2013ರಲ್ಲೇ ಎನ್ಫೀಲ್ಡ್ ಕೆಫೆ ರೇಸರ್ ಎಂಟ್ರಿ
ಪ್ರತಿಷ್ಠಿತ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾದ ರಾಯಲ್ ಎನ್ಫೀಲ್ಡ್, ಭಾರತದಲ್ಲಿ 2013 ಮಧ್ಯಂತರ ಅವಧಿಯಲ್ಲಿ ಕೆಫೆ ರೇಸಲ್ ಪರಿಚಯಿಸಲಿದ್ದು, ಈಗಾಗಲೇ ಯಶಸ್ವಿ ಟೆಸ್ಟ್ ಡ್ರೈವಿಂಗ್ ಪೂರ್ಣಗೊಳಿಸಿದೆ.
ಈ 535ಸಿಸಿ ಬೈಕನ್ನು ಭಾರತೀಯರು ಕುತೂಹಲದಿಂದ ಕಾಯುತ್ತಿದ್ದಾರೆ. ನೂತನ ಬೈಕ್ 535 ಸಿಸಿ ಎಂಜಿನ್ನಿಂದ ನಿಯಂತ್ರಿಸಲ್ಪಡಲಿದ್ದು, ಸಿಂಗಲ್ ಸಿಲಿಂಡರ್ ಫೈವ್ ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಹೊಂದಿರಲಿದೆ.
ಕೆಫೆ ರೇಸರ್ 36 ಬಿಎಚ್ಪಿ ಪೀಕ್ ಪವರ್ ಉತ್ಪಾದಿಸಲಿದ್ದು, 45 ಎನ್ಎಂ ಟರ್ಕ್ಯೂ ಹೊಂದಿರಲಿದೆ. ಇದರ ಕಡಿಮೆ ಭಾರದ ಶಕ್ತಿಶಾಲಿ ಎಂಜಿನ್ ಅತ್ಯುತ್ತಮ ನಿರ್ವಹಣೆಗೆ ಸಹಕಾರಿಯಾಗಲಿದೆ. ಇದು ದೇಶಕ್ಕೆ ಪರಿಚಯವಾಗಲಿರುವ ರಾಯಲ್ ಎನ್ಫೀಲ್ಡ್ನ ಅತಿ ವೇಗದ ಬೈಕ್ ಆಗಿರಲಿದೆ.

ರಾಯಲ್ ಎನ್ಫೀಲ್ಡ್ ಕೆಫೆ ರೇಸರ್ 535ಸಿಸಿ ಟೆಸ್ಟಿಂಗ್
ಫೋಟೊ ಕೃಪೆ: ಆಟೋಕಾರ್ಇಂಡಿಯಾ ಡಾಟ್ ಕಾಮ್

ಸಮೀಪದ ಹೋಂಡಾ ಸಿಬಿಆರ್250ಆರ್ ಹಾಗೂ ಕೆಟಿಎಂ ಡ್ಯೂಕ್ 390 ಆವೃತ್ತಿಗಿಂತಲೂ ಭಿನ್ನವಾದರೂ ಸ್ಪರ್ಧಾತ್ಮಕ ದರದ ವಿಷಯದಲ್ಲಿ ರಾಯಲ್ ಎನ್ಫೀಲ್ಡ್ ಪೈಪೋಟಿ ನೀಡುವ ಸಾಧ್ಯತೆಯಿದೆ.

ಅಂದ ಹಾಗೆ ಎನ್ಫೀಲ್ಡ್ ಕೆಫೆ ರೇಸರ್ ದರ ಎರಡು ಲಕ್ಷ ಅಸುಪಾಸಿನಲ್ಲಿರಲಿದೆ.

ರಾಯಲ್ ಎನ್ಫೀಲ್ಡ್ ಕೆಫೆ ರೇಸರ್ ಸ್ಪೋರ್ಟಿ ವಿನ್ಯಾಸ ಖಂಡಿತವಾಗಿಯೂ ಬೈಕ್ ಪ್ರಿಯರನ್ನು ಆಕರ್ಷಿಸಲಿದೆ.

ಒಮ್ಮೆ ಭಾರತದಲ್ಲಿ ಬಿಡುಗಡೆಯಾದ ಬಳಿಕ ಇತರ ಜಾಗತಿಕ ಮಾರುಕಟ್ಟೆಗಳಿಗೂ ಕೆಫೆ ರೇಸರ್ ಆಮದು ಆಗಲಿದೆ.

ಚೆನ್ನೈನ ಘಟಕದಲ್ಲಿ ಕೆಫೆ ರೇಸರ್ 535 ಸಿದ್ಧಗೊಳ್ಳಲಿದೆ. ಆದರೆ ಇತರ ಜನಪ್ರಿಯ ಆವೃತ್ತಿಗಳಂತೆ ಕಾಯುವಿಕೆ ಅವಧಿ ತುಂಬಾನೇ ಅಧಿಕವಿರುವ ಸಾಧ್ಯತೆಯಿದೆ.

ರಾಯಲ್ ಎನ್ಫೀಲ್ಡ್ ಕೆಫೆ ರೇಸರ್ 535ಸಿಸಿ

ರಾಯಲ್ ಎನ್ಫೀಲ್ಡ್ ಕೆಫೆ ರೇಸರ್ 535ಸಿಸಿ



Click it and Unblock the Notifications