'ಡೈನಾಮಿಕ್ ಹೀರೊ' ಪ್ರಜ್ವಲ್ ಸ್ಟೈಲಲ್ಲಿ ಎಂಟ್ರಿ ಕೊಟ್ಟ ಹ್ಯೊಸಂಗ್

ಈ ಹಿಂದೆ 2014 ಆಟೋ ಎಕ್ಸ್ ಪೋದಲ್ಲಿ ಲಾಂಚ್ ಆಗಿದ್ದ ಅಕ್ವಿಲಾ 250 ಆವೃತ್ತಿಯು 2.70 ಲಕ್ಷ ರು.ಗಳಷ್ಟು ದುಬಾರಿಯಾಗಿದೆ.

ಸರ್‌ಫೆರ್ಸ್ ಆಟೋಮೋಟಿವ್ ಬೆಂಗಳೂರಿನ ಎರಡನೇ ಶೋ ರೂಂ ಆಗಿರಲಿದ್ದು, ಒಟ್ಟಾರೆಯಾಗಿ ದೇಶದ್ಯಾಂತ ತನ್ನ ಶೋ ರೂಂ ಸಂಖ್ಯೆಗಳನ್ನು 34ಕ್ಕೆ ವೃದ್ಧಿಸಿದೆ.

ಬೆಂಗಳೂರಿನಲ್ಲಿ 550-600 ಬೈಕ್‌ಗಳನ್ನು ಮಾರಾಟ ಮಾಡುತ್ತಿರುವ ಹ್ಯೊಸಂಗ್ ದೇಶದ್ಯಾಂತ 3500 ಯುನಿಟ್‌ಗಳನ್ನು ಸೇಲ್ ಮಾಡುತ್ತಿದೆ.

ಅಂದ ಹಾಗೆ ಅಕ್ವಿಲಾ 250, 4 ಸ್ಟ್ರೋಕ್ ಡಿಒಎಚ್‌ಸಿ, 8 ವಾಲ್ವೆ, ವಿ ಟ್ವಿನ್, 249 ಸಿಸಿ, ಒಯಿಲ್ ಕೂಲ್ಡ್ ಎಲೆಕ್ಟ್ರಾನಿಕ್ ಫ್ಯೂಯಲ್ ಇಂಜೆಕ್ಟಡ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 5 ಸ್ಪೀಡ್ ಟ್ರಾನ್ಸ್‌ಮಿಷನ್ ಹೊಂದಿರಲಿದೆ. ಇದು 26.21 ಅಶ್ವಶಕ್ತಿ ಉತ್ಪಾದಿಸುವ (21.37 ಎನ್‌ಎಂ ಟಾರ್ಕ್) ಸಾಮರ್ಥ್ಯ ಹೊಂದಿದೆ.

ಅಕ್ವಿಲಾ 250 ಬೈಕ್ 2282 ಎಂಎಂ ಉದ್ದ, 875 ಎಂಎಂ ಅಗಲ ಮತ್ತು 1096 ಎಂಎಂ ಎತ್ತರ ಹೊಂದಿರಲಿದೆ. ಹಾಗೆಯೇ 1515 ಎಂಎಂ ವೀಲ್ ಬೇಸ್ ಕೂಡಾ ಪಡೆದುಕೊಂಡಿದೆ. ಇದರ ಕರ್ಬ್ ವೇಟ್ 179 ಕೆ.ಜಿ.

ಇದರ ಫ್ರಂಟ್ ವೀಲ್ 16 ಇಂಚು ಹಾಗೂ ಹಿಂದುಗಡೆ 15 ಇಂಚು ಹೊಂದಿರಲಿದೆ. ಹಾಗೆಯೇ ಮುಂದುಗಡೆ ಸಿಂಗಲ್ ಡಿಸ್ಕ್ ಹಾಗೂ ಹಿಂದುಗಡೆ ಡ್ರಮ್ ಬ್ರೇಕ್ ಲಗತ್ತಿಸಲಾಗಿದೆ.

ದರ ಮಾಹಿತಿ (ಎಕ್ಸ್ ಶೋ ರೂಂ ಬೆಂಗಳೂರು)

• ಅಕ್ವಿಲಾ 250 - 2.70 ಲಕ್ಷ ರು.
• ಜಿಟಿ250 ಆರ್ - 2.80 ಲಕ್ಷ ರು.
• ಜಿಟಿ 650 ಎನ್ - 4.04 ಲಕ್ಷ ರು.
• ಜಿಟಿ650 ಆರ್ - 4.87 ಲಕ್ಷ ರು.
• ಅಕ್ವಿಲಾ ಪ್ರೊ 650 - 5.35 ಲಕ್ಷ ರು.
• ಎಸ್‌ಟಿ 7 - 6.10 ಲಕ್ಷ ರು.



ನೈಜ ಕ್ರೂಸರ್ ಬೈಕ್ ಎಂದೇ ಬಿಂಬಿಸಲ್ಪಟ್ಟಿರುವ ಹ್ಯೊಸಂಗ್ ಅಕ್ವಿಲಾ 250, ಸವಾಲು ರಹಿತ ರೈಡಿಂಗ್ ಗುಣಮಟ್ಟತೆ, ನಿರ್ವಹಣೆ, ಆರಾಮದಾಯಕ ಮತ್ತು ಸ್ಥಿರತೆಯ ಚಾಲನೆಯನ್ನು ಪ್ರದಾನ ಮಾಡಲಿದೆ.



ಬೆಂಗಳೂರಿನ ತೆರೆದುಕೊಂಡಿರುವ ನೂತನ 'ಸರ್‌ಫೆರ್ಸ್ ಆಟೋಮೋಟಿವ್' ಶೋ ರೂಂ 3ಎಸ್ ವೈಶಿಷ್ಟ್ಯತೆಯನ್ನು ಹೊಂದಿರಲಿದೆ. ಅದರೆ ಸೇಲ್ಸ್, ಸರ್ವೀಸ್ ಮತ್ತು ಸ್ಪೇರ್ ಸೌಲಭ್ಯಗಳು ಇಲ್ಲಿ ದೊರಕಲಿದೆ.



ಇದರ ಜತೆಗೆ 24*7 ತುರ್ತು ಸರ್ವೀಸ್ ಸೇವೆಯನ್ನು ಡಿಎಸ್‌ಕೆ ಹ್ಯೊಸಂಗ್ ಆರಂಭಿಸಿದೆ. ಈ ಸಂದರ್ಭದಲ್ಲಿ ಗ್ರಾಹಕರಿಗೆ 24*7 ಬ್ರೇಕ್ ಡೌನ್ ಸರ್ವೀಸ್, ಓನ್ ಸೈಟ್ ಎಮರ್ಜನ್ಸಿ ರಿಪೇರಿ, ಬ್ಯಾಟರಿ ಜಂಪ್‌ಸ್ಟಾರ್ಟ್, ಇಂಧನ ವಿತರಣೆ, ಲಾಸ್ಟ್ ಕೀ ನೆರವು ಮತ್ತು ಟ್ಯಾಕ್ಸಿ ಡ್ರಾಪ್ ಸೇವೆಗಳು ದೊರಕಲಿದೆ.