ಸುಜುಕಿ ಸೂಪರ್ ಬೈಕ್‌ನ ಹೆಮ್ಮೆಯ ಮಾಲಿಕ ಸಲ್ಮಾನ್

ಜಪಾನ್‌ನ ಪ್ರಖ್ಯಾತ ವಾಹನ ತಯಾರಕ ಸಂಸ್ಥೆಯಾಗಿರುವ ಸುಜುಕಿಯ ಬೈಕ್‌ಗಳ ಬ್ರಾಂಡ್ ಅಂಬಾಸಿಡರ್ ಕೂಡಾ ಆಗಿರುವ ಸಲ್ಮಾನ್ ಈ ಸಂದರ್ಭದಲ್ಲಿ ಪ್ರತಿಕ್ರಿಯಿಸುತ್ತಾ, ಸುಜುಕಿ ಸೂಪರ್ ಬೈಕ್‌ಗಳು ಯಾವತ್ತೂ ಶ್ರೇಷ್ಠ ತಂತ್ರಗಾರಿಕೆಯನ್ನು ಹೊಂದಿದ್ದು, ಗರಿಷ್ಠ ಶಕ್ತಿ, ನಿರ್ವಹಣೆ, ಚಾಲನಾ ಗುಣಮಟ್ಟತೆ ಮತ್ತು ಹ್ಯಾಂಡ್ಲಿಂಗ್ ಪ್ರದಾನ ಮಾಡುತ್ತಿದೆ ಎಂದಿದ್ದಾರೆ.

ಮಾತು ಮುಂದುವರಿಸಿದ ಸಲ್ಮಾನ್, ಈ ಎಕ್ಸ್‌ಕ್ಲೂಸಿವ್ ಜಿಎಸ್‌ಎಕ್ಸ್-ಆರ್100ಝಡ್, ಸುಜುಕಿಯೆಂಬ ಸೂಪರ್ ಬೈಕ್‌ಗಳ ಕಿರೀಟದಲ್ಲಿ ರತ್ನವಾಗಿರಲಿದೆ ಎಂದು ಹೊಗಳಿದ್ದಾರೆ. ಈ ಬೈಕನ್ನು ತಮ್ಮದಾಗಿಸುವುದು ಪ್ರತಿಯೊಬ ಬೈಕರ್‌ನ ಸೌಲಭ್ಯವಾಗಿದೆ. ಇಲ್ಲಿ ಎಂಜಿನಿಯರ್‌ಗಳ ಕೌಶಲ್ಯ ರೈಡರುಗಳ ಅತ್ಯುತ್ಸುಕತೆಯಾಗಿ ಪರಿವರ್ತನೆಯಾಗುತ್ತದೆ ಎಂದಿದ್ದಾರೆ.

ಪ್ರಸ್ತುತ ಸುಜುಕಿ ಸೂಪರ್ ಬೈಕ್‌ನಲ್ಲಿ ದೀರ್ಘ ಪ್ರಯಾಣವನ್ನು ಎದುರು ನೋಡುತ್ತಿರುವ ತಾನು, ಸ್ವಾತಂತ್ರ್ಯದ ಅನುಭವ ಹಾಗೂ ಸಂತೋಷದ ಭಾಸವಾಗುತ್ತಿದೆ ಎಂದಿದ್ದಾರೆ.

ಜಾಗತಿಕವಾಗಿ ಜಿಎಸ್‌ಎಕ್ಸ್-ಆರ್ ಸೂಪರ್ ಬೈಕ್ ಉತ್ಪಾದನೆಯ 10 ಲಕ್ಷ ಮೈಲುಗಲ್ಲು ಯಶಸ್ಸಿನ ಹಿನ್ನಲೆಯಲ್ಲಿ ಸೀಮಿತ ಆವೃತ್ತಿಯ ಜಿಎಸ್‌ಎಕ್ಸ್-ಆರ್1000ಝಡ್ ಉತ್ಪಾದಿಸಲಾಗುತ್ತಿದೆ. ಇತಿಹಾಸದತ್ತ ಗಮನ ಹಾಯಿಸಿದರೆ 1985ನೇ ಇಸವಿಯಲ್ಲಿ ಮೊದಲ ಜಿಎಸ್‌ಎಕ್ಸ್-ಆರ್ ಜಾಗತಿಕವಾಗಿ ಪರಿಚಯಿಸಲಾಗಿತ್ತು.

ಅಂದ ಹಾಗೆ ಸಲ್ಮಾನ್ ಬಳಿ ಈಗಾಗಲೇ ಸುಜುಕಿ ಹಯಾಬುಸ ಮತ್ತು ಇನ್ಟ್ರುಡರ್ ಎಂ1800 ಕ್ರೂಸರ್ ಬೈಕ್‌ಗಳಿವೆ. ಈ ಪಟ್ಟಿಗೆ ಇನ್ನೊಂದು ಆಕರ್ಷಕ ಬೈಕ್ ಸೇರ್ಪಡೆಯಾಗಿದೆ.