ಚಿನ್ನದ ನ್ಯಾನೊ ಕಾರು: ದರ 22 ಕೋಟಿ ರು.

ಈ ನ್ಯಾನೊ ಕಾರಿಗೆ ಹಲವು ಬೆಲೆಬಾಳುವ ಮುತ್ತು, ರತ್ನಗಳನ್ನು ಅಳವಡಿಸಲಾಗಿದೆ. ಈ ಕಾರಿನ ಚಿನ್ನದ ವಿನ್ಯಾಸಕ್ಕಾಗಿ ಸುಮಾರು 22 ಅಕ್ಕಸಾಲಿಗರು ಕೆಲಸ ಮಾಡಿದ್ದಾರೆ. ಸುಮಾರು 80 ಕೆಜಿ ಚಿನ್ನ ಮತ್ತು 50 ಕೆಜಿ ಬೆಳ್ಳಿಯನ್ನು ನ್ಯಾನೊ ಕಾರಿನ ಹೊರ ವಿನ್ಯಾಸಕ್ಕಾಗಿ ಬಳಸಿಕೊಳ್ಳಲಾಗಿದೆ.

ಆದರೆ ಈ ನ್ಯಾನೊ ಕಾರನ್ನು ಮಾರಾಟ ಮಾಡಲಾಗುವುದಿಲ್ಲವಂತೆ. ನ್ಯಾನೊ ಕಾರಿನ ಮಾರಾಟವನ್ನು ಉತ್ತೇಜಿಸಲು ಇದನ್ನು ಬಳಸಿಕೊಳ್ಳುವ ನಿರೀಕ್ಷೆಯಿದೆ. ಇದಕ್ಕೂ ಮುನ್ನ ಟೈಟಾನ್ ಇಂಡಸ್ಟ್ರೀಸ್ ನ ಆಭರಣ ಬ್ರ್ಯಾಂಡ್ ಟಾಟಾ ಗೋಲ್ಡ್ ಪ್ಲಸ್ ಚಿನ್ನದ ನ್ಯಾನೊ ನಿರ್ಮಿಸಿತ್ತು.

ಕೆಲವು ವರ್ಷದ ಹಿಂದೆ ದುಬೈನ ಒಬ್ಬ ಶೇಖ್ ಚಿನ್ನದ ಮರ್ಸಿಡಿಸ್ ಬೆಂಝ್ ಎಸ್ ಕ್ಲಾಸ್ ನಿರ್ಮಿಸಿದ್ದ. ಮಧ್ಯಪ್ರಾಚ್ಯ ದೇಶದ ವ್ಯಕ್ತಿಯೊಬ್ಬ ಚಿನ್ನದ ಬುಗಾಟಿ ವೆರೋನ್ ಕಾರು ನಿರ್ಮಿಸಿದ್ದ.