ಟ್ರಾಫಿಕ್ ಪೊಲೀಸರಿಗೆ ಜಾಬ್ಸ್ ಸಿಕ್ಕಿಹಾಕಿಕೊಳ್ಳಲಿಲ್ಲವೇಕೆ?

ಜಾಬ್ಸ್ ಸಂಚಾರಿ ನಿಯಮವನ್ನು ಉಲ್ಲಂಘಿಸಿದ್ದಾರೆಯೇ? ಸಂಚಾರಿ ಪೊಲೀಸರಿಗೆ ಟೋಪಿ ಹಾಕುತ್ತಿದ್ದಾರೇ? ಇವೆಲ್ಲ ಮಿಲಿಯನ್ ಡಾಲರ್ ಪ್ರಶ್ನೆಗಳು. ಅದಕ್ಕೂ ನೆಟ್ ಲೋಕದಲ್ಲಿ ಬುದ್ದಿಜೀವಿಗಳು ಉತ್ತರಿಸುವುದು ಹೀಗೆ..

ಕಾರ್ ಫಾಕ್ಸ್ ಬ್ಲಾಗ್, ಜಾಬ್ಸ್ ಕಾರಿನ ಕೊಂಚ ಮಾಹಿತಿ ನೀಡಿದೆ. ಇಲ್ಲಿವರೆಗೆ ಜಾಬ್ಸ್ ಕಾರು ಚಲಿಸಿರುವುದು ಕೇವಲ 21,800 ಕಿ.ಮೀ. ಮಾತ್ರ. ಅಂದ್ರೆ ಪ್ರತಿವರ್ಷಕ್ಕೆ ಸರಾಸರಿ 5,500 ಕಿ.ಮೀ. ಅಷ್ಟೇ. ಅಮೆರಿಕದಲ್ಲಿ ಪ್ರಯಾಣಿಸಿರುವುದು ಸರಾಸರಿ 12 ಸಾವಿರ ಕಿ.ಮೀ. ಮಾತ್ರ.

ಇದರಿಂದ ಏನು ತಿಳಿಯುತ್ತೆ? ಸ್ಟೀವ್ ಜಾಬ್ಸ್ ಈ ಕಾರನ್ನು ಹೆಚ್ಚು ಬಳಸಿಲ್ಲ. ಅದರಲ್ಲೂ ಸಂಚಾರ ನಿಯಮಗಳಿಗೆ ಸಿಲುಕಿಕೊಳ್ಳುವ ಸ್ಥಳಗಳಲ್ಲಿ ಅವರು ಪ್ರಯಾಣಿಸಿದ್ದು ತೀರಾ ಕಡಿಮೆ. ಹೀಗೆ ಪ್ರಯಾಣಿಸಿದರೆ ಸಿಕ್ಕಿಬೀಳುವ ಪ್ರಶ್ನೆಯೇ ಇಲ್ಲ.

ಆದರೂ ಕೊನೆಗೂ ಸ್ಟೀವ್ ಜಾಬ್ಸ್ ಕಾರಿಗೆ ನಂಬರ್ ಪ್ಲೇಟ್ ಯಾಕೆ ಬಳಸಿಲ್ಲ ಅನ್ನೋದು ನಿಗೂಢ ಪ್ರಶ್ನೆಯಾಗಿಯೇ ಉಳಿಯುತ್ತದೆ. ನೆಟ್ ಲೋಕದಲ್ಲಿ ತೋಚಿದಂತೆ ಅಭಿಪ್ರಾಯ ನೀಡುವರಿಗೂ ತಮ್ಮ ಉತ್ತರ ಸರಿಯೇ ಅನ್ನುವ ಖಚಿತತೆಯಿಲ್ಲ. ಉತ್ತರಿಸಲು ಸ್ಟೀವ್ ಜಾಬ್ಸ್ ಇಲ್ಲ. ಕೆಲವೊಂದು ಪ್ರಶ್ನೆಗಳು ಸಾವಿನಲ್ಲಿ ಉತ್ತರವಿಲ್ಲದೇ ಸಾಯುತ್ತವೆ