ಆಕ್ಟಿವಾ ಓಟಕ್ಕೆ ಕಡಿವಾಣ ಹಾಕಿತೇ ಸ್ಪ್ಲೆಂಡರ್?

ಕಳೆದ ಒಂದು ವರ್ಷದೊಳಗೆ ಎರಡು ಬಾರಿ (2013 ಸೆಪ್ಟೆಂಬರ್, 2014 ಮಾರ್ಚ್) ಮಾಸಿಕ ಮಾರಾಟದಲ್ಲಿ ಸ್ಪ್ಲೆಂಡರ್ ಮಾರಾಟವನ್ನು ಆಕ್ಟಿವಾ ಹಿಂದಿಕ್ಕಿತ್ತು. ಇದು ಸ್ಪ್ಲೆಂಡರ್ ಖ್ಯಾತಿಗೆ ಚ್ಯುತಿ ತಂದಿತ್ತು.

ಇದರಂತೆ ಇತ್ತೀಚೆಗಷ್ಟೇ ಪರಿಚಯವಾಗಿರುವ ಸ್ಟಾರ್ಟ್/ಸ್ಟಾಪ್ ತಂತ್ರಜ್ಞಾನದ ಸ್ಪ್ಲೆಂಡರ್ ಐಸ್ಮಾರ್ಟ್ ಉತ್ಪಾದನಾ ಸಾಮರ್ಥ್ಯವನ್ನು 800 ಯುನಿಟ್‌ಗಳಿಂದ 1200 ಯುನಿಟ್‌ಗಳಿಗೆ ಏರಿಸಲು ನಿರ್ಧರಿಸಲಾಗಿದೆ.

ಹಾಗೆಯೇ 100ಸಿಸಿ ಸ್ಪ್ಲೆಂಡರ್ ಆವೃತ್ತಿಗಳಾದ ಪ್ರೊ, ಸ್ಪ್ಲೆಂಡರ್ ಪ್ಲಸ್ ಹಾಗೂ 125 ಸಿಸಿ ಸೂಪರ್ ಸ್ಪ್ಲೆಂಡರ್ ನಿರ್ಮಾಣ ಸಾಮರ್ಥ್ಯ ಸಹ ವೃದ್ಧಿಯಾಗಲಿದೆ.

ರಾಜಸ್ತಾನದಲ್ಲಿರುವ ನೀಮ್‌ರಾನಾ ಘಟಕದ ಕಾರ್ಯಾಚರಣೆ ಆರಂಭದ ಬಳಿಕ ನಿರ್ಮಾಣ ಸಾಮರ್ಥ್ಯ ಉತ್ತೇಜನ ತುಂಬಲಿದೆ. ಈ 7.5 ಲಕ್ಷದ ಘಟಕದ ಜತೆಗೆ ಗುರ್ಗಾಂವ್, ದಾರುಹೇರಾ ಹಾಗೂ ಹರಿದ್ವಾರಗಳಲ್ಲೂ ಹೀರೊ ಘಟಕ ಕಾರ್ಯಾಚರಿಸಲಿದೆ.

ಈ ನಡುವೆ ಆಕ್ಟಿವಾ 125 ಸಹ ಬಿಡುಗಡೆಯಾಗಿರುವುದು ಸ್ಪ್ಲೆಂಡರ್‌ಗೆ ಎಚ್ಚರಿಕೆಯ ಕರೆಗಂಟೆಯಾಗಿ ಪರಿಣಮಿಸಿದೆ. ಈ ಹಿನ್ನಲೆಯಲ್ಲಿ ಹೊಸತಾದ ಐಸ್ಮಾರ್ಟ್ ಮುಖಾಂತರ ತಿರುಗೇಟು ನೀಡುವ ಇರಾದೆಯಲ್ಲಿದೆ.