ಅತ್ಯಂತ ಕಡಿಮೆ ಬೆಲೆಯಲ್ಲಿ ಹೋಂಡಾ ಶೈನ್ 100 ಬೈಕ್ ಕೆಲ ರಾಜ್ಯಗಳಲ್ಲಿ ಬಿಡುಗಡೆ

ಭಾರತದಲ್ಲಿನ ಮಾರಾಟ ಪಟ್ಟಿಯಲ್ಲಿ ನಂ.1 ಸ್ಥಾನವನ್ನು ಪಡೆದುಕೊಂಡಿದ್ದ ಹೀರೋ ಸ್ಪ್ಲೆಂಡರ್ ಬೈಕಿಗೆ ಹೋಂಡಾ ಶೈನ್ 100cc ರೂಪದಲ್ಲಿ ಹೊಸ ಪ್ರತಿಸ್ಪರ್ಧಿಯಾಗಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ (HMS) ಇತ್ತೀಚೆಗೆ ಶೈನ್ 100 ಬೈಕ್ ಅನ್ನು ರೂ,64,900 (ಎಕ್ಸ್ ಶೋ ರೂಂ, ಮಹಾರಾಷ್ಟ್ರ) ಬೆಲೆಗೆ ಬಿಡುಗಡೆ ಮಾಡಿದೆ.

ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ ಕಂಪನಿಯು ಇದೀಗ ತನ್ನ 100cc ಕಮ್ಯೂಟರ್ ಬೈಕ್ ಆದ ಹೋಂಡಾ ಶೈನ್ ಬೈಕ್ ಅನ್ನು ರಾಜಸ್ಥಾನ, ಉತ್ತರ ಪ್ರದೇಶ ಮತ್ತು ಬಿಹಾರದಲ್ಲಿ ರೂ 62,900 (ಎಕ್ಸ್ ಶೋ ರೂಂ) ಬೆಲೆಯಲ್ಲಿ ಬಿಡುಗಡೆ ಮಾಡಿದೆ. ಇದಲ್ಲದೆ, ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ ಈ ಪ್ರದೇಶಗಳಲ್ಲಿ ದೀರ್ಘವಾದ ವಾರಂಟಿ ಅವಧಿಯನ್ನು ಸಹ ನೀಡುತ್ತಿದೆ.

ಆರಂಭದಲ್ಲಿ, ಕಂಪನಿಯು ಶೈನ್ 100 ನೊಂದಿಗೆ 6-ವರ್ಷದ ವಾರಂಟಿಯನ್ನು (3 ವರ್ಷಗಳ ಸ್ಟಾಂಡರ್ಡ್ + 3 ವರ್ಷಗಳ ಆಯ್ಕೆಯ ವಿಸ್ತೃತ ವಾರಂಟಿ) ನೀಡುತ್ತಿದೆ. ಇದರ ಮೇಲೆ ತಿಳಿಸಿದ ರಾಜ್ಯಗಳಲ್ಲಿ, ಇದು 10-ವರ್ಷದ ವಾರಂಟಿಯನ್ನು (3 ವರ್ಷಗಳ ಸ್ಟ್ಯಾಂಡರ್ಡ್ + 7 ವರ್ಷಗಳ ಆಯ್ಕೆಯ ವಿಸ್ತೃತ) ವಾರಂಟಿ ನೀಡುತ್ತಿದೆ. ಹೊಸ ಶೈನ್ 100cc ಜೊತೆಗೆ, ಹೋಂಡಾ ಈಗ ಮುಂಬರುವ ತಿಂಗಳುಗಳಲ್ಲಿ ಹೆಚ್ಚಿನ ಮಾರಾಟವನ್ನು ನಿರೀಕ್ಷಿಯನ್ನು ಹೊಂದಿದೆ.

ಹೋಂಡಾ ಶೈನ್ 100ಸಿಸಿ ಬೈಕ್ ಉತ್ಪಾದನೆಯನ್ನು ಪ್ರಾರಂಭಿಸಿದೆ. ಮೊದಲ ಬ್ಯಾಚ್ ಕರ್ನಾಟಕದ ನರಸಾಪುರದಲ್ಲಿರುವ ಕಂಪನಿಯ ಸ್ಥಾವರದಿಂದ ಹೊರತರಲಾಗಿದೆ. ಹೊಸ ಹೋಂಡಾ ಶೈನ್ 100 ಬೈಕ್ ಬಣ್ಣಗಳ ಆಯ್ಕೆಯ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಬ್ಲ್ಯಾಕ್ ರೆಡ್ ಬಣ್ಣಗಳೊಂದಿಗೆ ಬ್ಲ್ಯಾಕ್, ಬ್ಲೂ ಸ್ಟ್ರೀಪ್ ನೊಂದಿಗೆ ಬ್ಲ್ಯಾಕ್, ಗ್ರೀನ್ ಸ್ಟ್ರೀಪ್ ನೊಂದಿಗೆ ಬ್ಲ್ಯಾಕ್ ಮತ್ತು ಬೂದು ಸ್ಟ್ರೀಪ್ ನೊಂದಿಗೆ ಬ್ಲ್ಯಾಕ್ ಬಣ್ಣಗಳಲ್ಲಿ ನೀಡಲಾಗುತ್ತಿದೆ.

ಈ ಹೋಂಡಾ ಶೈನ್ 100ಸಿಸಿ ಬೈಕಿನಲ್ಲಿ 99.7 cc, ಏರ್ ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಅನ್ನು ಅಳವಡಿಸಲಾಗುತ್ತದೆ. ಈ ಎಂಜಿನ್ 7.6 hp ಪವರ್ ಮತ್ತು 8.05 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 4 ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. ಈ ಬೈಕಿನ ಪ್ರತಿಸ್ಪರ್ಧಿಯಾದ ಹೀರೋ ಸ್ಪ್ಲೆಂಡರ್ ಬೈಕ್ 8 hp ಉತ್ಪಾದಿಸುತ್ತದೆ.

ಇದು ಸ್ವಲ್ಪ ಹೆಚ್ಚು ಪವರ್ ಅನ್ನು ಉತ್ಪಾದಿಸಿದರೆ, ಟಾರ್ಕ್ ಫಿಗರ್ ಒಂದೇ ಆಗಿರುತ್ತದೆ. ಈ ಹೋಂಡಾ ಶೈನ್ 100ಸಿಸಿ ಬೈಕ್ 677 ಎಂಎಂ ಉದ್ದದ ಸೀಟ್, 786 ಎಂಎಂ ಕಡಿಮೆ ಸವಾರಿ ಎತ್ತರವನ್ನು ಹೊಂದಿದೆ. ಈ ಬೈಕ್ 168 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು 1,245 ಎಂಎಂ ವೀಲ್‌ಬೇಸ್ ಅನ್ನು ಪಡೆಯುತ್ತದೆ. ಬೋರ್ಡ್ ವೈಶಿಷ್ಟ್ಯಗಳಲ್ಲಿ ಅಲ್ಯೂಮಿನಿಯಂ ಗ್ರಾಬ್ ಹ್ಯಾಂಡಲ್‌ಗಳು ಮತ್ತು ಆಕರ್ಷಕ ಫ್ರಂಟ್ ಕೌಲ್ ಅನ್ನು ಹೊಂದಿದೆ.

ಇನ್ನು ಅನನ್ಯವಾಗಿ ವಿನ್ಯಾಸಗೊಳಿಸಲಾದ ಇಂಧನ ಟ್ಯಾಂಕ್, ಹ್ಯಾಲೊಜೆನ್ ಹೆಡ್‌ಲ್ಯಾಂಪ್ ಮತ್ತು ವಿಶಿಷ್ಟವಾದ ಟೈಲ್ ಲ್ಯಾಂಪ್ ಸೇರಿವೆ. ಈ ಹೊಸ ಹೋಂಡಾ ಶೈನ್ 100ಸಿಸಿ ಬೈಕ್ ಬ್ಲ್ಯಾಕ್ ಅಲಾಯ್ ವ್ಹೀಲ್ ಗಳನ್ನು ಹೊಂದಿದೆ. ಈ ಹೋಂಡಾ ಶೈನ್ 100ಸಿಸಿ ಬೈಕಿನ ಇತರ ವೈಶಿಷ್ಟ್ಯಗಳು ಎಂಜಿನ್ ಇನ್ಹಿಬಿಟರ್ನೊಂದಿಗೆ ಸೈಡ್ ಸ್ಟ್ಯಾಂಡ್ ಮತ್ತು ಸಮೀಕರಣದೊಂದಿಗೆ ಕಾಂಬಿ-ಬ್ರೇಕ್ ಸಿಸ್ಟಮ್ (CBS) ಅನ್ನು ಹೊಂದಿದೆ.

ಇನ್ನು ಈ ಇದು ಸ್ಪೀಡೋಮೀಟರ್, ಓಡೋಮೀಟರ್ ಮತ್ತು ಇಂಧನ ಗೇಜ್ನೊಂದಿಗೆ ಅನಲಾಗ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಸಹ ಹೊಂದಿದೆ. ಹೋಂಡಾ ಕಾರ್ಯಕ್ಷಮತೆ ಮತ್ತು ಇಂಧನ ದಕ್ಷತೆಯು ವಿಭಾಗದಲ್ಲಿ ಅತ್ಯುತ್ತಮವಾಗಿರುತ್ತದೆ ಎಂದು ಖಚಿತಪಡಿಸುತ್ತದೆ. ಮೈಲೇಜ್ ಅಂಕಿಅಂಶಗಳನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲವಾದರೂ, ನಿರೀಕ್ಷಿತ ಮೈಲೇಜ್ 60-70 ಕಿ.ಮೀ ಮೈಲೇಜ್ ಅನ್ನು ನೀಡೂತ್ತದೆ. 100cc ಎಂಜಿನ್ ಇಂಧನ ಇಂಜೆಕ್ಷನ್ ಮತ್ತು ಸೊಲೆನಾಯ್ಡ್ ಅನ್ನು ಪಡೆಯುತ್ತದೆ,