿಸಿತು.

ಈ ಸ್ಕೂಟರ್‌ಗಳನ್ನು ಲ್ಯಾಂಬ್ರೆಟ್ಟಾ ಹೆಸರಿನಲ್ಲಿ ರಫ್ತು ಮಾಡಲಾದರೆ, ಭಾರತದಲ್ಲಿ ಅವುಗಳನ್ನು ವಿಜಯ್ ಸೂಪರ್ ಹೆಸರಿನಲ್ಲಿ ಮಾರಾಟ ಮಾಡಲಾಯಿತು. 1997ರಲ್ಲಿ ಕಂಪನಿಯು ದ್ವಿಚಕ್ರ ವಾಹನ ತಯಾರಿಕೆಯನ್ನು ಸ್ಥಗಿತಗೊಳಿಸಿತು.