ಸೂಪರ್ ಸ್ಪ್ಲೆಂಡರ್ ಸೂಪರೋ ಸೂಪರ್

ನೂತನ ಸೂಪರ್ ಸ್ಪ್ಲೆಂಡರ್ ಹೊಸತಾದ ಬಾಡಿ ಗ್ರಾಫಿಕ್ಸ್ ಜೊತೆ ರೆಡ್, ಬ್ಲ್ಯಾಕ್, ಗ್ರೇ ಹಾಗೂ ಬ್ಲೂ ಬಣ್ಣಗಳನ್ನು ಪಡೆಯಲಿದೆ.

ಇನ್ನುಳಿದಂತೆ ಬ್ಲ್ಯಾಕ್ ಅಲಾಯ್ ವೀಲ್ ಸ್ಟಾಂಡರ್ಡ್ ಆಗಿ ಲಭ್ಯವಾಗಲಿದೆ. ಅಷ್ಟೇ ಅಲ್ಲದೆ ಸ್ಪ್ಲೆಂಡರ್ ಐ-ಸ್ಮಾರ್ಟ್‌ನಲ್ಲಿರುವಂತಹ ಸೈಡ್ ಸ್ಟಾಂಡ್ ವಾರ್ನಿಂಗ್ ಇಂಡಿಕೇಟರ್ ಸಹ ಪಡೆದುಕೊಳ್ಳಲಿದೆ.

ಹಾಗಿದ್ದರೂ ತಾಂತ್ರಿಕತೆಯಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಇದು ಫೋರ್ ಸ್ಟ್ರೋಕ್, ಸಿಂಗಲ್ ಸಿಲಿಂಡರ್, ಏರ್ ಕೂಲ್ಡ್ 124.7 ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 9 ಬಿಎಚ್‌ಪಿ ಉತ್ಪಾದಿಸಲಿದೆ. ಹಾಗೆಯೇ ಫೋರ್ ಸ್ಪೀಡ್ ಗೇರ್ ಬಾಕ್ಸ್ ಸಹ ಪಡೆದುಕೊಳ್ಳಲಿದೆ.

ಇದೇ ಸಂದರ್ಭದಲ್ಲಿ ಬೇಡಿಕೆ ಕುಸಿತದ ಹಿನ್ನಲೆಯಲ್ಲಿ ಸೂಪರ್ ಸ್ಪ್ಲೆಂಡರ್ ಡಿಸ್ಕ್ ಬ್ರೇಕ್ ಆಯ್ಕೆಯನ್ನು ನಿಲ್ಲಿಸಲು ಹೀರೊ ನಿರ್ಧರಿಸಿದೆ. ಬದಲಾಗಿ ಎರಡು ಬದಿಗಳಲ್ಲೂ 130 ಎಂಎಂ ಡ್ರಮ್ ಬ್ರೇಕ್ ಪಡೆಯಲಿದೆ.

ಅಂದ ಹಾಗೆ ಪರಿಷ್ಕೃತ ಹೀರೊ ಸೂಪರ್ ಸ್ಪ್ಲೆಂಡರ್ ದೆಹಲಿ ಎಕ್ಸ್ ಶೋ ರೂಂ ದರ 51.250 ರು.ಗಳಾಗಿವೆ.