ಗುಜರಾತಿನಲ್ಲಿ ಮಾರುತಿ ಘಟಕ, ಮೋದಿ ಜೊತೆ ಮಾತುಕತೆ

ಮಾರುತಿ ಸುಜುಕಿ ಗುಜರಾತಿನಲ್ಲಿ ಘಟಕ ತೆರೆಯಲಿದೆ ವದಂತಿಗೆ ಇಂದು ತೆರೆ ಬಿದ್ದಿದೆ. ಘಟಕ ನಿರ್ಮಾಣಕ್ಕೆ ಗುಜರಾತ್ ಸರಕಾರವು ಸುಮಾರು 500 ಎಕರೆ ಭೂಮಿ ನೀಡಲು ಸಮ್ಮತಿಸಿದೆ.

"ಘಟಕಕ್ಕೆ ಭೂಮಿ ಪಡೆಯಲು ಸುಮಾರು 3 ತಿಂಗಳು ಹಿಡಿಯಲಿದೆ. ನೂತನ ಘಟಕಕ್ಕೆ ಸುಮಾರು 6 ಸಾವಿರ ಕೋಟಿ ರು. ಹೂಡಿಕೆ ಮಾಡಲಿದ್ದೇವೆ" ಎಂದು ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ ಚೇರ್ಮನ್ ಆರ್. ಸಿ. ಭಾರ್ಗವ ಹೇಳಿದ್ದಾರೆ.

ಗುಜರಾತಿನ ಶಾನಂದ್ ಎಂಬಲ್ಲಿ ಕಂಪನಿ ಘಟಕ ನಿರ್ಮಿಸುವ ನಿರೀಕ್ಷೆಯನ್ನು ಮೂಲಗಳು ವ್ಯಕ್ತಪಡಿಸಿವೆ. ಇದು ಟಾಟಾ ನ್ಯಾನೊ ಘಟಕಕ್ಕೆ ಹತ್ತಿರದ ಸ್ಥಳವಾಗಿದೆ.