2025 ಯೆಜ್ಡಿ ರೋಡ್‌ಸ್ಟರ್ ರಿವ್ಯೂ: 300 ಕಿ.ಮೀ ಓಡಿಸಿದ ಬಳಿಕ ನಮ್ಮ ಅನಿಸಿಕೆ

2025 ಯೆಜ್ಡಿ ರೋಡ್‌ಸ್ಟರ್ ಭಾರತದಲ್ಲಿ ಬಿಡುಗಡೆಯಾಗಿದ್ದು, ಇದರ ಆರಂಭಿಕ ಬೆಲೆ ರೂ.2,10,000 (ಶೋರೂಮ್ ಬೆಲೆ) ಇದೆ. ಯೆಜ್ಡಿಯಿಂದ ಬಂದಿರುವ ಈ ಹೊಸ ಕ್ರೂಸರ್ ಮೋಟಾರ್‌ಸೈಕಲ್ ಅನ್ನು ಇತ್ತೀಚೆಗೆ ನಾವು ಓಡಿಸಿ ಸಂಪೂರ್ಣ ರಿವ್ಯೂ ನೀಡಿದ್ದೇವೆ. ಇದು ನವೀಕರಿಸಿದ ಡಿಸೈನ್, ಪರಿಷ್ಕೃತ ಎಂಜಿನ್ ಪರ್ಫಾಮೆನ್ಸ್ ಮತ್ತು ಉತ್ತಮ ಆರಾಮದಾಯಕತೆಯನ್ನು ನೀಡುತ್ತದೆ. ಡಿಸೈನ್ ಮತ್ತು ಪ್ರಾಯೋಗಿಕತೆಯನ್ನು ಬಯಸುವ ಸವಾರರಿಗೆ ಜನಪ್ರಿಯ ಆಯ್ಕೆಯಾಗಿದೆ. ಹೊಸ ವಿನ್ಯಾಸ, ಸವಾರರ ಆರಾಮ ಮತ್ತು ದೃಢವಾದ ಎಂಜಿನ್ ಸೆಟಪ್ ನೀಡಲಾಗಿದೆ. ನಗರ ಮತ್ತು ದೀರ್ಘ ಪ್ರಯಾಣಕ್ಕೆ ಉತ್ತಮ ಸವಾರಿ ಅನುಭವವನ್ನು ನೀಡುತ್ತದೆ.

ವಿನ್ಯಾಸ ಮತ್ತು ಶೈಲಿ

2025 ಯೆಜ್ಡಿ ರೋಡ್‌ಸ್ಟರ್, ಮಸ್ಕುಲರ್ ಫ್ಯೂಲ್ ಟ್ಯಾಂಕ್, ಆಕರ್ಷಕ ಸೈಡ್ ಪ್ಯಾನೆಲ್‌ಗಳು ಮತ್ತು ಅಗಲವಾದ ಹ್ಯಾಂಡಲ್‌ಬಾರ್‌ನೊಂದಿಗೆ ಸಮಕಾಲೀನ ಕ್ರೂಸರ್ ನೋಟವನ್ನು ಹೊಂದಿದೆ. ಮುಂಭಾಗವು ದುಂಡಾದ ಹೆಡ್‌ಲ್ಯಾಂಪ್ ಅನ್ನು ಹೊಂದಿದ್ದರೇ ಹಿಂಭಾಗವು ನಯವಾದ ನೋಟಕ್ಕಾಗಿ ಕನಿಷ್ಠ ಟೈಲ್ ವಿಭಾಗವನ್ನು ಹೊಂದಿದೆ. ಲಾಂಗ್ ರೈಡ್‌ಗಳಲ್ಲಿ ಆರಾಮಕ್ಕಾಗಿ ಸೀಟನ್ನು ಉತ್ತಮವಾಗಿ ವಿನ್ಯಾಸಗೊಳಿಸಲಾಗಿದೆ.

ಪ್ರೀಮಿಯಂ ಹೊಲಿಗೆಯೊಂದಿಗೆ ಮೆತ್ತನೆಯ ಕುಷನ್ ಹಿಂಬದಿ ಸವಾರರಿಗೆ ಬೆಂಬಲವನ್ನು ನೀಡುತ್ತದೆ. 2025 ರೋಡ್‌ಸ್ಟರ್‌ಗಾಗಿ ಲಭ್ಯವಿರುವ ಬಣ್ಣ ಆಯ್ಕೆಗಳಲ್ಲಿ ಹಲವಾರು ಮೆಟಾಲಿಕ್ ಮತ್ತು ಮ್ಯಾಟ್ ಫಿನಿಶ್‌ಗಳು ಸೇರಿವೆ. ಇದು ವೈವಿಧ್ಯಮಯ ಆದ್ಯತೆಗಳನ್ನು ಪೂರೈಸುತ್ತದೆ. ಮೋಟಾರ್‌ಸೈಕಲ್‌ನಾದ್ಯಂತದ ಫಿಟ್ ಮತ್ತು ಫಿನಿಶ್ ಗುಣಮಟ್ಟವು ಇದರ ಬಾಳಿಕೆಗೆ ಯೆಜ್ಡಿ ತೆಗೆದುಕೊಂಡ ಗಮನವನ್ನು ಪ್ರತಿಬಿಂಬಿಸುತ್ತದೆ.

ಎಂಜಿನ್ ಮತ್ತು ಕಾರ್ಯಕ್ಷಮತೆ

2025 ಯೆಜ್ಡಿ ರೋಡ್‌ಸ್ಟರ್, 334 cc, ಸಿಂಗಲ್-ಸಿಲಿಂಡರ್, ಲಿಕ್ವಿಡ್-ಕೂಲ್ಡ್ ಎಂಜಿನ್‌ನಿಂದ ಚಾಲಿತವಾಗಿದೆ. ಈ ಎಂಜಿನ್ 29.1 PS ಪವರ್ ಮತ್ತು 29.6 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ನಿಖರವಾದ ಗೇರ್ ಬದಲಾವಣೆಗಳಿಗಾಗಿ 6-ಸ್ಪೀಡ್ ಗೇರ್‌ಬಾಕ್ಸ್‌ ನೀಡಲಾಗಿದೆ. ರೋಡ್‌ಸ್ಟರ್ ಗಂಟೆಗೆ 130 ಕಿ.ಮೀ ಟಾಪ್ ಸ್ಪೀಡ್ ಹೋಗಬಲ್ಲದು. ಇಂಧನ ದಕ್ಷತೆಯನ್ನು (ಮೈಲೇಜ್) ಪ್ರಮಾಣಿತ ಸವಾರಿ ಪರಿಸ್ಥಿತಿಗಳಲ್ಲಿ ಸುಮಾರು 32 ಕಿ.ಮೀ/ಲೀಟರ್ ಎಂದು ಕಂಪನಿ ಹೇಳಿದೆ.

ವೈಶಿಷ್ಟ್ಯಗಳು ಮತ್ತು ಸುರಕ್ಷತೆ

ವೇಗ, ಇಂಧನ ಮಟ್ಟ, ಟ್ರಿಪ್ ಮೀಟರ್ ಮತ್ತು ಗೇರ್ ಇಂಡಿಕೇಟರ್ ಪ್ರದರ್ಶಿಸುವ ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್‌ ನೀಡಲಾಗಿದೆ. ಆರಾಮಕ್ಕಾಗಿ, ರೋಡ್‌ಸ್ಟರ್ ಅಗಲವಾದ ಹ್ಯಾಂಡಲ್‌ಬಾರ್‌, ಫಾರ್ವರ್ಡ್-ಸೆಟ್ ಫುಟ್‌ಪೆಗ್‌ಗಳು ಮತ್ತು ಸಹಾಯಕ ಸೀಟ್ ವಿನ್ಯಾಸವನ್ನು ಒಳಗೊಂಡಿದೆ. ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ ಡ್ಯುಯಲ್-ಚಾನೆಲ್ ಎಬಿಎಸ್, ಎರಡೂ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್‌ಗಳು ಮತ್ತು ಅತ್ಯುತ್ತಮ ರೋಡ್‌ ಗ್ರಿಪ್‌ಗಾಗಿ MRF ಟೈರ್‌ಗಳು ಸೇರಿವೆ. ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳು, ಹಿಂಭಾಗದಲ್ಲಿ ಟ್ವಿನ್ ಅಬ್ಸಾರ್ಬರ್‌ಗಳು ಇವೆ.

ವೇರಿಯೆಂಟ್‌ಗಳು ಮತ್ತು ಬೆಲೆ

2025 ಯೆಜ್ಡಿ ರೋಡ್‌ಸ್ಟರ್ ಅನ್ನು ಮೂರು ವೇರಿಯೆಂಟ್‌ಗಳಲ್ಲಿ ನೀಡುಲಾಗುತ್ತಿದೆ, ಪ್ರತಿಯೊಂದೂ ವಿಭಿನ್ನ ಬಣ್ಣ ಮತ್ತು ಫಿನಿಶ್ ಆಯ್ಕೆಗಳನ್ನು ಹೊಂದಿದೆ. ಎಕ್ಸ್-ಶೋರೂಮ್ ಬೆಲೆಗಳು ಈ ಕೆಳಗಿನಂತಿವೆ:

ಸ್ಟ್ಯಾಂಡರ್ಡ್ ರೂ. 2,10,000
ಕ್ರೋಮ್ ರೂ. 2,13,000
ಮ್ಯಾಟ್ ರೂ. 2,15,000

ಲಭ್ಯತೆ ಮತ್ತು ಪ್ರತಿಸ್ಪರ್ಧಿಗಳು

2025 ಯೆಜ್ಡಿ ರೋಡ್‌ಸ್ಟರ್ ಭಾರತದಾದ್ಯಂತ ಅಧಿಕೃತ ಯೆಜ್ಡಿ ಡೀಲರ್‌ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ. ಬಿಡುಗಡೆಯಾದ ಎರಡು ವಾರಗಳಲ್ಲಿ ವಿತರಣೆಗಳು ಪ್ರಾರಂಭವಾಗುವ ನಿರೀಕ್ಷೆಯಿದೆ. ಕ್ರೂಸರ್ ಮೋಟಾರ್‌ಸೈಕಲ್ ವಿಭಾಗದಲ್ಲಿ ರಾಯಲ್ ಎನ್‌ಫೀಲ್ಡ್ ಮೀಟಿಯರ್ 350, ಜಾವಾ 42 ಮತ್ತು ಹೋಂಡಾ ಹೆಚ್'ನೆಸ್ ಸಿಬಿ350 ಯೊಂದಿಗೆ ರೋಡ್‌ಸ್ಟರ್ ಸ್ಪರ್ಧಿಸುತ್ತದೆ. ಆಧುನಿಕ ವೈಶಿಷ್ಟ್ಯಗಳು, ವಿಶ್ವಾಸಾರ್ಹ ಕಾರ್ಯಕ್ಷಮತೆ ಮತ್ತು ಸ್ಪರ್ಧಾತ್ಮಕ ಬೆಲೆಗಳೊಂದಿಗೆ, ಪ್ರಾಯೋಗಿಕ ಕ್ರೂಸರ್‌ಗಾಗಿ ಹುಡುಕುತ್ತಿರುವವರಿಗೆ ಪ್ರಬಲ ಆಯ್ಕೆಯಾಗಿದೆ.

ರೈಡಿಂಗ್ ಇಂಪ್ರೆಷನ್

ಹೆಚ್ಚಿನ ವೇಗದಲ್ಲಿ ಸ್ಥಿರತೆಯನ್ನು ಸುಧಾರಿಸಲು ಚಾಸಿಸ್ ಮತ್ತು ಸಬ್‌ಫ್ರೇಮ್ ಅನ್ನು ಸ್ವಲ್ಪ ಕಠಿಣಗೊಳಿಸಿದ್ದಾರೆ. ಸಸ್ಪೆನ್ಷನ್ ಗಟ್ಟಿಯಾಗಿದೆ, ಆದ್ದರಿಂದ ಉತ್ತಮ ರಸ್ತೆಗಳಲ್ಲಿ ಹೆಚ್ಚಿನ ವೇಗದ ಸವಾರಿಗಳು ತುಂಬಾ ಚೆನ್ನಾಗಿರುತ್ತವೆ. ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಮತ್ತು ಹಿಂಭಾಗದಲ್ಲಿ ಡ್ಯುಯಲ್ ಶಾಕ್ ನೀಡಿರುವುದರಿಂದ ನೀವು ಉಬ್ಬುಗಳಿಂದ ಕೂಡಿದ ರಸ್ತೆಯಲ್ಲಿ ಪ್ರಯಾಣಿಸಿದರೆ, ನಿಮ್ಮ ದೀರ್ಘ ಸವಾರಿಗಳ ನಂತರ ಸ್ವಲ್ಪ ನೋವು ಬರಬಹುದು. ಹಿಂಭಾಗದ ಸಸ್ಪೆನ್ಷನ್ ಇನ್ನೂ ಸ್ವಲ್ಪ ಉತ್ತಮವಾಗಿರಬಹುದಿತ್ತು.

ಸೀಟ್ ತುಂಬಾ ಆರಾಮದಾಯಕವಾಗಿದೆ, ಹೆಚ್ಚುವರಿ ಕುಷನಿಂಗ್‌ನೊಂದಿಗೆ ಬರುತ್ತದೆ, ಇದು ದೀರ್ಘ ಅಥವಾ ಸಣ್ಣ ಸವಾರಿಗಳನ್ನು ಸುಲಭಗೊಳಿಸುತ್ತದೆ. ಅತ್ಯುತ್ತಮ ವಿಷಯವೆಂದರೆ ಅದರ ಸವಾರಿ ಸ್ಥಾನ. ತುಂಬಾ ಆರಾಮದಾಯಕ ಮತ್ತು ಐಚ್ಛಿಕ ಫ್ಲಾಟ್ ಹ್ಯಾಂಡಲ್ ಬಾರ್ ಸವಾರಿಗೆ ಹೆಚ್ಚು ಮೋಜನ್ನು ನೀಡುತ್ತದೆ. ಹೆದ್ದಾರಿಗಳಲ್ಲಿ ಬೈಕು ನಿಮಗೆ ಮತ್ತು ನಿಮ್ಮ ಪ್ರಯಾಣಕ್ಕೆ ಸಂಪೂರ್ಣವಾಗಿ ಹೊಂದಿಕೊಳ್ಳುತ್ತದೆ.

ಕೂರ್ಗ್ ಕಾಫಿ ತೋಟದಲ್ಲಿ ನಾವು ಇದನ್ನು ಸ್ವಲ್ಪ ಆಫ್‌ರೋಡ್‌ಗೆ ಸಹ ತೆಗೆದುಕೊಂಡು ಹೋಗಿದ್ದೇವು. ಬೈಕ್‌ನ್ನು ಆಫ್‌ರೋಡ್‌ಗಳಿಗೆ ಉದ್ದೇಶಿಸಿಲ್ಲ ಎಂದು ಇಲ್ಲಿ ನಮಗೆ ತಿಳಿದುಬಂದಿದೆ. ದೊಡ್ಡ ಉಬ್ಬುಗಳಲ್ಲಿ ನಾವು ಅದನ್ನು ಕೊಂಡೊಯ್ದಾಗ ಕೆಳಗಿನ ಡ್ಯುಯಲ್ ಎಕ್ಸಾಸ್ಟ್ ಬಂಡೆಗಳಿಗೆ ಬಡಿಯುತ್ತಿತ್ತು. ಜಲ್ಲಿ ಮತ್ತು ಕಲ್ಲಿನ ಹಾದಿಗಳನ್ನು ಯೋಗ್ಯವಾಗಿ ನುಗ್ಗಬಲ್ಲು, ಇದು ಹಾರ್ಡ್‌ಕೋರ್ ಆಫ್-ರೋಡ್ ಸವಾರಿಗಾಗಿ ನಿರ್ಮಿಸಿಲ್ಲ.

ಈ ಬೈಕ್‌ನಲ್ಲಿ ಸಿಟಿ ಮತ್ತು ಪವರ್ ಎಂಬ ಎರಡು ರೈಡಿಂಗ್ ಮೋಡ್‌ಗಳಿದ್ದು, ನೀವು 100kmph ಮತ್ತು 6000 rpm ಗಿಂತ ಹೆಚ್ಚು ಹೋಗಲು ಸಾಧ್ಯವಿಲ್ಲ. ಆದರೆ ಪವರ್ ಮೋಡ್‌ನಲ್ಲಿ ಬೈಕ್ ನಿಜವಾಗಿಯೂ ಸರಾಗವಾಗಿ ಹೋಗುತ್ತದೆ. ನಾವು 120kmph ವರೆಗೆ ಮುಟ್ಟಿದ್ದೇವೆ. ಇ ವೇಗವನ್ನು ಬೈಕ್ ಚೆನ್ನಾಗಿ ನಿಭಾಯಿಸುತ್ತದೆ. ಬೈಕ್‌ನ ಈ ವೇಗದಲ್ಲಿ ಸ್ಥಿರತೆ ನಿಜವಾಗಿಯೂ ಉತ್ತಮವಾಗಿದೆ. 2ನೇ, 3ನೇ ಮತ್ತು 4ನೇ ಗೇರ್‌ಗಳನ್ನು ಮರುಮಾಪನ ಮಾಡಲಾಗಿದೆ, ಇದು ಟಾರ್ಕ್ ವಿತರಣೆಯನ್ನು ಸುಗಮಗೊಳಿಸುತ್ತದೆ.

ಡ್ಯುಯಲ್ ಡಿಸ್ಕ್ ಬ್ರೇಕ್‌ಗಳು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ. ಒಟ್ಟಾರೆಯಾಗಿ ಬೈಕ್‌ನೊಂದಿಗೆ ಇದು ನಿಜವಾಗಿಯೂ ಉತ್ತಮ ಅನುಭವವಾಗಿತ್ತು. ನಾವು 2 ದಿನಗಳಲ್ಲಿ 300 ಕಿ.ಮೀ.ಗಳಿಗಿಂತ ಹೆಚ್ಚು ಸವಾರಿ ಮಾಡಿದ್ದೇವೆ. ಈ ಬೈಕ್ ನಿಜವಾಗಿಯೂ ಪ್ರಭಾವಶಾಲಿಯಾಗಿತ್ತು. ಡಿಸೈನ್ ಮತ್ತು ಪ್ರಾಯೋಗಿಕತೆಯನ್ನು ಬಯಸುವ ಸವಾರರಿಗೆ ಜನಪ್ರಿಯ ಆಯ್ಕೆಯಾಗಿದೆ.