Click it and Unblock the Notifications
2022ರ ಸಿಬಿಆರ್650ಆರ್ ಸೂಪರ್ ಬೈಕ್ ಬಿಡುಗಡೆ ಮಾಡಿದ ಹೋಂಡಾ ಮೋಟಾರ್ಸೈಕಲ್
ಹೋಂಡಾ ಮೋಟಾರ್ಸೈಕಲ್ ಕಂಪನಿಯು ಭಾರತದಲ್ಲಿ 2022ರ ಸಿಬಿಆರ್650ಆರ್ ಮಧ್ಯಮ ಕ್ರಮಾಂಕದ ಸೂಪರ್ ಬೈಕ್ ಮಾದರಿಯನ್ನು ಬಿಡುಗಡೆ ಮಾಡಿದ್ದು, ಹೊಸ ಬೈಕ್ ಕೆಲವು ಪ್ರಮುಖ ಫೀಚರ್ಸ್ ಬದಲಾವಣೆಯೊಂದಿಗೆ ದೇಶಿಯ ಮಾರುಕಟ್ಟೆ ಪ್ರವೇಶಿಸಿದೆ.
ವಿಶ್ವ ಪ್ರಸಿದ್ಧ ಮೋಟಾರ್ಸೈಕಲ್ ಮಾದರಿಗಳಲ್ಲಿ ಸಿಬಿಆರ್650ಆರ್ ಸೂಪರ್ ಬೈಕ್ ಕೂಡಾ ಒಂದಾಗಿದ್ದು, ಇದು ಮಧ್ಯಮ ಕ್ರಮಾಂಕದ ಸ್ಪೋರ್ಟ್ಸ್ ಬೈಕ್ ಆವೃತ್ತಿಗಳ ಮಾರಾಟದಲ್ಲಿ ಮುಂಚೂಣಿಯಲ್ಲಿದೆ. ಹೊಸ ಬೈಕ್ ಮಾದರಿಯು ದೆಹಲಿ ಎಕ್ಸ್ಶೋರೂಂ ಪ್ರಕಾರ ರೂ. 9.35 ಲಕ್ಷ ಬೆಲೆ ಹೊಂದಿದ್ದು, ಹೋಂಡಾ ಕಂಪನಿಯ ತನ್ನ ಬಿಗ್ವಿಂಗ್ ಶೋರೂಂ ಮೂಲಕ ಮಾರಾಟಗೊಳಿಸಿದೆ.
ಹೋಂಡಾ ಮೋಟಾರ್ಸೈಕಲ್ ಕಂಪನಿಯು ಭಾರತದಲ್ಲಿ ಎರಡು ಮಾದರಿಯ ದ್ವಿಚಕ್ರ ವಾಹನಗಳ ಮಾರಾಟ ಸೌಲಭ್ಯ ಹೊಂದಿದ್ದು, 250ಸಿಸಿ ಒಳಗಿನ ಬೈಕ್ ಮಾದರಿಗಳನ್ನು ಸಾಮಾನ್ಯ ಶೋರೂಂಗಳಲ್ಲಿ ಮತ್ತು ಅದಕ್ಕಿಂತ ಮೇಲ್ಪಟ್ಟ ಪ್ರೀಮಿಯಂ ಬೈಕ್ ಮಾದರಿಗಳನ್ನು ಬಿಗ್ವಿಂಗ್ ಶೋರೂಂಗಳ ಮೂಲಕ ಮಾರಾಟಗೊಳಿಸುತ್ತಿದೆ.
ಸದ್ಯ ಬಿಡುಗಡೆಯಾಗಿರುವ 2022ರ ಸಿಬಿಆರ್650ಆರ್ ಸೂಪರ್ ಬೈಕ್ ಮಾದರಿಯು ಬಿಗ್ವಿಂಗ್ ಶೋರೂಂಗಳಲ್ಲಿ ಮಾತ್ರ ಖರೀದಿಗೆ ಲಭ್ಯವಿದ್ದು, ಹೊಸ ಬೈಕ್ ಮಾದರಿಗೆ ಕಂಪನಿಯು ಈಗಾಗಲೇ ಅಧಿಕೃತ ಬುಕ್ಕಿಂಗ್ ಕೂಡಾ ಆರಂಭಿಸಿದೆ.
ಸಂಪೂರ್ಣವಾಗಿ ವಿದೇಶಿ ಮಾರುಕಟ್ಟೆಯಿಂದ ಆಮದುಗೊಳ್ಳುವ ಹೋಂಡಾ ಸಿಬಿಆರ್650ಆರ್ ಮಾದರಿಯು ಈಗಾಗಲೇ ಭಾರತದಲ್ಲಿ ಹೆಚ್ಚು ಮಾರಾಟಗೊಂಡ ಮಾದರಿಯಾಗಿದ್ದು, ಹೆಚ್ಚಿನ ಮಟ್ಟದ ಪರ್ಫಾಮೆನ್ಸ್ ಮೂಲಕ ಅತ್ಯಂತ ಸ್ಪೋರ್ಟಿ ಬೈಕ್ ಮಾದರಿಯಾಗಿ ಗುರುತಿಸಿಕೊಂಡಿದೆ.
ಹೊಸ ಬೈಕ್ ಮಾದರಿಯು ಭಾರತದಲ್ಲಿ ಬಿಡುಗೊಂಡ ನಂತರ ಹಲವಾರು ಬದಲಾವಣೆಗಳೊಂದಿಗೆ ಮಾರಾಟಗೊಳ್ಳುತ್ತಿದ್ದು, ಇದೀಗ 2022ರ ಮಾದರಿಯೊಂದಿಗೆ ಗಮನಾರ್ಹ ಬದಲಾವಣೆ ಕಂಡಿದೆ.
2022ರ ಸಿಬಿಆರ್650ಆರ್ ಆವೃತ್ತಿಯು ಮ್ಯಾಟ್ ಗನ್ಪೌಡರ್ ಜೊತೆ ಕಪ್ಪು ಮೆಟಾಲಿಕ್ ಮತ್ತು ಗ್ರ್ಯಾಂಡ್ ಪ್ರಿಕ್ಸ್ ಕೆಂಪು ಬಣ್ಣದಲ್ಲಿ ಹೊಸ ಸ್ಪೋರ್ಟಿ ಗ್ರಾಫಿಕ್ಸ್ ಪಡೆದುಕೊಂಡಿದ್ದು, ಕೆಲವು ಕಾಸ್ಮೆಟಿಕ್ ಟ್ವೀಕ್ಗಳನ್ನು ಪಡೆದುಕೊಂಡಿದೆ.
ಹೊಸ ಬೈಕ್ ಮಾದರಿಯು ಬ್ರ್ಯಾಂಡ್ನ ಸಿಬಿಆರ್650ಆರ್, ಸಿಬಿಆರ್1000ಆರ್ಆರ್ ಫೈರ್ಬ್ಲೇಡ್ನಿಂದ ಸ್ಫೂರ್ತಿ ಪಡೆದಿದ್ದು, 2022ರ ಮಾದರಿಯು 648.72 ಸಿಸಿ, ನಾಲ್ಕು-ಸಿಲಿಂಡರ್, DOHC 16-ವಾಲ್ವ್ ಲಿಕ್ವಿಡ್-ಕೂಲ್ಡ್ ಎಂಜಿನ್ನಿಂದ ಚಾಲಿತವಾಗಿದೆ.
648.72 ಸಿಸಿ ಎಂಜಿನ್ ಮಾದರಿಯು 12,000 ಆರ್ಪಿಎಂನಲ್ಲಿ 86 ಬಿಎಚ್ಪಿ ಮತ್ತು 8,500 ಆರ್ಪಿಎಂನಲ್ಲಿ 57.5 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದ್ದು, ಬೈಕ್ನ ನಾಲ್ಕು ಸಿಲಿಂಡರ್ ಎಂಜಿನ್ ಅನ್ನು ಆರು ಸ್ಪೀಡ್ ಗೇರ್ಬಾಕ್ಸ್ನೊಂದಿಗೆ ಸ್ಲಿಪ್ಪರ್ ಅಸಿಸ್ಟ್ ಕ್ಲಚ್ನೊಂದಿಗೆ ಜೋಡಿಸಲಾಗಿದೆ.
ಹಾಗೆಯೇ ಮರುವಿನ್ಯಾಸಗೊಳಿಸಲಾದ ಮಫ್ಲರ್ನೊಂದಿಗೆ, ಎಂಜಿನ್ನ ಸುತ್ತಲೂ ನಾಲ್ಕು ಎಕ್ಸಾಸ್ಟ್ ಡೌನ್ಪೈಪ್ಗಳನ್ನು ಜೋಡಿಸಲಾಗಿದ್ದು, ಪ್ರತ್ಯೇಕ ಫೋರ್ಕ್ ಫಂಕ್ಷನ್ ಬಿಗ್ ಪಿಸ್ಟನ್ (SFF-BP) ಶೋ ಮೊನೊ-ಶಾಕ್ನೊಂದಿಗೆ ಕೆಳಮುಖವಾದ ಫೋರ್ಕ್ಗಳನ್ನು ಅವಲಂಬಿಸಿದೆ.
ಇದರೊಂದಿಗೆ ಸಿಸ್ಟಮ್ ಬಲ ಮತ್ತು ಎಡ ಫೋರ್ಕ್ಗಳ ಮೇಲೆ ಡ್ಯಾಂಪಿಂಗ್ ಯಾಂತ್ರಿಕ ಮತ್ತು ಸ್ಪ್ರಿಂಗ್ಗಳನ್ನು ಸಂಯೋಜಿಸಲಿದ್ದ, ಬ್ರೇಕಿಂಗ್ ಸಿಸ್ಟಂನಲ್ಲಿ ಡ್ಯುಯಲ್ 310 ಎಂಎಂ ಫ್ರಂಟ್ ಡಿಸ್ಕ್ ಬ್ರೇಕ್ಗಳನ್ನು ಮತ್ತು ಡ್ಯುಯಲ್-ಚಾನೆಲ್ ಎಬಿಎಸ್ನೊಂದಿಗೆ ಸಿಂಗಲ್ 240 ಎಂಎಂ ಹಿಂಭಾಗದ ಡಿಸ್ಕ್ ಬ್ರೇಕ್ಗಳನ್ನು ಬಳಸುತ್ತದೆ.
ಆದರೆ ಹೊಸ ಮಾದರಿಯ ವೈಶಿಷ್ಟ್ಯದ ಪಟ್ಟಿಗಳಿಗೆ ಯಾವುದೇ ದೊಡ್ಡ ಬದಲಾವಣೆಗಳನ್ನು ಮಾಡಲಾಗಿಲ್ಲವಾದರೂ ಪೂರ್ಣ ಡಿಜಿಟಲ್ ಉಪಕರಣ ಫಲಕ, ಹೋಂಡಾ ಇಗ್ನಿಷನ್ ಸೆಕ್ಯುರಿಟಿ ಸಿಸ್ಟಮ್ (HISS) ಮತ್ತು ಹೋಂಡಾ ಸೆಲೆಕ್ಟಬಲ್ ಟಾರ್ಕ್ ಕಂಟ್ರೋಲ್ (HSTC) ಯನ್ನು ಜೋಡಿಸಲಾಗಿದ್ದು, ಹಿಂದಿನ ಚಕ್ರದ ಮೇಲೆ ಸ್ಲಿಪ್ ಆಗುವುದನ್ನು ತಡೆಯಲು ಹಿಂದಿನ ಚಕ್ರದಲ್ಲಿ ಟಾರ್ಕ್ ಅನ್ನು ಅತ್ಯುತ್ತಮವಾಗಿಸಲು ಇದು ಎಂಜಿನ್ ಶಕ್ತಿಯನ್ನು ಸರಿಹೊಂದಿಸುತ್ತದೆ.
ಇದಲ್ಲದೆ ಹೊಸ ಬೈಕ್ನಲ್ಲಿ ಡ್ಯುಯಲ್ ಎಲ್ಇಡಿ ಹೆಡ್ಲೈಟ್ಗಳು, ಟೈಲ್ಲೈಟ್ಗಳು ಮತ್ತು ಎಲ್ಸಿಡಿ ಇನ್ಸ್ಟ್ರುಮೆಂಟ್ ಪ್ಯಾನೆಲ್ನಂತಹ ವೈಶಿಷ್ಟ್ಯಗಳು ಸಹ ಲಭ್ಯವಿದ್ದು, ಪಟ್ಟೆಗಳ ಬಣ್ಣದಲ್ಲಿನ ಸೂಕ್ಷ್ಮ ಬದಲಾವಣೆಯು ಹೊಸ ಬೈಕ್ ಮಾದರಿಯ ವಾಯುಬಲವಿಜ್ಞಾನ ಮತ್ತು ಅಲ್ಟ್ರಾ-ಶಾರ್ಪ್ ಆಕರ್ಷಣೆಯನ್ನು ಹೆಚ್ಚಿಸುತ್ತದೆ.
ಇನ್ನು ಹೊಸ ಬೈಕ್ ಮಾದರಿಯು 2128 ಎಂಎಂ ಉದ್ದ, 749 ಎಂಎಂ ಅಗಲ ಮತ್ತು 1149 ಎಂಎಂ ಎತ್ತರ, 1449 ಎಂಎಂ ವೀಲ್ಬೇಸ್, 132 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್, 211 ಕೆಜಿ ತೂಕ, 635 ಎಂಎಂ ಸೀಟ್ ಎತ್ತರ ಮತ್ತು 15.4 ಲೀಟರ್ ಇಂಧನ ಟ್ಯಾಂಕ್ ಸಾಮರ್ಥ್ಯದೊಂದಿಗೆ ಅತ್ಯುತ್ತಮ ಹಿಡಿತ ಹೊಂದಿದೆ.
Continue with Google