'ಎಕೆ-47'ಗಾಗಿ 7 ಲಕ್ಷ ಪಾವತಿಸಿದ ಈ ಮಹಾನ್ ರೈತ!

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಇಲ್ಲೊಬ್ಬ ರೈತ ತನ್ನ ಸ್ಕೂಟರ್‌ಗಾಗಿ 'ಎಕೆ 47' ಫ್ಯಾನ್ಸಿ ನಂಬರ್ ಗಿಟ್ಟಿಸಿಕೊಳ್ಳುವುದಕ್ಕಾಗಿ ಬರೋಬ್ಬರಿ ಏಳು ಲಕ್ಷ ರು.ಗಳನ್ನು ಪಾವತಿಸಿದ್ದಾನೆ. ಹೌದು ಪಂಬಾಬ್‌ನ ಕಟೋವಾಲ ಹಳ್ಳಿಯ ರೈತ ಕುಲ್‌ಬೀರ್ ಸಿಂಗ್ ತನ್ನ ಹೋಂಡಾ ಆಕ್ಟಿವಾ ಸ್ಕೂಟರ್‌ನ ನೂತನ 'ಪಿಬಿ-07 ಎಕೆ-47' ನಂಬರ್ ರಿಜಿಷ್ಟ್ರೇಷನ್ ಮಾಡಿಕೊಳ್ಳುವುದಕ್ಕಾಗಿ ಇಷ್ಟೊಂದು ದೊಡ್ಡ ಮೊತ್ತ ಪಾವತಿ ಮಾಡಿದ್ದಾನೆ.

ಮಹಾನ್ ರೈತನಲ್ಲಿ ಈ ಬಗ್ಗೆ ವಿಚಾರಿಸಿದಾಗ ಇಟಲಿಯಲ್ಲಿರುವ ತಮ್ಮ ಅಮನ್‌ಪ್ರೀತ್ ಸಿಂಗ್ ಹಾಗೂ ಅಮೆರಿಕ ಮೂಲದ ಸೋದರ ಸಂಬಂಧಿ ದಿಲ್‌ಶೆರ್ ಸಿಂಗ್ ಧಾಲಿವಾಲ್ ಅವರಿಂದ ಫ್ಯಾನ್ಸಿ ನಂಬರ್ ಖರೀದಿಗಾಗಿ ಸ್ಪಷ್ಟ ಸಂದೇಶ ಬಂದಿರುವುದಾಗಿ ತಿಳಿಸುತ್ತಾರೆ.

ಇವರಲ್ಲಿ ದಿಲ್‌ಶೆರ್ ಸಿಂಗ್, ಬಿಡ್ 12ರಿಂದ 13 ಲಕ್ಷ ರು.ಗಳ ವರೆಗೆ ಹೋದರೂ ಫ್ಯಾನ್ಸಿ ನಂಬರ್ ಖರೀದಿಸಲು ಸೂಚನೆ ನೀಡಿರುವುದಾಗಿ ತಿಳಿಸಿದ್ದಾರೆ. ಇದರ ಫಲವಾಗಿ 53000 ರು. ಮೊತ್ತದ ಸ್ಕೂಟರ್‌ಗಾಗಿ 7 ಲಕ್ಷ ರು.ಗಳ ನಂಬರ್ ಪ್ಲೇಟ್ ಖರೀದಿಸಿದ್ದಾರೆ.

ಅಂದ ಹಾಗೆ ಬಿಡ್ ವೇಳೆ ನಿಕಟ ಪೈಪೋಟಿ ಕಂಡುಬಂದಿತ್ತು. ಒಟ್ಟು 16 ಬಿಡ್ಡರುಗಳು ಕಣಕ್ಕಿಳಿದಿದ್ದರೂ ಈ ಪೈಕಿ ಐದು ಮಂದಿ 5 ಲಕ್ಷ ವರೆಗೂ ಪಾವತಿಸಲು ಮುಂದಾಗಿದ್ದರು. ಒಟ್ಟಿನಲ್ಲಿ ಇದು ಎಕೆ 47 ಜನಪ್ರಿಯತೆಗೆ ಸಾಕ್ಷಿಯಾಗಿದೆ.