ಟಾಟಾ ನ್ಯಾನೊ ಶ್ರೀಲಂಕಾ ಸವಾರಿಗೆ ಸಜ್ಜು

Published: Friday, May 27, 2011, 11:53 [IST]

ದೇಶದ ವಾಹನ ಲೋಕದ ಪುಟ್ಟ ಹನುಮ "ಟಾಟಾ ನ್ಯಾನೊ" ಶ್ರೀಲಂಕಾಕ್ಕೆ ಪ್ರಯಾಣ ಬೆಳೆಸಲಿದೆ. ಕಂಪನಿಯು ನ್ಯಾನೊ ಕಾರುಗಳ ಒಟ್ಟಾರೆ ಮಾರಾಟ ಹೆಚ್ಚಿಸಲು ರಫ್ತಿನತ್ತ ಹೆಚ್ಚು ಗಮನ ನೀಡುತ್ತಿದೆ.

ಮುಂದಿನ ಜೂನ್ ತಿಂಗಳಲ್ಲಿ ಆರಂಭಿಕವಾಗಿ 500 ನ್ಯಾನೊ ಕಾರುಗಳನ್ನು ರಫ್ತು ಮಾಡಲು ಟಾಟಾ ಮೋಟರ್ಸ್ ಯೋಜಿಸಿದೆ. ನಂತರ ಪ್ರತಿತಿಂಗಳು 200 ಕಾರುಗಳನ್ನು ರಫ್ತು ಮಾಡಲು ನಿರ್ಧರಿಸಿದೆ.

ತನ್ನ ಅಗ್ಗದ ದರದಿಂದಾಗಿ ನ್ಯಾನೊ ಜಾಗತಿಕವಾಗಿ ಒಂದಿಷ್ಟು ಬೇಡಿಕೆಯನ್ನು ಪಡೆದುಕೊಳ್ಳುತ್ತಿದೆ. ಸಣ್ಣ ಕಾರುಗಳಿಗೆ ಬೇಡಿಕೆ ಹೆಚ್ಚಿರುವ ದೇಶಗಳತ್ತ ಕಂಪನಿಯು ಮುಖ ಮಾಡುತ್ತಿದೆ.

ಆಯಾ ದೇಶದ ಅಗತ್ಯಗಳಿಗೆ ತಕ್ಕಂತೆ ಕಾರುಗಳನ್ನು ಪರಿಷ್ಕರಿಸುವ ಅವಶ್ಯಕತೆಯಿದೆ. ಹೀಗಾಗಿ ಜಾಗತಿಕ ಮಾರುಕಟ್ಟೆಗೆ ನ್ಯಾನೊ ರಫ್ತು ಒಂದಿಷ್ಟು ವಿಳಂಬವಾಗುತ್ತಿದೆ. ಶ್ರೀಲಂಕಾದಲ್ಲಿ ನ್ಯಾನೊ ಕಾರುಗಳ ದರವೆಷ್ಟಿರಲಿದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

Article Published On: Friday, May 27, 2011, 11:48 [IST]

English summary

Tata Motors is all set to export its low cost car, the Nano to Sri lanka. Reports say the first batch of 500 Tata Nanos will be exported to the island nation shortly. This will be followed by a monthly supply of 200 Nanos. Tata Motors is trying to increase the presence of the Nano by exporting it to various countries.

More from DriveSpark