ಬೆಸ್ಟ್ ಕಾಂಪ್ಯಾಕ್ಟ್ ಸೆಡಾನ್ ಕಾರು ಸರಣಿ: ಸ್ವಿಫ್ಟ್ ಡಿಝೈರ್

ಕಾಂಪ್ಯಾಕ್ಟ್ ಸೆಡಾನ್ ಕಾರುಗಳು ಹ್ಯಾಚ್ ಬ್ಯಾಕ್ ಕಾರುಗಳಷ್ಟೇ ಗಾತ್ರ ಹೊಂದಿವೆ. ಆದರೆ ಅದರ ಹಿಂದಿನ ಬೂಟ್ ಸ್ಥಳ ಹ್ಯಾಚ್ ಗಿಂತ ದೊಡ್ಡದಿರುತ್ತದೆ.

ಮಾರುತಿ ಸುಜುಕಿ ಭಾರತಕ್ಕೆ ಮೊದಲ ಕಾಂಪ್ಯಾಕ್ಟ್ ಸೆಡಾನ್ ಕಾರನ್ನು ಪರಿಚಯಿಸಿತ್ತು. ಅದರ ಹೆಸರು ಎಸ್ಟೀಮ್. ಅದು ತನ್ನ ಎಂಜಿನ್ ಕಾರ್ಯಕ್ಷಮತೆ ಮತ್ತು ಅತ್ಯುತ್ತಮ ದಕ್ಷತೆಯ ಎಂಜಿನ್ ಮೂಲಕ ಮನೆಮಾತಾಗಿದೆ ಅನ್ನೋದು ಹಳೆ ಪುರಾಣ

2007ರ ಇಸವಿಯಲ್ಲಿ ರಸ್ತೆಗಿಳಿದ ನಂತರ ಸ್ವಿಫ್ಟ್ ಡಿಝೈರ್ ಕಾರಿನ ಯಶಸ್ವಿ ಅಧ್ಯಾಯ ಆರಂಭವಾಗಿತ್ತು. ಇದು ಸೆಡಾನ್ ಮಾರುಕಟ್ಟೆಯಲ್ಲಿ ಅತ್ಯಧಿಕ ಮಾರಾಟದ ಕಾರು ಕೂಡ ಹೌದು. ಗ್ರಾಹಕರ ಪಾಲಿಗೆ ಇದು ಪ್ರೀತಿಯ ಸ್ಪೋರ್ಟಿ ಕಾಂಪ್ಯಾಕ್ಟ್ ಸೆಡಾನ್ ಕಾರು.

ವಿನ್ಯಾಸದ ಕುರಿತು ಹೆಚ್ಚು ಕಾಳಜಿ ವಹಿಸದ ಆದರೆ ಸ್ಪೋರ್ಟಿ ಕಾರ್ಯಕ್ಷಮತೆ, ಸ್ಥಳಾವಕಾಶ ಮತ್ತು ದರದ ವಿಷಯಕ್ಕೆ ಒತ್ತು ಕೊಡುವ ಗ್ರಾಹಕರು ಈ ಕಾರನ್ನು ಇಷ್ಟಪಟ್ಟಿದ್ದಾರೆ.

ಇದು ಭಾರತದ ರಸ್ತೆಯಲ್ಲಿ ಅತ್ಯಧಿಕ ಮಾರಾಟದ ಸೆಡಾನ್ ಕಾರೆಂಬ ಖ್ಯಾತಿ ಪಡೆದಿದೆ. ಇದು ಪೆಟ್ರೊಲ್ ಮತ್ತು ಡೀಸೆಲ್ ಆವೃತ್ತಿಗಳಲ್ಲಿ ದೊರಕುತ್ತಿದೆ. ಎಂಟ್ರಿ ಲೆವೆಲ್ ಸ್ವಿಫ್ಟ್ ಡಿಜೈರ್ ದರ ಸುಮಾರು 5.40 ಲಕ್ಷ ರುಪಾಯಿ.

ಸ್ವಿಫ್ಟ್ ಡಿಜೈರ್ ಅತ್ಯುತ್ತಮ ಇಂಧನ ದಕ್ಷತೆಯ ಕಾರು ಕೂಡ ಹೌದು. ಸ್ವಿಫ್ಟ್ ಡಿಜೈರ್ ಪೆಟ್ರೊಲ್ ಆವೃತ್ತಿ ಪ್ರತಿಲೀಟರ್ ಗೆ 18 ಕಿ.ಮೀ. ಮೈಲೇಜ್ ನೀಡುತ್ತದೆ. ಡೀಸೆಲ್ ಆವೃತ್ತಿ ಪ್ರತಿಲೀಟರ್ ಗೆ 21.7 ಕಿ.ಮೀ. ಮೈಲೇಜ್ ನೀಡುತ್ತದೆ. ಹಾಗಾದರೆ ಉಳಿದ ಕಾರುಗಳು ಎಷ್ಟು ಮೈಲೇಜ್ ನೀಡುತ್ತವೆ? ಮುಂದಿನ ಪುಟ ನೋಡಿ.