ಪವನ್ ಗೊಯೆಂಕಾಗೆ ಸಿವಿ ವರ್ಷದ ವ್ಯಕ್ತಿ ಪ್ರಶಸ್ತಿ

ಚಿತ್ರಲೋಕ

ದೇಶದ ಮತ್ತು ಜಾಗತಿಕ ಮಟ್ಟದಲ್ಲಿ ವಾಹನೋದ್ಯಮಕ್ಕೆ ನೀಡಿದ ಕೊಡುಗೆಯನ್ನು ಪರಿಗಣಿಸಿ ಪವನ್ ಗೋಯೆಂಕಾಗೆ ಪ್ರಶಸ್ತಿ ನೀಡಲಾಗಿದೆ. "ಈ ವರ್ಷ ವಾಹನೋದ್ಯಮಕ್ಕೆ ಹೆಚ್ಚು ಕಠಿಣ ಸಮಯವಾಗಿತ್ತು. ಇಂತಹ ಸಂಕಷ್ಟದ ಸಮಯದಲ್ಲೂ ಮಹೀಂದ್ರ ಕಂಪನಿಯು ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸಿದೆ" ಎಂದು ಸಿವಿ ಮ್ಯಾಗಜಿನ್ ಸಂಪಾದಕ ಶ್ರೀಧರ್ ಚಾರಿ ಹೇಳಿದ್ದಾರೆ.

"ಸಿವಿ ಮ್ಯಾಗಜಿನ್ ನೀಡಿರುವ ಪ್ರಶಸ್ತಿ ಸಂತೋಷ ತಂದಿದೆ. ನಾನು ಈ ಪ್ರಶಸ್ತಿಯನ್ನು ಮಹೀಂದ್ರ ಕಂಪನಿಗೆ ಅರ್ಪಿಸುತ್ತಿದ್ದೇನೆ. ನನಗೆ ಇಂತಹ ಅತ್ಯುತ್ತಮ ಅವಕಾಶ ನೀಡಿದ ಕಂಪನಿ ಮತ್ತು ಸಹೋದ್ಯೋಗಿಗಳು ಕಂಪನಿಯ ಈ ಪ್ರಗತಿಗೆ ಕಾರಣ" ಎಂದು ಪವನ್ ಗೋಯೆಂಕಾ ಹೇಳಿದ್ದಾರೆ.

ತನ್ನ ಅತ್ಯುತ್ತಮ ಕವರೇಜ್ ಕಾರಣದಿಂದ ಕಮರ್ಷಿಯಲ್ ವೆಹಿಕಲ್(ಸಿವಿ) ಮ್ಯಾಗಜಿನನ್ನು ದೇಶದ ವಾಣಿಜ್ಯ ವಾಹನ ಉದ್ಯಮದ ಧ್ವನಿ ಎಂದು ಹೇಳಲಾಗುತ್ತದೆ. ವಾಣಿಜ್ಯ ವಾಹನ ಬಗೆಗೆ ಬೆಳಕು ಚೆಲ್ಲುವ ದೇಶದ ಅಗ್ರ ಪತ್ರಿಕೆ ಇದಾಗಿದೆ.