ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹೊಸ ಅಲೆ ಎಬ್ಬಿಸಲು ಸಜ್ಜಾದ Vespa ಮಿಕ್ಕಿ ಮೌಸ್ ಆವೃತ್ತಿ

ಇಟಾಲಿಯನ್ ವಾಹನ ತಯಾರಕರಾದ ವೆಸ್ಪಾದವರು ಇತ್ತೀಚೆಗೆ ಭಾರತದಲ್ಲಿ ವೆಸ್ಪಾ ಡ್ಯುಯಲ್ ಸ್ಕೂಟರ್ ಪರಿಚಯಿಸಿದ್ದರು. ಈಗ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಮಿಕ್ಕಿ ಮೌಸ್ ಡಿಸೈನ್ ಒಳಗೊಂಡ ವೆಸ್ಪಾವನ್ನು ಬಿಡುಗಡೆ ಮಾಡಲು ಸಜ್ಜಾಗಿದ್ದಾರೆ. ಈ ಹೊಸ ಮಿಕ್ಕಿ ಮೌಸ್ ಆವೃತ್ತಿಯ ಬಗ್ಗೆ ಮತ್ತಷ್ಟು ಮಾಹಿತಿಯನ್ನು ಇಲ್ಲಿ ನೋಡೋಣ.

ಈ ಮಿಕ್ಕಿ ಮೌಸ್ ಎಂಬ ಕಾರ್ಟೂನ್ ವಿಶ್ವಾದ್ಯಂತ ತುಂಬಾ ಜನಪ್ರಿಯತೆ ಪಡೆದಿದೆ. ಇಂತಹ ಕಾರ್ಟೂನ್‌ ಡಿಸೈನ್ ಒಳಗೊಂಡು ಬರುವ ಸ್ಕೂಟರ್‌ಗಳು ಉತ್ತಮ ಮಾರಾಟ ತಂದುಕೊಡುವ ನಿರೀಕ್ಷೆಯಲ್ಲಿ ಕಂಪನಿಯಿದೆ. ಮಿಕ್ಕಿ ಮೌಸ್ ಕಾರ್ಟೂನ್ ಒಡೆತನವು ಡಿಸ್ನಿ ಅವರದ್ದಾಗಿದ್ದು, ಈ ಹಿಂದಿನಿಂದಲೂ ವೆಸ್ಪಾ ಹಾಗೂ ಡಿಸ್ನಿ ಉತ್ತಮ ಭಾಂದವ್ಯ ಹೊಂದಿವೆ.

ಡಿಸ್ನಿಯಿಂದ ಹೊರಬಂದ ಇತ್ತೀಚಿನ ಕಾರ್ಟೂನ್ ಚಿತ್ರವಾದ ಲುಕಾದಲ್ಲಿ, ಕೆಲ ಸಾಹಸ ಸನ್ನಿವೇಶಗಳಿಗಾಗಿ ವೆಸ್ಪಾವನ್ನು ಬಳಸಲಾಗಿತ್ತು. ಇದೀಗ ಈ ಸಹಯೋಗವು ಮಿಕ್ಕಿ ಮೌಸ್ ಆವೃತ್ತಿಯನ್ನು ಪ್ರಾರಂಭಿಸಲು ಹೊರಟಿದ್ದು, ಇದಕ್ಕೂ ಪ್ರಮುಖ ಕಾರಣವಿದೆ. ಈ ಸಹಯೋಗವು ಡಿಸ್ನಿಯ 100 ನೇ ವಾರ್ಷಿಕೋತ್ಸವವನ್ನು ಸೂಚಿಸುತ್ತದೆ. ಹಾಗೆಯೇ ಡಿಸ್ನಿ ಮತ್ತು ವೆಸ್ಪಾ ನಡುವಿನ ಸಂಬಂಧ ಮತ್ತು ನೀತಿ ಹಂಚಿಕೆಯನ್ನು ಇಲ್ಲಿ ನೋಡಬಹುದು.

ವೆಸ್ಪಾ ಮಿಕ್ಕಿ ಮೌಸ್ ಆವೃತ್ತಿ: ಡಿಸ್ನಿ ಮತ್ತು ವೆಸ್ಪಾ ಮಿಕ್ಕಿ ಮೌಸ್ ಆವೃತ್ತಿಯು ನಿಜವಾಗಿಯೂ ಸೂಕ್ಷ್ಮವಾಗಿದೆ. ಏಕೆಂದರೆ ಈ ಸ್ಕೂಟರ್‌ನಲ್ಲಿ ಕಾಣುವ ಹಳದಿ, ಕೆಂಪು, ಕಪ್ಪು ಮತ್ತು ಬಿಳಿ ಬಣ್ಣಗಳು ಸಾಂಪ್ರದಾಯಿಕ ಮಿಕ್ಕಿ ಮೌಸ್ ಪಾತ್ರಗಳನ್ನು ತೋರುತ್ತವೆ. ಹಳದಿ ಚಕ್ರಗಳು ಮತ್ತು ಮುಂಭಾಗದ ಫೆಂಡರ್‌ಗಳು ಮಿಕ್ಕಿ ಮೌಸ್‌ನ ಬೂಟುಗಳನ್ನು ಪ್ರತಿನಿಧಿಸುತ್ತವೆ.

ಕಪ್ಪು ಕನ್ನಡಿಗಳು ಅದರ ಕಿವಿಗಳನ್ನು, ಕೆಂಪು ಬಣ್ಣವು ಅದರ ಪ್ಯಾಂಟ್ ಅನ್ನು ತೋರಿಸುತ್ತದೆ. ಕೆಂಪು ಫ್ಲೋರ್ ಮೇಲೆ ಮಿಕ್ಕಿ ಮೌಸ್ ಕಾರ್ಟೂನ್ ಕೂಡ ಇದೆ. ಕಪ್ಪು ಬಣ್ಣವು ಅನೇಕ ಮಿಕ್ಕಿ ಮೌಸ್ ಅಕ್ಷರಗಳಿಂದ ಮಾಡಿದ ಬಿಳಿ ಗ್ರಾಫಿಕ್ ಮಾದರಿಯನ್ನು ಹೊಂದಿದೆ. ಇದನ್ನು ವೆಸ್ಪಾದ ಸೈಡ್ ಬಾಡಿ ಪ್ಯಾನೆಲ್‌ಗಳು, ಏಪ್ರನ್‌ನ ಎರಡೂ ಬದಿಗಳಲ್ಲಿ ಕಾಣಬಹುದು. ಹಾಗೆಯೇ ಸೀಟ್, ಮುಂಭಾಗದಲ್ಲಿ ಮಿಕ್ಕಿ ಮೌಸ್ ಸಹಿಗಳಿವೆ.

ಪರ್ಫಾಮೆನ್ಸ್: ಸದ್ಯಕ್ಕೆ, ವೆಸ್ಪಾ ಈ ಮಿಕ್ಕಿ ಮೌಸ್ ಆವೃತ್ತಿಯನ್ನು 50cc, 125cc ಮತ್ತು 150cc ಮಾದರಿಗಳನ್ನು ಒಳಗೊಂಡಂತೆ ತನ್ನ ಪ್ರೈಮಾವೆರಾ ಸ್ಕೂಟರ್‌ನೊಂದಿಗೆ ಮಾತ್ರ ನೀಡುತ್ತಿದೆ. ಇದು ಕೇವಲ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಲಭ್ಯ, ಭಾರತದಲ್ಲಿ ಮಾರಾಟಕ್ಕಿಲ್ಲ. ವೆಸ್ಪಾ ಮಿಕ್ಕಿ ಮೌಸ್ ಹೆಲ್ಮೆಟ್ ಅನ್ನು ಪ್ರಮಾಣಿತ ಕೊಡುಗೆಯಾಗಿ ನೀಡುವ ನಿರೀಕ್ಷೆಯಿದೆ.

ಪಿಯಾಜಿಯೊ ಗ್ರೂಪ್‌ನ ಜಾಗತಿಕ ಕಾರ್ಯತಂತ್ರ ಮುಖ್ಯ ಕಾರ್ಯನಿರ್ವಾಹಕ ಮೈಕೆಲ್ ಕೊಲನಿನ್ನೊ ಮಾತನಾಡಿ "ಈ ರೀತಿಯ ಸಂಕೀರ್ಣ ಸಮಯಗಳಲ್ಲಿಯೂ ಸಹ ಭವಿಷ್ಯವನ್ನು ಆಶಾವಾದದಿಂದ ನೋಡಲು ಕನಸುಗಳು ನಮಗೆ ಅವಕಾಶ ಮಾಡಿಕೊಡುತ್ತವೆ. ವೆಸ್ಪಾ ದಂತಹ ಟೈಮ್‌ಲೆಸ್ ಐಕಾನ್ ಜೊತೆಗೆ ಡಿಸ್ನಿಯ 100 ನೇ ವಾರ್ಷಿಕೋತ್ಸವದ ಈ ವಿಶೇಷ ಸಂದರ್ಭದಲ್ಲಿ ಮಿಕ್ಕಿ ಮೌಸ್‌ನಂತಹ ಸ್ಕೂಟರ್ ತರಲು ಉತ್ಸುಕರಾಗಿದ್ದೇವೆ ಎಂದಿದ್ದಾರೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.