ಟೊಯೊಟಾ ಕೊರೊಲಾ ಆಲ್ಟಿಸ್ ಜೂನ್ 16ರಂದು ರಸ್ತೆಗೆ

ನೂತನ ಆಲ್ಟಿಸ್ ಕಾರುಗಳು ಕೆಲವು ತಿಂಗಳ ಹಿಂದೆಯೇ ಬಿಡುಗಡೆಗೊಳ್ಳಬೇಕಿತ್ತು. ಆದರೆ ಇತ್ತೀಚಿನ ಜಪಾನಿನಲ್ಲಿ ಸಂಭವಿಸಿದ ಭೂಕಂಪ ಮತ್ತು ಸುನಾಮಿಯಿಂದ ಆಲ್ಟಿಸ್ ಬಿಡುಗಡೆ ವಿಳಂಬವಾಗಿದೆ. ಫೇಸ್ ಲಿಫ್ಟ್ ಮಾಡಿರೋ ಆಲ್ಟಿಸ್ ಆಗಮನ ಮಾತ್ರ ತಡವಾಗಿಲ್ಲ. ಸುನಾಮಿಯಿಂದಾಗಿ ಬಹುನಿರೀಕ್ಷಿತ ಎಟಿಯೋಸ್ ಲಿವಾ ಕಾರು ಕೂಡ ಭಾರತಕ್ಕೆ ತಡವಾಗಿ ಬರಲಿದೆ.

2011ರ ನೂತನ ಆಲ್ಟಿಸ್ ಕಾರುಗಳಲ್ಲಿ ಹಲವು ಹೊಸ ಫೀಚರ್ ಗಳು ಅಡಕವಾಗಲಿದೆ. ಪ್ರಮುಖವಾಗಿ 7 ಸ್ಪೀಡ್ ಸಿವಿಟಿ ಗೇರ್ ಬಾಕ್ಸ್, ಡ್ಯೂಯಲ್ ವಾಲ್ವ್ ಟೆಕ್ನಾಲಜಿ ಇತ್ಯಾದಿಗಳು ಇರಲಿವೆ. ಹೊಸದಾಗಿ ವಿವಿಟಿ-ಐ ತಂತ್ರಜ್ಞಾನ ಅಳವಡಿಸಲಾಗಿದೆ. ಇದರಿಂದ ಪೆಟ್ರೊಲ್ ಕೊರೊಲಾ ಆಲ್ಟಿಸ್ ಹಾರ್ಸ್ ಪವರ್ 138ಕ್ಕೆ ಮತ್ತು ಟಾರ್ಕ್ ಪವರ್ 172ಕ್ಕೆ ಹೆಚ್ಚಾಗಿದೆ.