2015 ಬಿಎಂಡಬ್ಲ್ಯು ಎಕ್ಸ್4 ನ್ಯೂಯಾರ್ಕ್ ಪ್ರವೇಶ

ನ್ಯೂಯಾರ್ಕ್ ಆಟೋ ಶೋದಲ್ಲಿ ಮಗದೊಂದು ಆಕರ್ಷಕ ಕಾರು ಪಾದಾರ್ಪಣೆ ಮಾಡಿಕೊಂಡಿದೆ. ಅದುವೇ 2015 ಬಿಎಂಡಬ್ಲ್ಯು ಎಕ್ಸ್4. ಇದು ಜರ್ಮನಿಯ ಈ ವಾಹನ ತಯಾರಕ ಸಂಸ್ಥೆಯಿಂದ ಎಕ್ಸ್ ರೇಂಜ್‌ನಲ್ಲಿ ಗುರುತಿಸಿಕೊಳ್ಳಲಿರುವ ಮಗದೊಂದು ಐಷಾರಾಮಿ ಕಾರಾಗಿರಲಿದೆ.

ಸಹಜವಾಗಿಯೇ ನೂತನ ಬಿಎಂಡಬ್ಲ್ಯು ಎಕ್ಸ್4, ಎಕ್ಸ್3 ಹಾಗೂ ಎಕ್ಸ್5 ನಡುವೆ ಗುರುತಿಸಿಕೊಳ್ಳಲಿದೆ. ಇದು ಬಿಎಂಡಬ್ಲ್ಯು ಎಕ್ಸ್6 ಸಮಾನವಾದ ವಿನ್ಯಾಸವನ್ನು ಪಡೆದುಕೊಂಡಿದೆ. ತನ್ನ ನೂತನ ಮಾದರಿಯನ್ನು 'ಸ್ಪೋರ್ಟ್ಸ್ ಆಕ್ಟಿವಿಟಿ ಕೂಪೆ' ಎಂದು ಬಿಂಬಿಸಿರುವ ಸಂಸ್ಥೆಯು, ನ್ಯೂಯಾರ್ಕ್ ಆಟೋ ಶೋದಲ್ಲಿ ಭರ್ಜರಿ ಅನಾವರಣಗೊಳಿಸಿದೆ.

ನೂತನ ಎಕ್ಸ್4 ಆವೃತ್ತಿಯಲ್ಲಿ ನಾಲ್ಕು ಮಂದಿಗೆ ಆರಾಮದಾಯಕವಾಗಿ ಪಯಣಿಸಬಹುದಾಗಿದೆ. ಇದು ಪ್ರೀಮಿಯಂ ಮಿಡ್ ಸೈಜ್ ಸೆಡಾನ್ ವಿಭಾಗದಲ್ಲಿ ಗುರುತಿಸಿಕೊಳ್ಳಲಿದೆ.