ಈಗ ವಿಶ್ವದ ನಂಬರ್ ಒನ್ ವಾಹನ ಕಂಪನಿ ಯಾವುದು ಗೊತ್ತೆ?

ಈ ಮಾರಾಟವು ಫೋಕ್ಸ್ ವ್ಯಾಗನ್ ಮಾರಾಟಕ್ಕಿಂತ ಶೇಕಡ 11ರಷ್ಟು ಅಧಿಕವಾಗಿದೆ. ಫೋಕ್ಸ್ ವ್ಯಾಗನ್ ಕಂಪನಿಯು ಕಳೆದ ವರ್ಷ ಒಟ್ಟು 81.6 ಲಕ್ಷ ವಾಹನ ಮಾರಾಟ ಮಾಡಿತ್ತು. ಟೊಯೊಟಾ ಕಂಪನಿ ಇನ್ನೂ ವಾಹನ ಮಾರಾಟ ಫಲಿತಾಂಶ ಪ್ರಕಟಿಸಿಲ್ಲ. ಕಳೆದ ತಿಂಗಳು ಟೊಯೊಟಾ ಕಂಪನಿಯು ಜಾಗತಿಕವಾಗಿ 79 ಲಕ್ಷ ವಾಹನ ಮಾರಾಟ ಮಾಡಿರುವುದಾಗಿ ಅಂದಾಜು ವರದಿ ಪ್ರಕಟಿಸಿತ್ತು.

ಕಳೆದ ವರ್ಷದ ಮಾರ್ಚ್ ತಿಂಗಳಲ್ಲಿ ಉತ್ಪಾದನೆ ಕಡಿತದ ಕಾರಣದಿಂದ ಟೊಯೊಟಾ ಮಾರಾಟ ಗಣನೀಯವಾಗಿ ಇಳಿಕೆ ಕಂಡಿತ್ತು. ಈ ಸಮಯದಲ್ಲಿ ಭೂಕಂಪ, ಸುನಾಮಿ ಕಂಪನಿಯ ವಹಿವಾಟಿಗೆ ಹೊಡೆತ ನೀಡಿತ್ತು. ವರ್ಷಾಂತ್ಯಕ್ಕೆ ಥೈಲಾಂಡಿನಲ್ಲಿನ ನೆರೆ ಹಾವಳಿ ಕಂಪನಿಯ ವಾಹನ ಉತ್ಪಾದನೆಗೆ ಹೊಡೆತ ನೀಡಿತ್ತು. ಅಮೆರಿಕದಲ್ಲಿ ಜನರಲ್ ಮೋಟರ್ಸ್ ವಾಹನ ಮಾರಾಟ ಕಳೆದ ವರ್ಷ ಶೇಕಡ 7.6ರಷ್ಟು ಏರಿಕೆ ಕಂಡಿದೆ. ಕೇವಲ ಷೆವರ್ಲೆ ಬ್ರಾಂಡ್ ವಾಹನ ಮಾರಾಟವೇ ಶೇಕಡ 13ರಷ್ಟು ಏರಿಕೆ ಕಂಡಿದೆ.