ಹ್ಯುಂಡೈ ಫ್ಲೂಡಿಕ್ ಐ-ಜೆನ್ ಐ20: ಸಂಪೂರ್ಣ ವಿಮರ್ಶೆ

ಗುಣಮಟ್ಟದ ಫೀಚರುಗಳಲ್ಲಿ ಯಾವುದೇ ರಾಜಿಮಾಡದೇ ನೂತನ ವಿನ್ಯಾಸದ ಐ20 ರಸ್ತೆಗಿಳಿದಿದೆ. ದೊಡ್ಡದಾದ ಹೆಡ್ ಲ್ಯಾಂಪ್, ಫಾಗ್ ಲ್ಯಾಂಪ್ ಗಮನ ಸೆಳೆಯುತ್ತವೆ. ಸ್ಮಾರ್ಟ್ ಕೀ ಮೂಲಕ ಸ್ಟಾರ್ಟ್ ಮತ್ತು ಸ್ಟಾಪ್ ಆಯ್ಕೆ, ಚರ್ಮದ ಹಾಸು ಹಾಸಿರುವ ಸ್ಟಿಯರಿಂಗ್ ವೀಲ್ ಮತ್ತು ಗೇರ್ ಶಿಫ್ಟ್ ನಾಬ್, ಎಲೆಕ್ಟ್ರಿಕ್ ಹೊಂದಾಣಿಕೆ ಮಾಡಿಕೊಳ್ಳಬಹುದಾದ ಹೊರಭಾಗದ ಮಿರರ್ ಇತ್ಯಾದಿಗಳು ನೂತನ ಕಾರಿನಲ್ಲಿರುವ ಪ್ರಮುಖ ವಿಶೇಷತೆ.

ಐ20 ಕಾರಿನ ನೂತನ ವಿನ್ಯಾಸವು ಆಕರ್ಷಕವಾಗಿದೆ. ಅಂದರೆ ಕಾರಿನ ಮುಂಭಾಗ ಮತ್ತು ಹಿಂಭಾಗ ಫ್ಲೂಡಿಕ್ ವಿನ್ಯಾಸದಿಂದ ಹೆಚ್ಚು ಗಮನಸೆಳೆಯುತ್ತದೆ. ಇಂಟಿರಿಯರ್ ಆಡಿಯೋ ಸಿಸ್ಟಮ್ ಮತ್ತು ಡ್ಯಾಷ್ ಬೋರ್ಡ್ ಹೊಸ ಬಣ್ಣಗಳಿಂದ ಮಿಂಚುತ್ತಿದೆ. ಹಳೆಯ ಫೀಚರುಗಳು ಹಾಗೆ ಇವೆ.

ನೂತನ ಐಜೆನ್ ಫ್ಲೂಡಿಕ್ ಐ20 1.2 ಲೀಟರಿನ 84 ಹಾರ್ಸ್ ಪವರಿನ ಪೆಟ್ರೋಲ್ ಎಂಜಿನ್ ಮತ್ತು 1.4 ಲೀಟರಿನ 80 ಹಾರ್ಸ್ ಪವರಿನ ಪೆಟ್ರೋಲ್ ಎಂಜಿನ್ ಮತ್ತು 90 ಹಾರ್ಸ್ ಪವರಿನ 1.4 ಲೀಟರಿನ ಕಾಮನ್ ರೈಲ್ ಟರ್ಬೊ ಎಂಜಿನ್ ಆಯ್ಕೆಯಲ್ಲಿ ದೊರಕುತ್ತದೆ. ಹೈಟೆಕ್ ಐ20 ಕಾರು 1.4 ಲೀಟರ್ ಯು2 ಸಿಆರ್ ಡಿಐ ಡೀಸೆಲ್ ಎಂಜಿನ್ ಮತ್ತು ಆರು ಸ್ಪೀಡ್ ಮ್ಯಾನುಯಲ್ ಟ್ರಾನ್ಸ್ ಮಿಷನ್ ಹೊಂದಿದೆ. ಪೆಟ್ರೋಲ್ ಎಂಜಿನ್ ದಕ್ಷತೆ ಹೆಚ್ಚಿಸಲು ಸೂಕ್ತ ಕವಾಟಗಳನ್ನು ಅಳವಡಿಸಲಾಗಿದೆ. ಐ20 ಪೆಟ್ರೋಲ್ ಆವೃತ್ತಿಯಲ್ಲೂ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಆಯ್ಕೆಮಾಡಿಕೊಳ್ಳಬಹುದು.

ಹೆಚ್ಚುವರಿ ಫೀಚರುಗಳು: ಕ್ಯಾಬಿನ್ ಮಿರರಿನಲ್ಲಿ ರಿವರ್ಸ್ ಕ್ಯಾಮರಾ, ಆಟೋ ಹೆಡ್ ಲೈಟ್, ಆರು ಏರ್ ಬ್ಯಾಗ್, ಫೋರ್ ವೀಲ್ ಡಿಸ್ಕ್ ಬ್ರೇಕ್, ರೈನ್ ಸೆನ್ಸಿಂಗ್ ವೈಪರ್, ಸ್ಮಾರ್ಟ್ ಕೀಲಿಕೈ(ಸ್ಟಾರ್ಟ್ ಸ್ಟಾಪ್ ಬಟನ್), ಗೇರ್ ನಾಬ್, ವಿದ್ಯುತ್ ಚಾಲೀತ ಮಿರರುಗಳು, ಟೆಲಿಸ್ಕೋಪಿಕ್ ಸ್ಟಿಯರಿಂಗ್ ವೀಲ್, 2ಡಿನ್ ಸಿಡಿ/ಎಂಪಿ3 ಆಡಿಯೋ ಸಿಸ್ಟಮ್(ನಾಲ್ಕು ಸ್ಪೀಕರು), ಯುಎಸ್ ಬಿ, ಆಕ್ಸ್ ಇನ್ ಮತ್ತು ಬ್ಲೂಟೂಥ್ ಕನೆಕ್ಟಿವಿಟಿ ಇತ್ಯಾದಿ ಪ್ರಮುಖ ಫೀಚರುಗಳಿವೆ. ಸ್ಟಿಯರಿಂಗ್ ವೀಲ್ ನಲ್ಲೇ ಆಡಿಯೋ ಕಂಟ್ರೋಲ್ ಇದೆ.