ಹೊರ ರಾಜ್ಯಗಳಲ್ಲಿ ಬೆಂಗಳೂರು ಮೂಲದ ಇವಿ ಕಂಪನಿಯ ಅಬ್ಬರ

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಕಂಪನಿಯಾದ ಅಲ್ಟ್ರಾವೈಲೆಟ್ ಹೈದರಾಬಾದ್‌ನಲ್ಲಿ ತನ್ನ ಹೊಸ UV ಸ್ಪೇಸ್ ಸ್ಟೇಷನ್ ಎಕ್ಸ್‌ಪೀರಿಯನ್ಸ್ ಸೆಂಟರ್ ಅನ್ನು ತೆರೆದಿದೆ. ಈ ಹೊಸ ಸೌಲಭ್ಯವು ಬೆಂಗಳೂರಿನ ಪ್ರಮುಖ ಅನುಭವ ಕೇಂದ್ರ ಮತ್ತು ಪುಣೆ, ಅಹಮದಾಬಾದ್, ಕೊಚ್ಚಿಯ ಬಳಿಕ ಅಲ್ಟ್ರಾವೈಲೆಟ್ ಅವರ ಐದನೇ ಪ್ರಮುಖ ಎಕ್ಸ್‌ಪೀರಿಯನ್ಸ್ ಸೆಂಟರ್ ಆಗಿದೆ. ಜಾಗತಿಕವಾಗಿ 50 ಫ್ಯೂಚರಿಸ್ಟಿಕ್ ಅನುಭವ ಕೇಂದ್ರಗಳನ್ನು ಸ್ಥಾಪಿಸಲು ಅಲ್ಟ್ರಾವೈಲೆಟ್ ಗುರಿ ಹೊಂದಿದೆ. 2024ರ ದೀಪಾವಳಿ ವೇಳೆಗೆ 10 ಭಾರತೀಯ ನಗರಗಳಲ್ಲಿ ಪ್ರಸ್ತುತಪಡಿಸುವ ಯೋಜನೆಗಳನ್ನು ಹೊಂದಿರುವುದಾಗಿ ಕಂಪನಿ ಹೇಳಿದೆ.

ಈ ಸೌಲಭ್ಯವು ಸಂಪೂರ್ಣ 3S ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ, ಅಂದರೆ ಒಂದೇ ಸೂರಿನಡಿ ಮಾರಾಟ, ಸೇವೆ ಮತ್ತು ಬಿಡಿಭಾಗಗಳನ್ನು ಹೊಂದಿರುತ್ತದೆ. ಬೆಂಗಳೂರಿನಲ್ಲಿರುವ ಅಲ್ಟ್ರಾವೈಲೆಟ್‌ನ ಪ್ರಧಾನ ಕಛೇರಿಯಿಂದ ಅತ್ಯಾಧುನಿಕ ಡಿಜಿಟಲ್ ಡಯಾಗ್ನೋಸ್ಟಿಕ್ ಉಪಕರಣಗಳು ಮತ್ತು ನೇರ ಆನ್-ಕಾಲ್ ತಾಂತ್ರಿಕ ಬೆಂಬಲದೊಂದಿಗೆ ಸಜ್ಜುಗೊಂಡಿರುವ ಎಕ್ಸ್‌ಪೀರಿಯನ್ಸ್ ಸೆಂಟರ್ ತಲ್ಲೀನಗೊಳಿಸುವ ಅನುಭವವನ್ನು ನೀಡುತ್ತದೆ ಎಂದು ಬ್ರಾಂಡ್ ತಿಳಿಸಿದೆ.

ಕಂಪನಿಯ F77 Mach 2 ಮೋಟಾರ್‌ಸೈಕಲ್ ವಿಚಾರಕ್ಕೆ ಬರುವುದಾದರೆ ಉನ್ನತ ಶ್ರೇಣಿಯ 10.3 kWh SRB7 ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಹೊಂದಿದ್ದು, ಅತ್ಯುತ್ತಮ ರೇಂಜ್ ಮತ್ತು ಪರ್ಫಾಮೆನ್ಸ್ ನೀಡುತ್ತದೆ. ಪ್ರಭಾವಶಾಲಿ 8,00,000 ಕಿ.ಮೀ ಬ್ಯಾಟರಿ ಖಾತರಿಯೊಂದಿಗೆ ಉದ್ಯಮದಲ್ಲಿಯೇ ಅತ್ಯುತ್ತಮವಾಗಿದೆ. ಇದು EV ವಲಯದಲ್ಲಿ ಟೆಸ್ಲಾವನ್ನು ಮೀರಿಸುತ್ತದೆ ಎಂದು ಅಲ್ಟ್ರಾವೈಲೆಟ್ ಹೇಳಿಕೊಂಡಿದೆ.

F77 MACH 2 ಮೋಟಾರ್‌ಸೈಕಲ್ ಸಂಪೂರ್ಣವಾಗಿ ಭಾರತದಲ್ಲಿ ವಿನ್ಯಾಸಗೊಳಿಸಿ ತಯಾರಿಸಲಾಗಿದೆ. ಈಗ ಹೈದರಾಬಾದ್‌ನಲ್ಲಿ ಹೊಸದಾಗಿ ಉದ್ಘಾಟನೆಗೊಂಡ ಅನುಭವ ಕೇಂದ್ರದಲ್ಲಿ ಖರೀದಿ ಮತ್ತು ಪರೀಕ್ಷಾ ಸವಾರಿಗಾಗಿ ಲಭ್ಯವಿದೆ. ಈ ಅದ್ಭುತ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ 2024ರ ಹೆಚ್ಚು ಪ್ರಶಸ್ತಿ ಪಡೆದ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಆಗಿ ಹೊರಹೊಮ್ಮಿದೆ.

ಸಿಇಒ ಮತ್ತು ಸಹ-ಸಂಸ್ಥಾಪಕ ನಾರಾಯಣ್ ಸುಬ್ರಮಣ್ಯಂ ಮಾತನಾಡಿ, ಹೈದರಾಬಾದ್ ಅಭಿವೃದ್ಧಿ ಹೊಂದುತ್ತಿರುವ ಟೆಕ್ ಪರಿಸರ ವ್ಯವಸ್ಥೆ ಮತ್ತು ಫಾರ್ವರ್ಡ್-ಥಿಂಕಿಂಗ್ ನೀತಿಗಳೊಂದಿಗೆ, ಈ ಮೈಲಿಗಲ್ಲಿಗೆ ಸೂಕ್ತವಾದ ಸೆಟ್ಟಿಂಗ್ ಆಗಿದೆ. ಈ ಹೊಸ ಅನುಭವ ಕೇಂದ್ರವು ಸುಸ್ಥಿರ ಚಲನಶೀಲತೆಯನ್ನು ಹೆಚ್ಚಿಸಲು ಮತ್ತು ಮೋಟರ್‌ಸೈಕ್ಲಿಸ್ಟ್‌ಗಳಿಗೆ ಅಸಾಧಾರಣ ಅನುಭವವನ್ನು ನೀಡಲು ಅಲ್ಟ್ರಾವೈಲೆಟ್‌ನ ಸಮರ್ಪಣೆಯನ್ನು ಎತ್ತಿ ತೋರಿಸುತ್ತದೆ ಎಂದರು.

ತೆಲಂಗಾಣವು ಎಲೆಕ್ಟ್ರಿಕ್ ವೆಹಿಕಲ್ (EV) ಹೂಡಿಕೆಗೆ ಪ್ರಮುಖ ತಾಣವಾಗಿ ಹೊರಹೊಮ್ಮಿದೆ, ಜಾಗತಿಕ ಮತ್ತು ದೇಶೀಯ ಆಟಗಾರರಿಂದ ಗಮನಾರ್ಹ ಆಸಕ್ತಿಯನ್ನು ಸೆಳೆಯುತ್ತಿದೆ. ತೆಲಂಗಾಣ ಸರ್ಕಾರಕ್ಕಾಗಿ ಕೈಗಾರಿಕೆಗಳು ಮತ್ತು ವಾಣಿಜ್ಯ (I&C) ಮತ್ತು ಮಾಹಿತಿ ತಂತ್ರಜ್ಞಾನ (IT) ಪ್ರಧಾನ ಕಾರ್ಯದರ್ಶಿ ಜಯೇಶ್ ರಂಜನ್, EV ಸಂಶೋಧನೆ, ಅಭಿವೃದ್ಧಿ, ಉತ್ಪಾದನೆ ಮತ್ತು ವ್ಯಾಪಕ ಅಳವಡಿಕೆಗೆ ಕೇಂದ್ರವಾಗಿ ರಾಜ್ಯದ ಸ್ಥಾನವನ್ನು ಎತ್ತಿ ತೋರಿಸಿದರು.

ದೃಢವಾದ EV ಚಾರ್ಜಿಂಗ್ ಮೂಲಸೌಕರ್ಯವನ್ನು ನಿರ್ಮಿಸುವ ಮತ್ತು ವ್ಯಾಪಾರ - ಸ್ನೇಹಿ ಪರಿಸರ ವ್ಯವಸ್ಥೆಯನ್ನು ಪೋಷಿಸುವತ್ತ ಗಮನಹರಿಸುವುದರೊಂದಿಗೆ, ತೆಲಂಗಾಣವು ವಿದ್ಯುತ್ ಚಲನಶೀಲತೆಯ ನಾವೀನ್ಯತೆ ಮತ್ತು ಬೆಳವಣಿಗೆಗೆ ದಾರಿ ಮಾಡಿಕೊಡುತ್ತಿದೆ ಎಂದು ಸಿಇಒ ಮತ್ತು ಸಹ - ಸಂಸ್ಥಾಪಕ ನಾರಾಯಣ್ ಸುಬ್ರಮಣ್ಯಂ ಹೇಳಿದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.