ಸ್ಪೋರ್ಟ್ಸ್ ಕಾರು ಉತ್ಪಾದಕರಿಂದ ಸೂಪರ್ ಬೈಕ್ ತಯಾರಿ

ಬ್ರಿಟನ್‌ನ ಜನಪ್ರಿಯ ಸ್ಪೋರ್ಟ್ಸ್ ಕಾರು ಉತ್ಪಾದಕರಾದ ಲೋಟಸ್, ಸದ್ಯದಲ್ಲೇ ದ್ವಿಚಕ್ರ ವಾಹನ ಮಾರುಕಟ್ಟೆಗೂ ಎಂಟ್ರಿ ಕೊಡಲಿದೆ. ಹಗುರ ಭಾರದ ವಾಹನಗಳನ್ನು ಉತ್ಪಾದಿಸುವುದರಲ್ಲಿ ಹೆಸರುವಾಸಿಯಾಗಿರುವ ಲೋಟಸ್ ಇದೀಗ ನಿಕಟ ಭವಿಷ್ಯದಲ್ಲಿ ನೂತನ 'ಸಿ-01' (C-01) ಸೂಪರ್ ಬೈಕ್ ಪರಿಚಯಿಸುವುದಾಗಿ ಘೋಷಿಸಿದೆ.

ಇದರಂತೆ ಬೈಕ್ ಉತ್ಸಾಹಿಗಳನ್ನು ಇನ್ನಷ್ಟು ಖುಷಿಪಡಿಸುವ ನಿಟ್ಟಿನಲ್ಲಿ ಈಗಾಗಲೇ ಟೀಸರ್ ಇಮೇಜ್ ಅನ್ನು ಬಿಡುಗಡೆಗೊಳಿಸಲಾಗಿದೆ. ಸಿ-01 ಒಂದು ಹೈಪರ್ ಬೈಕ್ ಆಗಿರಲಿದ್ದು, ಸಾರ್ವಜನಿಕ ಸಾರಿಗೆಯಲ್ಲಿ ತನ್ನದೇ ಆದ ವಿಶೇಷ ಛಾಪು ಮೂಡಿಸಲಿದೆ ಎಂದು ಕಂಪನಿಯು ವಿಶ್ವಾಸ ವ್ಯಕ್ತಪಡಿಸಿದೆ.

ನೂತನ ಬೈಕ್ 'ಸಂಯೋಜಿತ ರೇಸಿಂಗ್ ತಂತ್ರಗಾರಿಕೆ'ಯೊಂದಿಗೆ ಆಗಮನವಾಗಲಿದೆ. ಇದೀಗ ಲೋಟಸ್ ಆಕರ್ಷಕ ಟೀಸರ್ ಇಮೇಜ್ ಹಾಗೂ ಹೆಚ್ಚಿನ ವಿವರಗಳಿಗಾಗಿ ಫೋಟೊ ಫೀಚರ್ ಕ್ಲಿಕ್ಕಿಸಿರಿ...

ಬಲ್ಲ ಮೂಲಗಳ ಪ್ರಕಾರ C-01 ಬೈಕ್ ಲೋಟಸ್‌ನ ನೈಜ ಉತ್ಪನ್ನವಲ್ಲ. ಹಾಗಿದ್ದರೂ ಲೋಟಸ್ ಬ್ರಾಂಡ್ ಹಾಗೂ ಲೊಗೊವನ್ನು ಇದರಲ್ಲಿ ಆಳವಡಿಸಲಾಗಿದೆ.

ಡಿಸೈನರ್ ಡ್ಯಾನಿಯಲ್ ಸಿಮೊನ್ ಎಂಬವರು ಸಿ-01 ಬೈಕನ್ನು ವಿನ್ಯಾಸಗೊಳಿಸಿದ್ದಾರೆ.

ನಿಮ್ಮ ಮಾಹಿತಿಗಾಗಿ ಈ ಹಿಂದೆ ಫೋಕ್ಸ್‌ವ್ಯಾಗನ್ ಜತೆ ಕಾರ್ಯ ನಿರ್ವಹಿಸಿದ್ದ ಡ್ಯಾನಿಯಲ್ ಇದೀಗ ಲೋಟಸ್ ಜತೆ ಕೈಜೋಡಿಸಿಕೊಂಡಿದ್ದಾರೆ.

ಅಂದ ಹಾಗೆ ಸಿ-01 ಮೋಟಾರ್ ಸೈಕಲ್ 200 ಅಶ್ವಶಕ್ತಿ ಉತ್ಪಾದಿಸುವ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ.