'ಎಎ10' ನಂಬರ್ ಪ್ಲೇಟ್ ಗಾಗಿ 5 ಕೋಟಿ ತೆತ್ತ ದುಬೈ ಉದ್ಯಮಿ..!!

ತಮ್ಮ ಮೆಚ್ಚಿನ ಕಾರುಗಳಿಗೆ ಫ್ಯಾನ್ಸಿ ನಂಬರ್ ಗಿಟ್ಟಿಸಿಕೊಳ್ಳುವುದು ಪ್ರತಿಯೊಬ್ಬರ ಬಯಕೆಯಾಗಿರುತ್ತದೆ. ಅದರಲ್ಲೂ ಶ್ರೀಮಂತ ವ್ಯಕ್ತಿಗಳು ಇದಕ್ಕಾಗಿ ಲಕ್ಷಗಟ್ಟಲೆ ರುಪಾಯಿಗಳನ್ನು ಖರ್ಚು ಮಾಡಲು ಹಿಂಜರಿಯುವುದಿಲ್ಲ. ಇಂತಹ ಅನೇಕ ಸುದ್ದಿಗಳನ್ನು ದಿನನಿತ್ಯ ಕೇಳಿಸುವುದಾದರೂ ವಿಶೇಷವಾದ ಪ್ರಕರಣವೊಂದರಲ್ಲಿ ದುಬೈ ಉದ್ಯಮಿಯೊಬ್ಬರು 3.12 ಮಿಲಿಯನ್ ದಿರ್ಹಮ್(ಅಂದಾಜು 5.46 ಕೋಟಿ ರೂ.) ಖರ್ಚು ಮಾಡಿ ವಿಶಿಷ್ಟ ನಂಬರ್ ಪ್ಲೇಟ್ ತಮ್ಮದಾಗಿಸಿಕೊಂಡಿದ್ದಾರೆ.

ದುಬೈ ಉದ್ಯಮಿಯಾದ ಮಜೀದ್ ಮುಸ್ತಾಫಾ ಎಎ10 ನಂಬರ್ ಪ್ಲೇಟ್ ಮಾಲೀಕರಾಗಿದ್ದಾರೆ. ಶನಿವಾರದಂದು ನಡೆದ ರೋಡ್ಸ್ ಅಂಡ್ ಟ್ರಾನ್ಸ್ ಪೋರ್ಟ್ ಅಥಾರಿಟಿಯ 97ನೇ ಹರಾಜಿನಲ್ಲಿ ಎಎ ಕೋಡ್ ಇರೋ 12, 50, 100, 333, 786, 1000, 11111 ಹಾಗೂ 55555 ಎಂಬ ವಿಶೇಷ ನಂಬರ್ ಪ್ಲೇಟ್‍ ಗಳನ್ನು ಹರಾಜು ಹಾಕಲಾಗಿತ್ತು.

ಉದ್ಯಮಿ ಮುಸ್ತಾಫಾ ನಂತರ ಎರಡನೇ ದುಬಾರಿ ನಂಬರ್ ಪ್ಲೇಟ್ 2212 ಎಸ್ಸಾ ಅನ್ನು ಅಲ್ ಹಬೈ ಎಂಬವರು 2.72 ಮಿಲಿಯನ್ ದಿರ್ಹಮ್ (ಅಂದಾಜು 4.7 ಕೋಟಿ ರೂ.) ಪಾವತಿಸಿದರೆ ಇದೇ ಕಾರ್ಯಕ್ರಮದಲ್ಲಿ ಎಎ50 ನಂಬರ್ ಪ್ಲೇಟ್‌ಗಾಗಿ ಮತ್ತೊಬ್ಬ ಉದ್ಯಮಿ ಸುಮಾರು 1.84 ಮಿಲಿಯನ್ ದಿರ್ಹಮ್ (ಅಂದಾಜು 3.2 ಕೋಟಿ ರೂ.) ನೀಡಿದ್ದಾರೆ.

Recommended Video

TVS Apache RR 310 Launched In India | Specs | Top Speed | Mileage | Price

ಈ ಕುರಿತು ಮಾತನಾಡಿದ ಪುಸ್ತಾಫಾ, ತಾನು ಈ ನಂಬರ್ ಪ್ಲೇಟನ್ನ ನನ್ನ ಕಾರೊಂದಕ್ಕೆ ಹಾಕಿಸುತ್ತೇನೆ ಎಂದು ಹೇಳಿದ್ದಾರೆ. 2002ರಿಂದಲೂ ಆರ್ ಟಿಐ ಹರಾಜಿನಲ್ಲಿ ಭಾಗಿಯಾಗುತ್ತಿದ್ದ ಮುಸ್ತಾಫಾ ಈವರೆಗೆ ಇಂತಹ 5 ಸಾವಿರ ವಿಶಿಷ್ಟ ನಂಬರ್ ಪ್ಲೇಟ್ ಗಳನ್ನ ತಮ್ಮದಾಗಿಸಿಕೊಂಡಿದ್ದಾರೆ. ಇವುಗಳಲ್ಲಿ ಐ10 ನಂಬರ್ ಪ್ಲೇಟ್ ಅತ್ಯಂತ ದುಬಾರಿಯಾಗಿದೆ. ಇದಕ್ಕೆ ಅವರು ಹರಾಜು ಪ್ರಕ್ರಿಯೆಯಲ್ಲಿ 6 ಮಿಲಿಯನ್ ದಿರ್ಹಮ್ (ಅಂದಾಜು 10.5 ಕೋಟಿ ರೂ.) ನೀಡಿದ್ದಾರೆ.

32 ವರ್ಷದ ಜನರ್ ಖಮಿಸ್ ಎಂಬ ಮತ್ತೋರ್ವ ಉದ್ಯಮಿ ಈ ಹರಾಜು ಪ್ರಕ್ರಿಯೆಯಲ್ಲಿ ಎರಡನೇ ಬಾರಿ ಭಾಗವಹಿಸಿದ್ದು, ಅವರು 700,000 ದಿರ್ಹಮ್ (ಅಂದಾಜು 1.2 ಕೋಟಿ ರೂ.) ನೀಡಿ ಎಎ333 ಸಂಖ್ಯೆಯ ನಂಬರ್ ಪ್ಲೇಟ್ ತನ್ನದಾಗಿಸಿಕೊಂಡಿದ್ದಾರೆ.

ಈ ಮೊದಲು ಭಾಗವಹಿಸಿದ್ದ ಹರಾಜು ಕಾರ್ಯಕ್ರಮದಲ್ಲಿ ಅವರು 5000,000 (ಅಂದಾಜು 87 ಲಕ್ಷ ರೂ.) ದಿರ್ಹಮ್ ನೀಡಿ ವಿಶಿಷ್ಟ ನಂಬರ್ ಪ್ಲೇಟ್ ಪಡೆದುಕೊಂಡಿದ್ದು, ಅದರಲ್ಲಿ ಎರಡೇ ತಿಂಗಳಲ್ಲಿ ಅವರಿಗೆ 200,000 ದಿರ್ಹಮ್(ಅಂದಾಜು 35 ಲಕ್ಷ ರೂ.) ಲಾಭವಾಗಿತ್ತು ಎನ್ನಲಾಗಿದೆ.

ಎಎ333 ಸಂಖ್ಯೆಯ ನಂಬರ್ ಪ್ಲೇಟ್ ನಿಜಕ್ಕೂ ವಿಶೇಷವಾಗಿದ್ದು, ಈ ನಂಬರ್ ಪ್ಲೇಟನ್ನ ಲಂಬೋರ್ಗಿನಿ ಕಾರಿಗೆ ಹಾಕಿಸಲು ಇಚ್ಛಿಸುತ್ತೇನೆ. ಅಲ್ಲದೇ ಒಳ್ಳೆಯ ಬೆಲೆ ಸಿಕ್ಕರೆ ಅದನ್ನು ಮಾರಾಟ ಮಾಡುತ್ತೇನೆ ಅಂತ ಮುಸ್ತಾಫಾ ಹೇಳಿದ್ದಾರೆ.

ಇದಷ್ಟೇ ಅಲ್ಲದೇ ಈ ಹಿಂದೆ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಉದ್ಯಮಿಯಾಗಿರುವ ಅರಿಫ್ ಅಹ್ಮದ್ ಅಲ್ ಝರೌನಿ ಎಂಬುವವರು '1' ಫ್ಯಾನ್ಸಿ ನಂಬರ್ ಪ್ಲೇಟ್ ಗಾಗಿ ಬರೋಬ್ಬರಿ 33 ಕೋಟಿ ರುಪಾಯಿಗಳನ್ನು ಖರ್ಚು ಮಾಡಿದ್ದನ್ನು ನಾವಿಲ್ಲಿ ನೆನಪಿಸಿಕೊಳ್ಳಬಹುದು.

ತಪ್ಪದೇ ಓದಿ-ಮುಕೇಶ್ ಅಂಬಾನಿ ಡ್ರೈವರ್ ಸಂಬಳ ಕೇಳಿದ್ರೆ ಬೆಚ್ಚಿ ಬೀಳ್ತೀರಾ !!