ಮಾರುತಿಯಿಂದ ಟಾಟಾವರೆಗೆ ಭಾರತದಲ್ಲಿ ಅತಿಹೆಚ್ಚು ಮೈಲೇಜ್ ನೀಡುವ 6 ಎಸ್‌ಯುವಿಗಳು

ಪ್ರಸ್ತುತ ಉತ್ತಮ ಇಂಧನ ದಕ್ಷತೆ ಹೊಂದಿರುವ ಕಾರುಗಳನ್ನು ನೋಡುವುದಾದರೆ ಈ ಪಟ್ಟಿಯಲ್ಲಿ ಟೊಯೊಟಾ ಅರ್ಬನ್ ಕ್ರೂಸರ್ ಹೈರೈಡರ್ ಮತ್ತು ಗ್ರ್ಯಾಂಡ್ ವಿಟಾರಾಗಳಿದ್ದು, ಇವೆರಡೂ ಕಾರುಗಳು ಭಾರತದಲ್ಲಿ ಅತಿಹೆಚ್ಚು ಇಂಧನ-ಸಮರ್ಥ SUVಗಳಾಗಿವೆ.

ದೇಶೀಯ ಗ್ರಾಹಕರಿಗೆ ಎಸ್‌ಯುವಿಗಳು ಅಚ್ಚುಮೆಚ್ಚಾಗಿರುವುದರಿಂದ ಹೆಚ್ಚಿನ ಕಾರು ಬ್ರ್ಯಾಂಡ್‌ಗಳು ಪ್ರಸ್ತುತ ದೇಶದಲ್ಲಿ ತಮ್ಮ ಬಂಡವಾಳವನ್ನು ವಿಸ್ತರಿಸುತ್ತಿವೆ. ನೀವು ಶೀಘ್ರದಲ್ಲೇ ಹೊಸ SUV ಅನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ನೀವು ಪರಿಶೀಲಿಸಬೇಕಾದ ಭಾರತದಲ್ಲಿನ ಅತ್ಯಂತ ಇಂಧನ-ಸಮರ್ಥ SUVಗಳನ್ನು ಇಲ್ಲಿ ಪರಿಶೀಲಿಸಬಹುದು.

1. ಮಾರುತಿ ಗ್ರ್ಯಾಂಡ್ ವಿಟಾರಾ ಹೈಬ್ರಿಡ್ (ಮೈಲೇಜ್ 27.97 kmpl)

ಮಾರುತಿ ಸುಜುಕಿ ಗ್ರಾಂಡ್ ವಿಟಾರಾ ಹೈಬ್ರಿಡ್ ಮಾದರಿಯು ಪ್ರಸ್ತುತ ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಂತ ಇಂಧನ-ಸಮರ್ಥ SUV ಆಗಿದೆ. ಇದು 1.5L ಅಟ್ಕಿನ್ಸನ್ ಸೈಕಲ್ TNGA ಪೆಟ್ರೋಲ್ ಪವರ್‌ಟ್ರೇನ್‌ನೊಂದಿಗೆ ಬರುತ್ತದೆ. ಈ ಎಂಜಿನ್ 115 bhp ಯ ಗರಿಷ್ಠ ಶಕ್ತಿಯನ್ನು ಉತ್ಪಾದಿಸಬಲ್ಲದು. ಜೊತೆಗೆ ಇದು e-CVT ಗೇರ್‌ಬಾಕ್ಸ್‌ಗೆ ಹೊಂದಿಕೆಯಾಗುತ್ತದೆ.

ಮಾರುತಿ ಸುಜುಕಿ ಕಂಪನಿಯು ಗ್ರ್ಯಾಂಡ್ ವಿಟಾರಾ ಹೈಬ್ರಿಡ್ ಅನ್ನು ಝೀಟಾ + ಮತ್ತು ಆಲ್ಫಾ + ಎಂಬ ಎರಡು ಟ್ರಿಮ್ ಆಯ್ಕೆಗಳಲ್ಲಿ ನೀಡುತ್ತಿದೆ. ಇವೆರಡರ ಕುರಿತು ಸಂಕ್ಷಿಪ್ತ ಮಾಹಿತಿಯನ್ನು ಡ್ರೈವ್‌ಸ್ಪಾರ್ಕ್ ಕನ್ನಡದಲ್ಲಿ ವಿವರಿಸಲಾಗಿದೆ. ನಮ್ಮ ವೆಬ್‌ ತಾಣಕ್ಕೆ ಭೇಟಿ ನೀಡಿ ಮತ್ತಷ್ಟು ಮಾಹಿತಿಯನ್ನು ಪಡೆಯಬಹುದು.

2. ಟೊಯೋಟಾ ಅರ್ಬನ್ ಕ್ರೂಸರ್ ಹೈರಿಡರ್ (ಮೈಲೇಜ್ 27.97 kmpl)

ಟೊಯೊಟಾ ಅರ್ಬನ್ ಕ್ರೂಸರ್ ಹೈರೈಡರ್ ಕೂಡ ಇದೇ ರೀತಿಯ ಮೈಲ್ ನೀಡುತ್ತದೆ. ಏಕೆಂದರೆ ಇದು ಗ್ರ್ಯಾಂಡ್ ವಿಟಾರಾದಂತೆ ಪವರ್‌ಟ್ರೇನ್ ಆಯ್ಕೆಗಳನ್ನು ಹೊಂದಿದೆ. ಇನ್ನು SUV ಪ್ರತಿಸ್ಪರ್ಧಿಗಳಾದ ಹ್ಯುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್, VW ಟೈಗುನ್, ಸ್ಕೋಡಾ ಕುಶಾಕ್ ಮತ್ತು ಹೆಚ್ಚಿನವುಗಳಿಗೆ ಪ್ರಬಲ ಸ್ಪರ್ಧೆಯನ್ನು ನೀಡುತ್ತದೆ. ಜೊತೆಗೆ ಇದರ ವೈಶಿಷ್ಟ್ಯ-ಸಮೃದ್ಧ ಕ್ಯಾಬಿನ್ ಮತ್ತು ಆಕ್ರಮಣಕಾರಿ ಸ್ಟೈಲಿಂಗ್ ಅನ್ನು ಸಹ ನೀಡುತ್ತದೆ.

3. ಕಿಯಾ ಸಾನೆಟ್ ಡೀಸೆಲ್ (ಮೈಲೇಜ್ 24.1 kmpl)

ಕಿಯಾ ಸೋನೆಟ್ ಮಾದರಿಯು ಮಾರುಕಟ್ಟೆಯಲ್ಲಿ ಹ್ಯುಂಡೈ ವೆನ್ಯೂ, ಟಾಟಾ ನೆಕ್ಸಾನ್ ಮತ್ತು ಇತರ ಕಾಂಪ್ಯಾಕ್ಟ್ ಎಸ್‌ಯುವಿಗಳಂತಹ ಪ್ರತಿಸ್ಪರ್ಧಿಗಳಿಗೆ ಸವಾಲು ಹಾಕುತ್ತಿದೆ. ಇದನ್ನು ಕಂಪನಿಯು 1.2L NA ಪೆಟ್ರೋಲ್ ಎಂಜಿನ್, 1.0L ಟರ್ಬೋಚಾರ್ಜ್ಡ್ ಪೆಟ್ರೋಲ್ ಮತ್ತು 1.5L ಡೀಸೆಲ್ ಎಂಜಿನ್ ಎಂಬ ಮೂರು ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತಿದೆ.

ಡೀಸೆಲ್ ಮ್ಯಾನುವಲ್ ರೂಪಾಂತರಗಳು 24.1 kmpl ನಷ್ಟು ಮೈಲೇಜ್ ನೀಡುತ್ತವೆ. ಸೋನೆಟ್ ಡೀಸೆಲ್ ಬೆಲೆ ರೂ 9.05 ಲಕ್ಷದಿಂದ ಪ್ರಾರಂಭವಾಗುತ್ತದೆ (ಎಕ್ಸ್ ಶೋ ರೂಂ, ದೆಹಲಿ). ಈ ಕಾರು ಕಿಯಾ ಕಂಪನಿಗೆ ಉತ್ತಮ ಮಾರಾಟವನ್ನು ತಂದುಕೊಟ್ಟ ಕಾರಾಗಿದೆ.

4. ಹುಂಡೈ ವೆನ್ಯೂ ಡೀಸೆಲ್ (ಮೈಲೇಜ್ 23.4 kmpl)

ಹುಂಡೈ ವೆನ್ಯೂ ಪ್ರಸ್ತುತ ಭಾರತದಲ್ಲಿ ಹೆಚ್ಚು ಮಾರಾಟವಾಗುವ SUV ಗಳಲ್ಲಿ ಒಂದಾಗಿದೆ. ಇದನ್ನು ಬಹು ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ವೆನ್ಯೂ ಡೀಸೆಲ್ 23.4 kmpl ನಷ್ಟು ಮೈಲೇಜ್ ನೀಡುತ್ತದೆ. ಇದರ ಆರಂಭಿಕ ಬೆಲೆ ರೂ. 10 ಲಕ್ಷದಿಂದ (ಎಕ್ಸ್ ಶೋ ರೂಂ, ದೆಹಲಿ) ಆರಂಭವಾಗುತ್ತದೆ. ಇದರ ಡೀಸೆಲ್ ಎಂಜಿನ್ 99 bhp ಪವರ್ ಮತ್ತು 240 Nm ಟಾರ್ಕ್ ಗರಿಷ್ಠ ಶಕ್ತಿಯನ್ನು ಹೊರಹಾಕುತ್ತದೆ.

5. ಟಾಟಾ ನೆಕ್ಸನ್ ಡೀಸೆಲ್ (ಮೈಲೇಜ್ 21.5 kmpl)

ಟಾಟಾ ನೆಕ್ಸಾನ್ ಡೀಸೆಲ್ ಕೇವಲ ಇಂಧನ-ಸಮರ್ಥವಲ್ಲ, ಇದರ ಜೊತೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಸುರಕ್ಷಿತವಾದ SUV ಗಳಲ್ಲಿ ಒಂದಾಗಿದೆ. ಇದರ ಡೀಸೆಲ್ ಆಟೋಮ್ಯಾಟಿಕ್ ರೂಪಾಂತರಗಳು 21.5 kmpl ನಷ್ಟು ಮೈಲೇಜ್ ನೀಡುತ್ತವೆ. ಇದರ ಗರಿಷ್ಠ ಪವರ್ ಉತ್ಪಾದನೆಯು 110 bhp ಆಗಿದೆ.

6. ಹುಂಡೈ ಕ್ರೆಟಾ ಡೀಸೆಲ್ (ಮೈಲೇಜ್ 21.4 kmpl)

ಹ್ಯುಂಡೈ ಕ್ರೆಟಾ ಭಾರತೀಯ ಮಾರುಕಟ್ಟೆಯಲ್ಲಿ ಮಧ್ಯಮ ಗಾತ್ರದ SUV ಆಗಿದೆ. ಇದನ್ನು ಮೂರು ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ಇದರಲ್ಲಿ ಡೀಸೆಲ್ ಎಂಜಿನ್ ಅತ್ಯುತ್ತಮ ಇಂಧನ ಆರ್ಥಿಕತೆಯ ಅಂಕಿಅಂಶಗಳನ್ನು ನೀಡುತ್ತದೆ. ಈ ಎಂಜಿನ್ 115 bhp ಯ ಗರಿಷ್ಠ ಪವರ್ ಔಟ್‌ಪುಟ್ ನೀಡುತ್ತದೆ.

ಹುಂಡೈ ಕ್ರೆಟಾ ಮ್ಯಾನ್ಯುವಲ್ ಜೊತೆಗೆ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಅನ್ನು ಹೊಂದಬಹುದು. ದಕ್ಷ ಡೀಸೆಲ್ ಎಂಜಿನ್ ಜೊತೆಗೆ, ಕ್ರೆಟಾ ಡೀಸೆಲ್ ಬಲವಾದ ಬಾಹ್ಯ ವಿನ್ಯಾಸ, ವೈಶಿಷ್ಟ್ಯ-ಸಮೃದ್ಧ ಕ್ಯಾಬಿನ್ ಮತ್ತು ಖರೀದಿದಾರರನ್ನು ಆಕರ್ಷಿಸಲು ಪ್ರಾಯೋಗಿಕ ಪ್ಯಾಕೇಜ್ ಅನ್ನು ಸಹ ನೀಡುತ್ತದೆ.