ವೆಸ್ಪಾದಿಂದ ಇನ್ನೊಂದು ಪ್ರೀಮಿಯಂ ಸ್ಕೂಟರ್ ಸದ್ಯದಲ್ಲೇ ಲಾಂಚ್

ಪ್ರೈಮಾವೆರಾ ಎಂಬುದು ಇಟಲಿಯ 'ಸ್ಪ್ರಿಂಗ್' ಪದವಾಗಿದೆ. ಈ ಪದವನ್ನು 1968ರ ಮಾದರಿಗೆ ಮೊದಲು ಆಳವಡಿಸಲಾಗಿತ್ತು. ಪ್ರಸ್ತುತ ಹೆಸರನ್ನೇ 2014 ಮಾದರಿಗೂ ಇಡಲಾಗುತ್ತಿದೆ.

ಒಟ್ಟು ಮೂರು ಎಂಜಿನ್ ವೆರಿಯಂಟ್‌ಗಳಲ್ಲಿ ಪ್ರೈಮಾವೆರಾ ಲಾಂಚ್ ಮಾಡಲಾಗಿತ್ತು. ಅವುಗಳೆಂದರೆ 50, 125 ಹಾಗೂ 150 ಸಿಸಿಗಳು.

ವೆಸ್ಪಾ ಪ್ರಕಾರ ಪ್ರೈಮಾವೆರಾ ಸ್ಕೂಟರುಗಳು ಪ್ರತಿ ಲೀಟರ್‌ಗೆ 64 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ.

ಹಾಗಿದ್ದರೂ ಎಲ್‌ಎಕ್ಸ್ ಮಾದರಿಯ ಕೆಲವೊಂದು ವಿನ್ಯಾಸಗಳನ್ನು 2014 ಪ್ರೈಮಾವೆರಾ ಆವೃತ್ತಿಯಲ್ಲೂ ಆಳವಡಿಸುವ ಪ್ರಯತ್ನ ಮಾಡಲಾಗಿದೆ. ಈ ಪೈಕಿ ಎಲ್‌ಎಕ್ಸ್ ಮಾದರಿಯ ಮುಖ ಆವರಣ ಪ್ರಮುಖವಾಗಿದೆ.

ಪರಿಷ್ಕೃತ ಸೀಟು, ಎಕ್ಸಾಸ್ಟ್ ಮಫ್ಲರ್, ಫೈ ಸ್ಪೋಕ್ ವೀಲ್ಸ್ ಹಾಗೂ ಹೆಚ್ಚು ಸ್ಥಳಾವಕಾಶವನ್ನು ಹೊಂದಿರುವ ಅಂಡರ್ ಸೀಟು ಪ್ರಮುಖ ಆಕರ್ಷಣೆಯಾಗಿದೆ.

ಸ್ಕೂಟರ್ ಮುಂಭಾಗದಲ್ಲಿ 200ಎಂಎಂ ಡಿಸ್ಕ್ ಬ್ರೇಕ್ ಕೊಡಲಾಗಿದೆ. ಹಾಗೆಯೇ ಹಿಂಭಾಗದಲ್ಲಿ ಡ್ರಮ್ ಬ್ರೇಕ್ ಸೌಲಭ್ಯವಿದೆ. ಇನ್ನು ಇನ್ಸ್ರುಮೆಂಟ್ ಕ್ಲಸ್ಟರ್‌ನಲ್ಲಿ ಅನಾಲಾಗ್ ಹಾಗೂ ಎಲ್‌ಸಿಡಿ ಸೇರಿರಲಿದೆ.

ಅಂದ ಹಾಗೆ ವೆಸ್ಪಾ ಪ್ರೈಮಾವೆರಾ ಭಾರತ ಮಾರುಕಟ್ಟೆಯನ್ನು 2014ರಲ್ಲಿ ಪ್ರವೇಶಿಸಲಿದೆ. ಇದಕ್ಕೂ ಮೊದಲು 2014 ದೆಹಲಿ ಆಟೋ ಎಕ್ಸ್‌ಪೋದಲ್ಲಿ ಪ್ರದರ್ಶನ ಕಾಣಲಿದೆ.

ಅಂತೆಯೇ ದರದ ಬಗ್ಗೆ ಹೆಚ್ಚಿನ ಮಾಹಿತಿಗಳು ಹೊರಬಂದಿಲ್ಲ. ಈ ಬಗ್ಗೆ ಬಿಡುಗಡೆ ವೇಳೆ ಸ್ಪಷ್ಟ ಚಿತ್ರಣ ಲಭಿಸುವ ನಿರೀಕ್ಷೆಯಿದೆ.