MotoGP ಭಾರತ್ ಸಿಟಿ ಟೂರ್: ನಿಜವಾದ ಬೈಕಿಂಗ್ ಉತ್ಸಾಹಕ್ಕೆ ಸಾಕ್ಷಿಯಾದ ಅಹಮದಾಬಾದ್

ಭಾರತದಲ್ಲಿ MotoGP ಭಾರತ್‌ನ ಚೊಚ್ಚಲ ಪ್ರವೇಶವನ್ನು ಸ್ವಾಗತಿಸಿ, ಬೈಕಿಂಗ್‌ನ ಮೇಲಿನ ತಮ್ಮ ಪ್ರೀತಿಯನ್ನು ಆಚರಿಸಲು ಸುಮಾರು 500 ಸವಾರರನ್ನು ಒಳಗೊಂಡ ತಂಡ, ಅಹಮದಾಬಾದ್‌ನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ (ಐಐಎಂ) ಕ್ಯಾಂಪಸ್‌ನಲ್ಲಿ ಆಯೋಜಿಸಿದ್ದ ದೊಡ್ಡ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ನೋಡುಗರಿಗೆ ಕಂಡರಿಯದ ಪ್ರದರ್ಶನ ನೀಡಿದೆ.

ಐಐಎಂ ಕ್ಯಾಂಪಸ್‌ನಲ್ಲಿ ಸಮಾವೇಶಗೊಳ್ಳುವ ಮೊದಲು ಬೈಕ್ ಸವಾರರು ನಗರದ ವಿವಿಧ ಹೆಗ್ಗುರುತುಗಳನ್ನು ಅನ್ವೇಷಿಸಿದರು. ಅಲ್ಲಿ, ಪ್ರತಿಭಾವಂತ IIM ಬ್ಯಾಂಡ್‌ನಿಂದ ಮೈನವಿರಿಳಿಸುವ ಬೈಕ್ ಸ್ಟಂಟ್‌ಗಳು ಮತ್ತು ಸಂಗೀತ ಪ್ರದರ್ಶನವನ್ನು ಪ್ರದರ್ಶಿಸಲಾಯಿತು. ಪರಿಣಿತ ಬೈಕರ್‌ಗಳು ತಮ್ಮ ಸಾಹಸ ಮತ್ತು ಕೌಶಲ್ಯಗಳನ್ನು ತಮ್ಮ ಬೈಕ್‌ಗಳಲ್ಲಿ ಪ್ರದರ್ಶಿಸಿದ್ದು ನೋಡುಗರು ಬೆರಗಾಗಿದ್ದಾರೆ.

"MotoGP ಭಾರತ್‌ನ ಬಹು-ನಗರ ಪ್ರವಾಸವನ್ನು ಅಹಮದಾಬಾದ್‌ಗೆ ತರಲು ನಾವು ರೋಮಾಂಚನಗೊಂಡಿದ್ದೇವೆ. ಈ ನಗರವು ಐಕಾನಿಕ್ ಕ್ರೀಡಾಕೂಟಗಳನ್ನು ಆಯೋಜಿಸುವ ಶ್ರೀಮಂತ ಇತಿಹಾಸವನ್ನು ಹೊಂದಿದೆ. IIM ಕ್ಯಾಂಪಸ್ ಉತ್ಸಾಹಭರಿತ ಕ್ರೀಡಾ ಉತ್ಸಾಹಿಗಳ ಕೇಂದ್ರವಾಗಿದೆ" ಎಂದು MotoGP ಯ ಭಾರತೀಯ ಪ್ರವರ್ತಕರಾದ FairStreet Sport ನಲ್ಲಿ ಸಿಟಿ ಟೂರ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯಸ್ಥ ಸುಶಾಂತ್ ಶ್ರೀವಾಸ್ತವ ಹೇಳಿದರು.

ಈ ರೈಡ್ ಅಹಮದಾಬಾದ್‌ನ ಬೈಕಿಂಗ್ ಸಮುದಾಯದ ಉತ್ಸಾಹ ಮತ್ತು ಶಕ್ತಿಯನ್ನು ಪ್ರದರ್ಶಿಸಿದೆ. ಜೊತೆಗೆ ಉತ್ತರ ಪ್ರದೇಶದ ಬುದ್ಧ್ ಇಂಟರ್‌ನ್ಯಾಶನಲ್ ಸರ್ಕ್ಯೂಟ್‌ನಲ್ಲಿ ಭಾರತೀಯ ಆವೃತ್ತಿಯ ಓಟದ ನೇರಪ್ರಸಾರವನ್ನು ವೀಕ್ಷಿಸುವ ಅವಕಾಶವನ್ನು ಒದಗಿಸಲಾಗಿದೆ. ಅಲ್ಲದೇ ಅದೃಷ್ಟ ವಿಜೇತರನ್ನು ಆಯ್ಕೆ ಮಾಡಲು ಫ್ರೆಶ್ ಫೇಸ್ ಮತ್ತು ಮೋಟೋಫ್ಲುಯೆನ್ಸರ್‌ನಂತಹ ಸ್ಪರ್ಧೆಗಳನ್ನು ಸಹ ಒಳಗೊಂಡಿದೆ.

ಈ ಈವೆಂಟ್ MotoGP ಭಾರತ್‌ನ "ರಸ್ತೆಗಳು ಸವಾರಿಗಾಗಿ" ಮತ್ತು "ಟ್ರ್ಯಾಕ್‌ಗಳು ರೇಸಿಂಗ್‌ಗಾಗಿ" ಎಂಬ ರೇಸ್ ತತ್ವವನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ಇದು ಅಹಮದಾಬಾದ್‌ನ ಬೈಕಿಂಗ್ ಭ್ರಾತೃತ್ವದೊಳಗೆ ಬಲವಾದ ಬಂಧಗಳನ್ನು ಬೆಳೆಸುವ ಮೂಲಕ ಈ ಜಾಗತಿಕ ವಿದ್ಯಮಾನವನ್ನು ಸ್ವೀಕರಿಸಲು ಯುವ ಸವಾರರನ್ನು ಪ್ರೋತ್ಸಾಹಿಸಿದೆ. ರೆಡ್ ಬುಲ್ ಅವರು ಈ ಈವೆಂಟ್‌ಗೆ ಅಧಿಕೃತ ಎನರ್ಜಿ ಡ್ರಿಂಕ್ ಪಾಲುದಾರರಾಗಿದ್ದರಿಂದ ಅವರ ಉತ್ಸಾಹವನ್ನು ಹೆಚ್ಚಿಸಿದೆ.

MotoGP ಭಾರತ್ ದೇಶದಾದ್ಯಂತದ ಮಹಿಳಾ ಸವಾರರನ್ನು ಉತ್ತೇಜಿಸಲು ಮತ್ತು ಬೆಂಬಲಿಸಲು ತನ್ನ ಧ್ಯೇಯವನ್ನು ಒತ್ತಿಹೇಳಿದೆ. ಈವೆಂಟ್‌ನಲ್ಲಿ ಸಂವಾದದ ಸಮಯದಲ್ಲಿ ಭಾಗವಹಿಸಿದ ಮಹಿಳೆಯರೊಂದಿಗೆ ಈ ಸಂದೇಶವು ಪ್ರತಿಧ್ವನಿಸಿತು. ಈ ರೋಮಾಂಚಕ ಸಂದರ್ಭದಲ್ಲಿ ಆಯೋಜಿಸಲಾದ ಫ್ರೆಶ್ ಫೇಸ್ ಮತ್ತು ಮೋಟೋಫ್ಲುಯೆನ್ಸರ್‌ನಂತಹ ಸ್ಪರ್ಧೆಗಳಲ್ಲಿ ಭಾಗವಹಿಸುವವರು ಉತ್ಸಾಹದಿಂದ ಸ್ಪರ್ಧಿಸಿದ್ದರಿಂದ ಉತ್ಸಾಹವು ಎಲ್ಲೆಯನ್ನು ಮೀರಿತ್ತು.

MotoGP ಭಾರತ್‌ನ ಕಾರ್ಯಸೂಚಿಯಲ್ಲಿ ಮುಂದಿನದು ಆತಿಥೇಯ ರಾಜ್ಯವಾದ ಉತ್ತರ ಪ್ರದೇಶ. ಕಾರವಾನ್ ದೇಶಾದ್ಯಂತ ತನ್ನ ಪ್ರಯಾಣವನ್ನು ಮುಂದುವರೆಸಿದ್ದು, ಅಹಮದಾಬಾದ್ ಮತ್ತು ಇತರ ನಗರಗಳಿಂದ ಬೈಕ್ ಉತ್ಸಾಹಿಗಳು ಸೇರಿಕೊಳ್ಳುತ್ತಾರೆ. ಗ್ರ್ಯಾಂಡ್ ಫಿನಾಲೆ ಸೆಪ್ಟೆಂಬರ್‌ ವಾರಾಂತ್ಯದಲ್ಲಿ ದೆಹಲಿಯಲ್ಲಿ ನಡೆಯಲಿದೆ, ಅಲ್ಲಿ ಭಾಗವಹಿಸುವವರು ಸೆಪ್ಟೆಂಬರ್ 22-24, 2023 ರಿಂದ ಹೆಚ್ಚು ನಿರೀಕ್ಷಿತ ರೇಸ್‌ಗಾಗಿ ಐಕಾನಿಕ್ ಬುದ್ಧ್ ಇಂಟರ್ನ್ಯಾಷನಲ್ ಸರ್ಕ್ಯೂಟ್‌ಗೆ ಬರಲಿದ್ದಾರೆ.

ಈ ಪ್ರತಿಷ್ಠಿತ ಈವೆಂಟ್ ಅನ್ನು ಆಯೋಜಿಸಲು ದೇಶವು ಸಜ್ಜಾಗುತ್ತಿರುವಂತೆಯೇ ಭಾರತದಲ್ಲಿ ಮೊಟ್ಟಮೊದಲ MotoGP ರೇಸ್, MotoGP ಭಾರತ್‌ಗೆ ಸಿದ್ಧತೆಗಳು ಭರದಿಂದ ಸಾಗಿವೆ. ಈ ಹಿಂದೆ ಮೂರು F1 ರೇಸ್‌ಗಳನ್ನು ಆಯೋಜಿಸಿದ್ದ ಬುದ್ಧ್ ಇಂಟರ್‌ನ್ಯಾಶನಲ್ ಸರ್ಕ್ಯೂಟ್ ಅನ್ನು ಈಗ MotoGP ಯ ಅವಶ್ಯಕತೆಗಳನ್ನು ಪೂರೈಸಲು ಮಾರ್ಪಡಿಸಲಾಗುತ್ತಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.