Bajaj Chetak: ಹೊಸ ಚೇತಕ್ C25 ಸ್ಕೂಟರ್ ಬಿಡುಗಡೆ: ಬೆಲೆ ಇಷ್ಟೇನಾ? ಬಡವರು ಖರೀದಿಸಬಹುದು...

ಪ್ರಮುಖ ದ್ವಿಚಕ್ರ ವಾಹನ ವಾಹನ ಕಂಪನಿಯಾದ ಬಜಾಜ್ (Bajaj), ಇಂದು ಚೇತಕ್ ಎಲೆಕ್ಟ್ರಿಕ್ ಸ್ಕೂಟರ್ ವಿಭಾಗಕ್ಕೆ ಹೊಸ 'ಬಜಾಜ್ ಚೇತಕ್ C25' (Bajaj Chetak C25) ಅನ್ನು ಬಿಡುಗಡೆ ಮಾಡಿದೆ. ಸುಲಭ ನಗರ ಪ್ರಯಾಣಕ್ಕಾಗಿ ವಿನ್ಯಾಸಗೊಳಿಸಲಾದ ಚೇತಕ್ C25, ಬ್ರಾಂಡ್‌ಗೆ ಸಣ್ಣ ಸ್ಕೂಟರ್ ಆಗಿದ್ದರೂ ದೃಢತೆ ಮತ್ತು ವಿಶ್ವಾಸಾರ್ಹತೆಯಲ್ಲಿ ದೊಡ್ಡದಾಗಿದೆ. ಇದು ಹಗುರವಾದ, ಸುಲಭವಾದ ಸವಾರಿ ಅನುಭವವನ್ನು ನೀಡುತ್ತದೆ, ದೈನಂದಿನ ಪ್ರಯಾಣವನ್ನು ಸುಲಭವಾಗಿಸುತ್ತದೆ. ಇದರ ಕಡಿಮೆ ಬೆಲೆ, ಆಕರ್ಷಕ ವಿನ್ಯಾಸ, ಆಧುನಿಕ ಫಿಚರ್ಸ್ ಎಂಥವರನ್ನೂ ಸೆಳೆಯಲಿದೆ ಎಂದು ಬಜಾಜ್ ಹೇಳಿದೆ.

ಪ್ರಸ್ತುತ ಪ್ಲಾಸ್ಟಿಕ್ ಮತ್ತು ಫೈಬರ್ ಮೆಟೀರಿಯಲ್‌ಗಳಿಂದ ನಿರ್ಮಾಣವಾಗಿರುವ ಸ್ಕೂಟರ್‌ಗಳಿಗಿಂತ ಭಿನ್ನವಾಗಿ, ಚೇತಕ್ ತನ್ನ ದೃಢವಾದ ಮೆಟಲ್ ಬಾಡಿಯೊಂದಿಗೆ ನಿರ್ಮಾಣವಾಗಿದೆ. ಗ್ರಾಹಕರು, ಕುಟುಂಬಗಳು, ಯುವಕರು, ಮಹಿಳೆಯರು ಮತ್ತು ಯುವ ದಂಪತಿಗಳು ಸೇರಿದಂತೆ ಭಾರತದಲ್ಲಿ ಪ್ರತಿಯೊಬ್ಬರಿಂದ ಬಲವಾದ ಸ್ವೀಕಾರವನ್ನು ಪಡೆಯಲಿದೆ. ಇಂಧನ ಚಾಲಿತ ಸ್ಕೂಟರ್‌ಗಳಿಂದ ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಕಡೆಗೆ ವಾಲುತ್ತಿರುವವರಿಗೆ ಚೇತಕ್ C25 ಬೆಸ್ಟ್ ಆಯ್ಕೆಯಾಗಲಿದೆ.

ಹೊಸ ಬಜಾಜ್ ಚೇತಕ್ C25 ನಯವಾದ, ರೆಟ್ರೋ-ಕ್ಲಾಸಿಕ್ ಡಿಸೈನ್‌ನೊಂದಿಗೆ ಪ್ರೀಮಿಯಂ ಮೆಟಲ್ ಬಾಡಿ, ಸಿಗ್ನೇಚರ್ DRL ಹೆಡ್‌ಲ್ಯಾಂಪ್, ಜಾಯಿಂಟ್‌ಗಳಿಲ್ಲದ ಮೊನೊ - ಬಾಡಿ ನಿರ್ಮಾಣ ಮತ್ತು ರೋಮಾಂಚಕ ಬಣ್ಣ ಆಯ್ಕೆಗಳು, ಸ್ಕೂಟರ್‌ಗೆ ಸ್ವಚ್ಛ ಮತ್ತು ವಿಶಿಷ್ಟವಾದ ಪ್ರೀಮಿಯಂ ಲುಕ್ ನೀಡುತ್ತವೆ. ವಿಶಿಷ್ಟವಾದ ಸ್ಟ್ರೀಟ್ ಆರ್ಟ್‌ನಿಂದ ಪ್ರೇರಿತವಾದ ಗ್ರಾಫಿಕ್ಸ್‌ನೊಂದಿಗೆ ಆರು ರೋಮಾಂಚಕ ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದೆ.

ಇದರ ಘನ ನಿರ್ಮಾಣ, ವೇಗವುಳ್ಳ ರೇಷಿಯೋಗಳು ಮತ್ತು ಚುರುಕಾದ ನಿರ್ವಹಣೆಯು, ದಟ್ಟವಾದ ಸಂಚಾರ ಮತ್ತು ಬಿಗಿಯಾದ ನಗರ ಸ್ಥಳಗಳ ಮೂಲಕ ಸುಲಭವಾಗಿ ಚಲಿಸುವಂತೆ ಮಾಡುತ್ತದೆ. 2.5 kWh ಬ್ಯಾಟರಿಯಿಂದ ನಡೆಸಲ್ಪಡುವ ಚೇತಕ್ C25' ಸಿಂಗಲ್ ಚಾರ್ಜ್‌ನಲ್ಲಿ 113 ಕಿ.ಮೀ ವರೆಗೆ ರೇಂಜ್ ನೀಡುತ್ತದೆ. ಗಂಟೆಗೆ 55 ಕಿ.ಮೀ ಟಾಪ್ ಸ್ಪೀಡ್ ಮತ್ತು ಕೇವಲ 2.25 ಗಂಟೆಗಳಲ್ಲಿ ಶೇ80 ರಷ್ಟು ಚಾರ್ಜ್ ಆಗುತ್ತದೆ.

ದೈನಂದಿನ ನಗರ ಬಳಕೆಗೆ ಸಂಪೂರ್ಣವಾಗಿ ಹೊಂದಿಕೊಳ್ಳುವ ಈ ಸ್ಕೂಟರ್ 25-ಲೀಟರ್ ಬೂಟ್ ಜಾಗವನ್ನು ನೀಡುವ ಮೂಲಕ ಹೆಚ್ಚುವರಿ ಸರಕುಗಳನ್ನು ಸಾಗಿಸಲು ಅನುಕೂಲತೆ ನೀಡುತ್ತದೆ. ದೈನಂದಿನ ಕೆಲಸಗಳಿಗೆ ಅಥವಾ ಒಂದು ಕುಟುಂಬಕ್ಕೆ ಒಂದು ವಾರದ ದಿನಸಿ ವಸ್ತುಗಳಿಗೆ ಸಾಕಷ್ಟು ಸ್ಥಳಾವಕಾಶವನ್ನು ನೀಡುತ್ತದೆ. ಹಿಲ್ ಹೋಲ್ಡ್ ಅಸಿಸ್ಟ್, ಗೈಡ್ ಮಿ ಹೋಮ್ ಮತ್ತು ಡಿಸ್ಕ್ ಬ್ರೇಕ್‌ಗಳಂತಹ ಪ್ರೀಮಿಯಂ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಚೇತಕ್‌ನ ಸಿಗ್ನೇಚರ್ ಮೆಟಲ್ ಬಾಡಿ ಹೊಂದಿರುವ ಸ್ಟೈಲಿಶ್, ಅಗೈಲ್ ಎಲೆಕ್ಟ್ರಿಕ್ ಸ್ಕೂಟರ್, 2.5 kWh ಬ್ಯಾಟರಿಯಿಂದ ಚಾಲಿತವಾಗಿದ್ದು, ಒಮ್ಮೆ ಫುಲ್ ಚಾರ್ಜ್‌ ಮಾಡಿ 113 ಕಿ.ಮೀವರೆಗೆ ಓಡಿಸಬಹುದು. ರೂ. 91,399 (ಎಕ್ಸ್-ಶೋರೂಂ) ಬೆಲೆಯ ಹೊಸ ಚೇತಕ್ C25 ಭಾರತದಾದ್ಯಂತ ಚೇತಕ್‌ನ ಎಲ್ಲಾ ಮಳಿಗೆಳಲ್ಲಿ ಈಗ ಖರೀದಿಗೆ ಲಭ್ಯವಿದೆ.

ಚೇತಕ್‌ನ ವ್ಯಾಪಕ ಸರ್ವಿಸ್ ನೆಟ್‌ವರ್ಕ್‌ನಿಂದ ಬೆಂಬಲಿತವಾದ C25, ಯಾವುದೇ ಸಮಸ್ಯೆ ಬಂದರೂ ತ್ವರಿತ ಪರಿಹಾರವನ್ನು ಪಡೆಯಬಹುದು. ಈ ಸ್ಕೂಟರ್ ಮೊದಲ ಬಾರಿಯ EV ಖರೀದಿದಾರರು ಮತ್ತು ದೈನಂದಿನ ನಗರ ಪ್ರಯಾಣಕ್ಕಾಗಿ ತಮ್ಮ ಮನೆಗಳಿಗೆ ಎರಡನೇ ಸ್ಕೂಟರ್ ಅನ್ನು ಖರೀದಿಸಲು ನೋಡುತ್ತಿರುವವರಿಗೆ ಬಲವಾದ ಆಯ್ಕೆಯಾಗಿದೆ.

ಬಜಾಜ್ ಅರ್ಬನೈಟ್ ಬ್ಯುಸಿನೆಸ್ ಅಧ್ಯಕ್ಷ ಎರಿಕ್ ವಾಸ್ ಮಾತನಾಡಿ, "ಸಣ್ಣ ಪ್ರಯಾಣಗಳು, ಕಿರಿದಾದ ಬೀದಿಗಳು ಮತ್ತು ಸ್ವತಂತ್ರ ಚಲನೆಗೆ ಹೆಚ್ಚುತ್ತಿರುವ ಅಗತ್ಯಗಳನ್ನು ಪೂರೈಸಲು ಈ ಸ್ಕೂಟರ್ ಅನ್ನು ಪರಿಚಯಿಸಲಾಗಿದೆ. ಇದರ ರೂಪವು ಸಾಂದ್ರ ಮತ್ತು ಸಮಕಾಲೀನವಾಗಿದ್ದರೂ, ಮೂಲಭೂತ ಅಂಶಗಳು ನಿಸ್ಸಂದೇಹವಾಗಿ ಚೇತಕ್ ಆಗಿ ಉಳಿದಿವೆ. ಬ್ರ್ಯಾಂಡ್ ತಲೆಮಾರುಗಳಿಂದ ನಿಂತಿರುವ ನಂಬಿಕೆ ಮತ್ತು ವಿಶ್ವಾಸವನ್ನು ನೀಡುವುದನ್ನು ಮುಂದುವರಿಸುತ್ತದೆ" ಎಂದರು.