Click it and Unblock the Notifications
ರೆನೊ 800ಸಿಸಿ ಕಾರು: ಆಲ್ಟೊ, ಇಯಾನಿಗೆ ಸವಾಲ್
ಮುಂಬೈ, ಆ 1: ಮಾರುತಿ ಸುಜುಕಿ ಕಂಪನಿಯ ಆಲ್ಟೊ, ಹ್ಯುಂಡೈ ಇಂಡಿಯಾ ಕಂಪನಿಯ ಇಯಾನ್ ಮತ್ತು ಷೆವರ್ಲೆ ಸ್ಪಾರ್ಕಿಗೆ ಸವಾಲ್ ಹಾಕುವಂತಹ ಸಣ್ಣಕಾರೊಂದನ್ನು ಫ್ರಾನ್ಸಿನ ಕಾರು ತಯಾರಿಕಾ ಕಂಪನಿ ರೆನೊ ಅಭಿವೃದ್ಧಿಪಡಿಸುತ್ತಿದೆ. ಈ ಮೂಲಕ ದೇಶದ ಕಾರು ಮಾರುಕಟ್ಟೆಯ ಬಹುಪಾಲು ಆಕ್ರಮಿಸಿಕೊಂಡಿರುವ ಸಣ್ಣಮಾರುಕಟ್ಟೆಯಲ್ಲಿ ಪಾರಮ್ಯ ಸಾಧಿಸಲು ರೆನೊ ಉದ್ದೇಶಿಸಿದೆ.
ರೆನೊ ಕಂಪನಿಯ ಅಗ್ಗದ ಕಾರು ಸ್ಪೆಷಲಿಸ್ಟ್ ಗಿರಾರ್ಡ್ ಡೆಟೊರ್ ಬೆಟ್ ಈ ಸಣ್ಣಕಾರನ್ನು ಅಭಿವೃದ್ಧಿಪಡಿಸುವ ಕೆಲಸ ಆರಂಭಿಸಿದೆ. ನೂತನ ಸಣ್ಣಕಾರು 800ಸಿಸಿ ಎಂಜಿನ್ ಹೊಂದಿರಲಿದೆ ಎನ್ನುವುದನ್ನು ಮೂಲಗಳು ಖಚಿತಪಡಿಸಿವೆ.
ರೆನೊ 800ಸಿಸಿ ಕಾರು ಪ್ರತಿಲೀಟರಿಗೆ 20 ಕಿ.ಮೀ.ಗಿಂತ ಹೆಚ್ಚು ಮೈಲೇಜ್ ನೀಡುವ ನಿರೀಕ್ಷೆಯಿದೆ. ಎಂಟ್ರಿ ಲೆವೆಲ್ ಸೆಗ್ಮೆಂಟಿಗೆ ಆಗಮಿಸಲಿರುವ ಈ ಕಾರಿನ ದರ 2 ಲಕ್ಷ ರು.ನಿಂದ 4 ಲಕ್ಷ ರು.ವಿನೊಳಗೆ ಇರುವ ನಿರೀಕ್ಷೆಯಿದೆ. ನೂತನ ಕಾರನ್ನು ಚೆನ್ನೈ ಘಟಕದಲ್ಲಿ ಕಂಪನಿಯು ಉತ್ಪಾದಿಸುವ ಸಾಧ್ಯತೆಯಿದೆ. ಅಂದಹಾಗೆ, ನೂತನ ಕಾರು 2014-15ರ ವೇಳೆಗೆ ರಸ್ತೆಗಿಳಿಯುವ ಸೂಚನೆಯಿದೆ.
ರೆನೊ ಪಲ್ಸ್ ಕಾರಿಗಿಂತ ಕೆಳಹಂತದ ಕಾರೊಂದನ್ನು ಭವಿಷ್ಯದಲ್ಲಿ ಪರಿಚಯಿಸಲಿದ್ದೇವೆ ಎಂದು ಕಂಪನಿಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಕಾರಿನ ಟೆಕ್ ಮಾಹಿತಿ, ವಿನ್ಯಾಸ ವಿಚಾರಗಳನ್ನು ಬಹಿರಂಗಪಡಿಸಲು ಇದು ಸೂಕ್ತ ಸಮಯವಲ್ಲವೆಂದು ಕಂಪನಿ ಹೇಳಿದೆ.
Continue with Google