ದಟ್ಸನ್‌ನಿಂದ ಇನ್ನೊಂದು ಕಾರು ಸದ್ಯದಲ್ಲೇ ಅನಾವರಣ

ನಿಸ್ಸಾನ್ ಮೋಟಾರ್ ಕಂಪನಿ ನಿಯಂತ್ರಣದಲ್ಲಿರುವ ದಟ್ಸನ್ ಕಾರು ಬ್ರಾಂಡ್ ಇತ್ತೀಚೆಗಷ್ಟೇ ಭಾರತದಲ್ಲಿ ಅಮೋಘ ಅನಾವರಣ ಕಂಡಿತ್ತು. ಎಲ್ಲ ಹೊಸತನದಿಂದ ಕೂಡಿದ ದಟ್ಸನ್ 'ಗೊ' ಮುಂದಿನ ವರ್ಷಾರಂಭದಲ್ಲಿ ದೇಶದ ಮಾರುಕಟ್ಟೆ ಪ್ರವೇಶಿಸಲಿದೆ.

ಇದರ ಬೆನ್ನಲ್ಲೇ ಇನ್ನೊಂದು ಕಾರನ್ನು ಪರಿಚಯಿಸಲು ದಟ್ಸನ್ ಸಿದ್ಧತೆ ನಡೆಸುತ್ತಿದೆ. ಆದರೆ ಈ ಬಾರಿ ಭಾರತದಲ್ಲಲ್ಲ. ಬದಲಾಗಿ ಸೆಪ್ಟೆಂಬರ್ 17ರಂದು ಇಂಡೋನೇಷ್ಯಾದಲ್ಲಿ ಸಣ್ಣ ಕಾರೊಂದನ್ನು ಅನಾವರಣಗೊಳಿಸುವುದಾಗಿ ಕಂಪನಿ ಘೋಷಿಸಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ನಿಮ್ಮ ಮಾಹಿತಿಗಾಗಿ ಬರೋಬ್ಬರಿ 32 ವರ್ಷಗಳ ಬಳಿಕ 2013 ಜುಲೈ 15ರಂದು, ದಟ್ಸನ್ ಬ್ರಾಂಡನ್ನು ನಿಸ್ಸಾನ್ ಪರಿಷ್ಕೃತಗೊಳಿಸಿತ್ತು. ಈ ಹಿಂದೆ 1986ನೇ ಇಸವಿಯಲ್ಲಿ ದಟ್ಸನ್ ಬ್ರಾಂಡ್ ನಿಲುಗಡೆಗೊಂಡಿತ್ತು. ಪ್ರಮುಖವಾಗಿಯೂ ಭಾರತ ಹಾಗೂ ಬೆಳೆದು ಬರುತ್ತಿರುವ ಏಷ್ಯಾ ಮಾರುಕಟ್ಟೆಯನ್ನು ಗುರಿಯಾಗಿರಿಸಿಕೊಂಡು ದಟ್ಸನ್ ಬ್ರಾಂಡ್ ರಿ ಎಂಟ್ರಿ ಕೊಡುತ್ತಿದೆ.