ಹೊಸ ಆವಿಷ್ಕಾರ... ನಿಮ್ಮ ವಾಹನವನ್ನು ಎಲೆಕ್ಟ್ರಿಕ್ ಹಾಗೂ ಪೆಟ್ರೋಲ್ ಎರಡರಲ್ಲೂ ಓಡಿಸಬಹುದು

ಪೆಟ್ರೋಲ್ ಬೆಲೆ ಏರಿಕೆಯಿಂದ ಸಂಕಷ್ಟಕ್ಕೆ ಸಿಲುಕಿರುವ ದ್ವಿಚಕ್ರ ವಾಹನ ಚಾಲಕರಿಗೆ ಅನುಕೂಲವಾಗಲೆಂದು ಬೆಂಗಳೂರು ಮೂಲದ ಗ್ರೀನ್ ಟೈಗರ್ ಮೊಬಿಲಿಟಿ ಕಂಪನಿ ಹೊಸ ಆಲೋಚನೆಯೊಂದಿಗೆ ಮುಂದೆ ಬಂದಿದೆ. ಈ ಕಂಪನಿಯು ಪೆಟ್ರೋಲ್ ಚಾಲಿತ ದ್ವಿಚಕ್ರ ವಾಹನಗಳನ್ನು ಪೆಟ್ರೋಲ್ (ಹೈಬ್ರಿಡ್) ಮತ್ತು ಎಲೆಕ್ಟ್ರಿಕ್ ವಾಹನಗಳಾಗಿ ಪರಿವರ್ತಿಸುವ ಪ್ರಕ್ರಿಯೆಯಲ್ಲಿದೆ.

ಕಂಪನಿಯು ಯಾವುದೇ ಬ್ರಾಂಡ್ ಸ್ಕೂಟರ್ ಆಗಿರಲಿ ಅದನ್ನು ಎಲೆಕ್ಟ್ರಿಕ್ ಮತ್ತು ಪೆಟ್ರೋಲ್ (ಹೈಬ್ರಿಡ್) ಚಾಲಿತ ವಾಹನವನ್ನಾಗಿ ಪರಿವರ್ತಿಸುತ್ತದೆ. 125 ಸಿಸಿ ಸ್ಕೂಟರ್‌ಗಳನ್ನು ಹೈಬ್ರಿಡ್ ವಾಹನಗಳಾಗಿ ಪರಿವರ್ತಿಸಲಾಗುತ್ತದೆ ಎಂಬುದನ್ನು ಗಮನಿಸಬೇಕಾದ ಸಂಗತಿ. ಇಷ್ಟೇ ಅಲ್ಲ, ಗ್ರೀನ್ ಟೈಗರ್ ಕಂಪನಿಯು ಕೆಲವು ಮೋಟಾರ್ ಸೈಕಲ್‌ಗಳನ್ನು ಪೆಟ್ರೋಲ್ ಮತ್ತು ವಿದ್ಯುತ್ ಚಾಲಿತ ವಾಹನಗಳಾಗಿ ಪರಿವರ್ತಿಸಲಾಗುವುದು ಎಂದು ಹೇಳಿದೆ. ಬೈಕ್‌ನಲ್ಲಿ ನೀಡಲಾಗಿರುವ ಸ್ಟಾಕ್ ಎಂಜಿನ್ ಅನ್ನು ಬದಲಾಯಿಸದೆ ಗ್ರೀನ್ ಟೈಗರ್ ಈ ಸೌಲಭ್ಯವನ್ನು ಒದಗಿಸುತ್ತದೆ.

ಗ್ರೀನ್ ಟೈಗರ್ ಕಂಪನಿಯು ಹೈಬ್ರಿಡ್ ವಾಹನಗಳ ಪರಿವರ್ತನೆಗಾಗಿ ದ್ವಿಚಕ್ರ ವಾಹನಕ್ಕೆ ಕೇವಲ ಎಲೆಕ್ಟ್ರಿಕ್ ಮೋಟಾರ್ ಮತ್ತು ಬ್ಯಾಟರಿಯನ್ನು ಸೇರಿಸುತ್ತದೆ. ಇದಲ್ಲದೆ, ಕಂಪನಿಯು ವೇಗವರ್ಧನೆಯಲ್ಲಿ ಸ್ವಲ್ಪ ಬದಲಾವಣೆಗಳನ್ನು ಮಾಡುತ್ತದೆ. ಗ್ರೀನ್ ಟೈಗರ್ ಒಂದೇ ವೇಗದಲ್ಲಿ ಎರಡೂ (ಪೆಟ್ರೋಲ್, ಎಲೆಕ್ಟ್ರಿಕ್) ಮೋಟಾರ್‌ಗಳನ್ನು ನಿಯಂತ್ರಿಸುವ ಮೂಲಕ ಈ ಬದಲಾವಣೆಯನ್ನು ಮಾಡುತ್ತದೆ. ಇವರು ಅಳವಡಿಸುವ ಬ್ಯಾಟರಿ ಸಂಪೂರ್ಣ ಚಾರ್ಜ್ ಮಾಡಿದರೆ 60 ಕಿ.ಮೀ ಪ್ರಮಾಣಿತ ರೇಂಜ್ ನೀಡುವುದಾಗಿ ಹೇಳಿದೆ.

ಅದೇ ರೀತಿ ಇದರಲ್ಲಿ ಅಳವಡಿಸಲಾಗಿರುವ ಎಲೆಕ್ಟ್ರಿಕ್ ಮೋಟಾರ್ ದ್ವಿಚಕ್ರ ವಾಹನವನ್ನು ಗಂಟೆಗೆ 60 ಕಿ.ಮೀ ವೇಗದಲ್ಲಿ ಚಲಿಸುವಂತೆ ಮಾಡುತ್ತದೆ. ಗ್ರೀನ್ ಟೈಗರ್ ದ್ವಿಚಕ್ರ ವಾಹನಕ್ಕೂ ವಿಶಿಷ್ಟ ಸ್ವಿಚ್ ಅಳವಡಿಸಲಾಗುವುದು. ಈ ಸ್ವಿಚ್ ನಿಮಗೆ ಪೆಟ್ರೋಲ್ ಅಥವಾ ಎಲೆಕ್ಟ್ರಿಕ್ ಮೋಡ್‌ಗಳನ್ನು ಆಯ್ಕೆ ಮಾಡಲು ಅನುಮತಿಸುತ್ತದೆ. ಗ್ರೀನ್ ಟೈಗರ್ ಬಳಸುವ ಎಲೆಕ್ಟ್ರಿಕ್ ಮೋಟರ್ IP67 ಪ್ರಮಾಣೀಕೃತವಾಗಿದೆ. ಇದು ನೀರು ಮತ್ತು ಧೂಳಿನಿಂದ ಪ್ರಭಾವಿತವಾಗಿಲ್ಲ ಎಂಬುದಕ್ಕೆ ಸಾಕ್ಷಿಯಾಗಿದೆ ಎಂದು ಹೇಳಿದೆ.

ಬ್ಯಾಟರಿ ಕೂಡ ಇಂತಹ ಪ್ರಮಾಣೀಕರಣವನ್ನು ಹೊಂದಿದೆ. ನಾವು ಬ್ಯಾಟರಿಯನ್ನು ಪ್ರತ್ಯೇಕವಾಗಿ ತೆಗೆದು ಹಾಕಬಹುದು. ಆದ್ದರಿಂದ, ಬ್ಯಾಟರಿಯನ್ನು ಎಲ್ಲಿ ಬೇಕಾದರೂ ಚಾರ್ಜ್ ಮಾಡಬಹುದು. ಇದಲ್ಲದೆ, ಗ್ರೀನ್ ಟೈಗರ್ ಬೈಕ್ ಅನ್ನು ಸ್ಮಾರ್ಟ್ ಮತ್ತು ಸುರಕ್ಷಿತವಾಗಿಸಲು VCU ಸಾಧನಗಳನ್ನು ಸಹ ಸೇರಿಸುತ್ತದೆ. ಸದ್ಯಕ್ಕೆ ಕಂಪನಿಯು 7 ಪ್ರಮುಖ ಬ್ರಾಂಡ್‌ಗಳ ಸ್ಕೂಟರ್‌ಗಳನ್ನು ಹೈಬ್ರಿಡ್ ವಾಹನಗಳಾಗಿ ಪರಿವರ್ತಿಸುತ್ತಿದೆ. ಇವೆಲ್ಲವೂ ಈಗಾಗಲೇ ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಹೊಂದಿರುವ ಐಸಿ ಎಂಜಿನ್‌ ವಾಹನಗಳಾಗಿವೆ.

ಅವುಗಳನ್ನು ನೋಡುವುದಾದರೆ ಹೋಂಡಾ ಆಕ್ಟಿವಾ, ಡಿಯೋ, ಹೀರೋ ಮಯಿಸ್ಟ್ರೋ, ಟಿವಿಎಸ್ ಜುಪಿಟರ್ ಮತ್ತು ಸುಜುಕಿ ಆಕ್ಸಿಸ್ ನಂತಹ ವಾಹನಗಳನ್ನು ಕಂಪನಿಯು ಎಲೆಕ್ಟ್ರಿಕ್ ಮತ್ತು ಪೆಟ್ರೋಲ್ ಹೈಬ್ರಿಡ್ ಮಾದರಿಗಳಾಗಿ ಪರಿವರ್ತಿಸುತ್ತಿದೆ. ಪ್ರಸ್ತುತ ಪ್ರಾಯೋಗಿಕವಾಗಿ ಬೈಕ್‌ಗಳನ್ನು ಹೈಬ್ರಿಡ್ ವಾಹನಗಳಾಗಿ ಪರಿವರ್ತಿಸಲಾಗುತ್ತಿದೆ ಮತ್ತು ಶೀಘ್ರದಲ್ಲೇ ಇದನ್ನು ವಾಣಿಜ್ಯೀಕರಣಗೊಳಿಸಲಾಗುವುದು ಎಂದು ಕಂಪನಿ ತಿಳಿಸಿದೆ. ದ್ವಿಚಕ್ರ ವಾಹನಗಳನ್ನು ಪರಿವರ್ತಿಸಿ ಬಳಸಿದರೆ ಹೆಚ್ಚಿನ ಲಾಭ ಪಡೆಯಬಹುದು ಎಂದು ಗ್ರೀನ್ ಟೈಗರ್ ಕಂಪನಿ ಹೇಳಿದೆ.

ದ್ವಿಚಕ್ರ ವಾಹನದಲ್ಲಿ ದಿನಕ್ಕೆ 35 ಕಿ.ಮೀ ಪ್ರಯಾಣಿಸುವ ವ್ಯಕ್ತಿಗೆ ರೂ. 65 ಸಾವಿರದವರೆಗೆ ಉಳಿತಾಯ ಮಾಡಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ದ್ವಿಚಕ್ರ ವಾಹನಗಳನ್ನು ಹೈಬ್ರಿಡ್ ಆಗಿ ಪರಿವರ್ತಿಸಲು ಕಂಪನಿಯು ರೂ. 65 ಸಾವಿರ ಚಾರ್ಜ್ ಮಾಡುತ್ತಾರೆ. ಇದು ತೆರಿಗೆಯನ್ನು ಒಳಗೊಂಡಿದೆ ಎಂಬುದು ಗಮನಿಸಬೇಕಾದ ಸಂಗತಿ. ಈ ವೈಶಿಷ್ಟ್ಯದ ಜೊತೆಗೆ ಮೊದಲೇ ಹೇಳಿದಂತೆ ಇದು VCU ಎಂಬ ಆಧುನಿಕ ಉಪಕರಣವನ್ನು ಸಹ ನೀಡುತ್ತದೆ. ಈ ಸಾಧನದೊಂದಿಗೆ ದ್ವಿಚಕ್ರ ವಾಹನವನ್ನು ಸೆಲ್ ಫೋನ್‌ಗೆ ಸಂಪರ್ಕಿಸಬಹುದು.

ಇದರ ಮೂಲಕ ದ್ವಿಚಕ್ರ ವಾಹನವನ್ನು ಯಾವಾಗ ಬೇಕಾದರೂ ಟ್ರ್ಯಾಕ್ ಮಾಡಬಹುದು. ವಾಹನವು ಕದ್ದಿದ್ದರೂ, ಅದನ್ನು ಸುಲಭವಾಗಿ ಟ್ರ್ಯಾಕ್ ಮಾಡಬಹುದು ಮತ್ತು ಸೆಲ್ ಫೋನ್ ಅಪ್ಲಿಕೇಶನ್ ಬಳಸಿ ಕಂಡುಹಿಡಿಯಬಹುದು. ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ.